JEREMÍAS 44:15 - Wuj Pa K'ubultzij

¹⁵ Are uri i jub'an chi keta'am chi kixoqil kkisujuj pom chkiwach i dios, xaq jub'an chik ixoqib' chi je o chila, konojel ike le lik je jun tzob'aj nim; xwi ta la ile, xaq k'a je o mas chi je are aj Israel chi je jeqel chila pa wiqab' re i tinimit Egipto, xkila' uwach che ma Jeremías:

JEREMÍAS 44:15 Referans Kwoze

Proverbios 11:21

Lik saq laj tzij i utz ti laj winaq kya' ni pa tojpen, xwiri i utz laj winaq lik ktotaj na.

Mateo 7:13

Keb' i b'e re i k'aslemal: Jun, xa pich' uwach, i jun chik, nim uwach. Chixok yix che uchija chi pich' uwach, man uchija re i b'e chi nim uwach, xa pa a' re i kamik k-e wi. Lik je k'i keb'in ni che i b'e le.

NEHEMÍAS 13:26

“¡Lik are umak ma Salomón ile chi ajawinel pa tinimit Israel! Tupu chkixol k'iyal nimaq taq tinimit mijun ajawinel xmajawik pacha ire, chi lik k'ax xna' rumal i Dios xaq xuya pa ajawinel pkiwi konojel aj Israel, xwiri ixoqib' aj naj xki'an che chi xmakunik.

GÉNESIS 19:4

Lik k'amaja ne kekotz'i'ik, are xeupon pan achiyab' re i tinimit Sodoma chusutixik rij rachoch ma Lot, xeupon konojel achiyab', alab'om xaq che rijab'.

ISAÍAS 1:5

Yix lik ki'at i pen chu'anik qelqel che iwib', i ich'akul lik soktajnaq chik ronojel. Lik soktajnaq chik ronojel ijolom, xaq lik nti chik pich' icho'ab'.

ISAÍAS 48:5

ujeri intzijom chawe, xinb'ij chawe chuxe'el uk'ulmaxik. Man keje ile kab'ij taj: “Are intiox x-anawik, are i tak'tik k'exwach chi xin-ano are ire xch'ob'owik.”

JEREMÍAS 44:19

I ixoqib' xkib'ij: —Yoj kqa'an te'eq wa chi kuk'exwachij Ati Ajawinel re i Kaj, xaq kqaporoj te'eq pom, xaq i sipon re uwa'al uva muqb'am, xwiri ronojel ile lik keta'am i qachijil. Xaq kqamayij ti u'anik ile.

JEREMÍAS 44:24

I ma Jeremías xub'ij chke konojel i winaq re i tinimit, lik mas chke ixoqib': —Chita i tzijoniki re i Ajwal iwonojel yix, winaq aj Judá chi ix jeqel pa Egipto.

Ezequiel 29:14

Kin-an ni chke ajprexil re Egipto ketzalij loq i kejeqi chila pa wiqab' re i Egipto man chila je alaxnaq wi, chila kki'an wi jun tinimit che kib' chi nti u'ij.

Ezequiel 30:14

Kin-an na chi ksach uwach i jyub' wiqab' re i tinimit Egipto, kinnak' a' che i tinimit Zoán xaq kin-at tzij puwi i tinimit Tebas.

Deuteronomio 13:7

chkixol i jub'an chik dios chi je o naqaj xaq je o naj, xaq we je o jela xaq we jewa che i jyub' ta'aj.

JEREMÍAS 44:1

I tzijonik chi xuk'am ma Jeremías ke konojel aj Israel chi je jeqel te'eq pa tinimit Egipto, che i tinimit Migdol, che i tinimit Tafnes, che i tinimit Menfis xaq che i k'ijib'al wiqab':