JEREMÍAS 44:30 - Wuj Pa K'ubultzij

³⁰ Yin kinjach ni ma faraón Hofra, Ajawinel re Egipto, pki'ab' rajch'oj chrij, pacha ujachik ma Sedequías ajawinel re Judá pu'ab' ma Nabucodonosor, ajawinel re Babilonia, rajch'oj chrij.

JEREMÍAS 44:30 Referans Kwoze

Ezequiel 30:21

Yin inpatz'om uteleb' i ma faraón, chi ajawinel re i tinimit Egipto, i mijun ukunam che xaq ub'atz'om taq k'ul chrij yab'al tan chik ucho'ab' chi lik ktiki tan chik chumo'exik uch'ich' chi k'ulala o uware.

JEREMÍAS 34:21

Xaq kin-an na chi ma Sedequías, chi ajawinel re i tinimit Judá, xaq i je rajpatanib' ketzaq ni pki'ab' i ajch'oj chi kekamsanik, xaq ktzaq ni pki'ab' i achiyab' chi je yij che i ch'oj re i ajawinel aj pa Babilonia, chi wo'or nti ch'oj kki'an chkij.

Ezequiel 31:18

Mijun chke i che' re Edén ktiki taq chujunamsaxik rib' ru' ire che uchomalil xaq i unajtil rij; xwiri kqaj ni ku' jub'an chik che' pa Edén che i jyub' ta'aj le chuxe' ulew, re kjeqi chila chkixol i jub'an chi kkikoj ti u'ij i Dios xaq chkixol i winaq chi xekam pa ch'oj. I che' le, are i ma faraón junam ku' uwinaq. Yin in Ajwal, xinb'ij.

JEREMÍAS 27:7

Konojel ni'pa i nimaq taq tinimit lik kek'iji ni pu'ab' ire, pu'ab' rak'al xaq pu'ab' i ri umam k'a kuriqa ni ij chi i nim laj utinimit ire le kk'iji ni pki'ab' i nimaq taq tinimit xaq nimaq taq ajawinelab'.

JEREMÍAS 44:29

Yin in Ajwal, kinya ni chiwe yix k'utb'al re pacha jun k'amb'al ipam chi lik k-antaj na wach kinb'ij, xaq lik kinya ni utojb'alil che i tinimiti: