JEREMÍAS 44:27 - Wuj Pa K'ubultzij

²⁷ Man Yin lik kixintaqej re kintaq b'i k'ax laj taq yob'il piwi, keje uri ile lik kitij ti utz. Konojel aj Judá chi je jeqel pa Egipto lik ksach ni kiwach ru' nimaq taq ch'oj xaq ru' wa'jal.

JEREMÍAS 44:27 Referans Kwoze

JEREMÍAS 31:28

Keje pacha xin-ano chi lik xinyijb'a wib' chusachik uwach, chuyojik, chutzaqsaxik, chuwulijsaxik, xaq chu'anik ronojel i k'ax, keje ile kinyijb'a tan chik wib' chuyakik xaq chutikik. Yin in Ajwal, xinb'iw ile.

JEREMÍAS 1:10

“Yin kinya intzij pachi'. Wo'or lik kinya i atb'al tzij pa'ab' puwi i ajawinik xaq pkiwi i nimaq taq tinimit, re uchupik uwach xaq uk'isik uwach, re uwulijsajxik xaq re sachb'al uwach, xwiri xaq re uyakik xaq utikik.”

2 Reyes 21:14

I jub'an chik inwinaq lik kewo'taj na xaq keinjach ni pki'ab' i je ajch'oj chkij, man keje ile lik kel-ax b'i ronojel ub'itaq ke xaq kelsax nu b'i chke.

JEREMÍAS 44:18

Xwiri are xqamayij usujuxik pom xaq i sipon re uwa'al uva muqb'am che Ati Ajawinel re i Kaj, rumali lik nti chik qawa xaq ronojel i b'iroxik, i qawinaq kekam rumal i numik pa ch'oj.

JEREMÍAS 44:12

Kin-an ni chke i xek'asi kan pa Judá, chi xkikoch'ij kib' che enam pa jeqelem pa Egipto, lik kesachsax ni kiwach konojel chila. Konojel, che ch'utiq che nimaq, kekam ni rumal i ch'oj o rumal i wa'jal, xaq kkiya ni k'utb'al re uwach i mak atzalal xaq uqajsaxik ki'ij, man ile, lik kuya xib'in ib'.

JEREMÍAS 21:10

Man yin inch'ob'om chik uk'amik li i utz taj puk'exel i utz puwi i nim laj tinimiti. Kinjach ni pu'ab' i ajawinel re i tinimit Babilonia, ire lik kunak' ni a' che. Yin in Ajwal, xinb'iw ile.

JEREMÍAS 9:16

Keinkichersaj nu b'i chkixol i nimaq taq tinimit, chi keta'am ti kiwach, chi xaq i kiqajaw kichuch xketamaj ti kiwach.”

JEREMÍAS 39:16

“Jat, chab'ija che ma Ebed-melec, chi aj Etiopía: I Ajwal, chi ronojel ktiki che, chi ki-Dios aj Israel, keje iri kub'ij: Kin-an ni ronojel ni'pa intzijom chrij i tinimiti chi ni'pa i utz taj ktzaq ni chrij, are ti i utz. Are kuk'ulmaj ile, yet lik at o ni chila.

JEREMÍAS 42:16

i ch'oj xaq i numik chi yix lik kixij iwib' che kixuriqa ni uri chila, xaq lik chila na kixkam wi.

JEREMÍAS 44:13

Kinya ni utojb'alil chke jub'an chi je jeqel pa Egipto pacha uya'ik utojb'alil xin-an chke aj Jerusalén ru' ch'oj, ru' wa'jal xaq ru' itzel laj taq yob'il.

JEREMÍAS 44:14

Lik mijun chke i keb' oxib' aj Judá chi xe'e pa jeqelem pa Egipto, ketotaj taq chwach i kamik, tupu lik kkaj ketzalij chal pa Judá re kejeqi chik chila, lik ketzalij ti chaloq, xwi ni i jujun chi ketiki che anmajik.

Ezequiel 5:12

Jun urox uk'iyal chke i awinaq kekam ni rumal itzel laj taq yob'il xaq che i numik chaxol yet, jun chik urox uk'iyal kekamsax ni kumal i ajch'oj chkij chi je o chkij chkiwach, i urox uk'iyal chi xekanaj kanoq keinkichersaj nu b'i chwach ronojel i jyub' ta'aj. Yin kewoqtaj ike ru' jun ch'ich' pin-ab' chi k'ulala o uware.

Daniel 9:14

Rumali, Ajwal, ayijb'am i k'axi, i ataqom li pqawi yoj; man yet Qajwal Dios, lik at tz'aqat che ni'pa i ka'ano; xwiri yoj xqaj ti xatqata.

AMÓS 9:8

I Ajwal kril i tinimit ajmakunel, i kub'ij: Kinsachsaj uwach chwach i ulew, xwiri kinsachsaj ti uwach ronojel i rachoch ma Jacob. Yin in Ajwal, kinb'ij.

JEREMÍAS 9:15

Rumali, Yin in Ajwal chi ronojel kintiki che, Dios ke aj Israel, kinb'ij: Kin-an ni chke chi kkitij i b'iroxik chi lik k'a xaq kkitu' ni ya chi o b'enen ru'.