JEREMÍAS 44:7 - Wuj Pa K'ubultzij

⁷ Keje ile, Yin in Ajwal, chi ronojel kintiki che, chi ki-Dios aj Israel, kinb'ij: ¿B'uchak kik'am li piwi yix i utz taj chi lik nim? ¿B'uchak ki'ano chi kekam konojel i winaq re Judá, achiyab', ixoqib', ak'alab', xaq i k'ate je alaxnaq, man keje ile lik nti kekanaj kanoq?

JEREMÍAS 44:7 Referans Kwoze

Habacuc 2:10

Ru' i anik le xaya awachoch pa k'ixb'alil, lik yet xatzukuj usachik awach rumal xasach kiwach uk'iyal nimaq taq tinimit.

JEREMÍAS 51:22

Katinchapb'ej re keinmutma i achiyab', ixoqib', rijab', k'ojolab', alab'om xaq altom.

NÚMEROS 16:38

I kisib'al i winaq le chi xekam rumal kimak, xkanaj pu'ab' i Ajwal man are ile xoksaxik are xsujux pom chwach Ire. I sib'al le chi'ana perpaq che re kinak'b'a chrij i sujb'al sipon, k'utb'al re chke aj Israel man kki'an ti ke ike.”

Ezequiel 33:11

Xwiri Yin in Ajwal, kinsaqij pub'i ink'aslemal chi kwaj ti ukamik i utz ti laj winaq, xwiri are i kwaj Yin chujalwachij uk'aslemal i chk'asi na. Yet, Israel, chakanaj kan i utz ti laj ak'aslemal. ¿Wach uchak katkam na?

Lamentaciones 2:11

I o'ej lik kuk'is uwa'al inwach, kinna yin uwach ink'ux kraqkrijik; i ukowil ink'ux lik qajnaq are xwil usachik i nim laj tinimit ke inwinaq, are kewil ral taq ak'alab' chi k'a kkitij tz'um kekam rumal i numik xol taq b'e.

JEREMÍAS 44:14

Lik mijun chke i keb' oxib' aj Judá chi xe'e pa jeqelem pa Egipto, ketotaj taq chwach i kamik, tupu lik kkaj ketzalij chal pa Judá re kejeqi chik chila, lik ketzalij ti chaloq, xwi ni i jujun chi ketiki che anmajik.

JEREMÍAS 9:21

“I kamik xok pqamuj pqasok, xok k'a pa nim laj rachoch i ajawinel, keukamsaj ak'alab' pa taq b'e xaq keukamsaj i k'ojolab' pa taq k'eb'al.

JEREMÍAS 7:19

Xwi ti kkiqajsaj in-ij Yin, xaq lik kkiqajsaj ki'ij ike re yab'al kik'ix. Yin in Ajwal, xinb'iw ile.

Proverbios 15:32

Jun winaq we kukoj ti retalil i jek'anik, lik kraj ti rib' uri ire; xwiri i jun chi kukoj retalil i jek'anik o unojb'al uri.

Proverbios 5:22

I utz ti laj winaq lik are umak kximaw na, are umak le k-anaw ni che chi utukel kuxim rib'.

1 Samuel 15:3

Rumali, jat xaq cha'ana ch'oj ku'; chachupu kiwach konojel junam ru' ub'i taq ke, lik mawil taq jub'i' tob'al kiwach. Cheakamsaj, achiyab', ixoqib', ak'alab' xaq i ral taq ak'alab' chi k'ate je alaxnaq, konojel i torib', chij, kamey xaq konojel i axna.”

JOSUÉ 6:21

Te'uri ru' ch'ich' xekikamsaj achiyab', ixoqib', alab'om, rijab' xaq konojel i b'oyexab', chij, axna xaq konojel lik xekamik.

Deuteronomio 32:25

Kekamsax ni kak'al ru' ch'ich' pa taq b'e, o ni nim laj xib'rikil pa taq kachoch; kekam ni alab'om xaq altom, rijab' xaq ak'alab' chi lik k'a ketz'umanik.

JEREMÍAS 44:8

¿B'uchak lik kiqajsaj in-ij ru' xaqmanal ki'ano xaq kisujuj pom che i jub'an taq dios chi pa Egipto, ipa ix k'unnaq wi yix pa jeqelem? Ru' ile kitzukuj usachik iwach, xaq kiya ni uk'utb'al uwach i mak atzalal xaq uqajsaxik i'ij pa nimaq taq tinimit re uwach i jyub' ta'aj.

JEREMÍAS 42:20

Yix lik ki'an jun nim laj makunik, man lik yix xib'ij chwe chi kinch'aw ru' Iwajwal Dios, xaq xib'ij chwe: Chatz'onoj k'iyal mul utzil che i Ajwal Dios pqawi yoj, xaq chaya retamaxik chqe ronojel ni'pa utaqanik ire, man keje ile kqa'an yoj.

JEREMÍAS 26:19

¿Xatab'a i ajawinel ma Ezequías xaq konojel i winaq re tinimit Judá xkikamsaj ma Miqueas? Qatzij taj, i ajawinel lik xuna i xib'rikil chwach i Ajwal, rumali xutz'onoj utzil chi k-il ni tob'al kiwach konojel. Are uri i Ajwal xutaq ta li k'ax laj taq yob'il pkiwi pacha ub'im te'eq. ¿Xatab'a yoj wo'or kqeqaj jun nim laj k'ax?

JEREMÍAS 25:7

Wo'or i Ajwal kub'ij: “Yix ikojom ti retalil chwe, imi'sam woywal rumal ukojik ki'ij i tiox chi xa yix ix anawnaq, ile are kpetsaw i k'ax piwi.”

Proverbios 8:36

Xwiri i jun chi kujek' rib' wu' Yin, xa kuya uk'aslemal chwach i kamik, man konojel ni'pa i tzel kinkilo, are i kamik kkaj.

Proverbios 1:18

I winaq le lik xa tzaqsab'al ke ike kkiyijb'a xaq xa kkiya kik'aslemal chwach i kamik.

1 Samuel 22:19

Chrijil chik ile x-e pa Nob chi are kitinimit i je ajsujul sipon, ru' i ch'ich' chi o uware k'ulala xeukamsaj achiyab', ixoqib', ak'alab' xaq xeukamsaj ne ral taq ak'alab' chi k'ate je alaxnaq xaq xeukamsaj i b'oyexab', axna xaq i chij.

JEREMÍAS 3:24

I k'ixb'alil laj taq ukojik u'ij i tiox, xu'an chqe chi xqasach uwach ni'pa je tikinaq te qaqajaw qachuch che ujer are k'a oj ak'alab': Chij, chikop, qami'al qalk'uwal.

Lamentaciones 2:22

A'anom che i xib'in ib' chi k'ulala kk'un qu', pacha taq ke'e pa jun nim laj nima'ij; che i ij chi lik petnaq nim laj awoywal, Ajwal, lik mijun x-anmajik. I jub'an chi yin xeink'itsaj xaq xink'ut u'anik utz chke, i ajch'oj chwij xeukamsaj.

JEREMÍAS 25:6

Mixterej chkij jub'an chik dios, mixxuki chkiwach xaq mikoj ki'ij. Mimi'saj roywal i Ajwal ru' ukojik ki'ij i tiox le chi xa yix ix anawnaq, man keje ile mijun k'ax kutaq li uri piwi.

JEREMÍAS 38:17

I ma Jeremías xub'ij che ma Sedequías: —I Ajwal chi ronojel ktiki che, chi ki-Dios aj Israel, keje iri kub'ij: “We su' kajach awib' chke aj-atzil re i ajawinel Babilonia, yet xaq i awalk'uwal ktotaj ni uri ik'aslemal, xaq i tinimiti knak' ti a' uri che.