JEREMÍAS 44:13 - Wuj Pa K'ubultzij

¹³ Kinya ni utojb'alil chke jub'an chi je jeqel pa Egipto pacha uya'ik utojb'alil xin-an chke aj Jerusalén ru' ch'oj, ru' wa'jal xaq ru' itzel laj taq yob'il.

JEREMÍAS 44:13 Referans Kwoze

JEREMÍAS 43:11

Ire kk'un na xaq kusach ni uwach i tinimit Egipto. Jun we petnaq puk'aslemal kkamik, kkam na; jun we lik petnaq puk'aslemal chi kelsax b'i pa cho'ab' chwach rulew, kelsax nu b'i pa cho'ab' chwach rulew, jun we lik petnaq puk'aslemal kkam pa ch'oj, kkam ni uri pa ch'oj.

JEREMÍAS 11:22

i Ajwal chi ronojel ktiki che kub'ij chke: “Are utojb'alil iri kinya piwi: I k'ojolab' kekam ni pa taq ch'oj, i ak'alab' alab'om xaq i altom kekam ni rumal i numik.

JEREMÍAS 42:18

I Ajwal chi ronojel ktiki che, chi ki-Dios aj Israel, kub'ij: “Keje pacha i nim laj woywal chi xpe pkiwi i winaq aj Jerusalén, xaq keje ile kpe piwi yix we kix-e pa Egipto. Yix kix-on ni pacha k'utb'al re i k'oqb'al, chi lik kuya i xib'in ib', rumali lik kiwil ti chik i k'ijib'ali.”

JEREMÍAS 24:10

Kintaq nu b'i nimaq taq ch'oj pkiwi, wa'jal xaq i itzel laj taq yob'il, k'a kekam ni konojel chi mijun kkanaj kan pa tinimit chi xinya chke ike xaq chke i katit kimam.

JEREMÍAS 21:9

I jun chi kkanaj kan pa nim laj tinimiti kkam ni pa ch'oj, we ntaj rumal wa'jal kekam ni che numik, xaq we ntaj rumal i itzel laj yob'il. Xwiri i jun chi kel loq xaq kujach rib' chke aj Caldea chi ketijin chu'anik ch'oj chrij i nim laj tinimit, kkam ti uri; ktiki ni uri chuto'ik uk'aslemal.

JEREMÍAS 42:16

i ch'oj xaq i numik chi yix lik kixij iwib' che kixuriqa ni uri chila, xaq lik chila na kixkam wi.

JEREMÍAS 42:17

Konojel i jub'an chi lik kkikoch'ij kiwach re ke'ejeqi pa Egipto, kekam ni uri chila rumal i ch'oj, wa'jal xaq itzel laj taq yob'il. Lik mijun kk'asi kanoq; lik mijun ktotaj che itzel laj taq yob'il chi kintaq b'ik.

JEREMÍAS 24:9

Kin-an ni chke ike chi kuya ni nim laj xib'rikil chke konojel i nimaq taq tinimit chwach i jyub' ta'aj, chi xaq are ni ilb'al re i nim laj uqajsaxik ki'ij, kiyo'yaxik xaq i kik'oqoxik pa ronojel nimaq taq tinimit ipa xeinkichersaj wi b'i kiwach.

JEREMÍAS 42:15

Are uri yix chita iri, yix aj Judá chi k'a ix o kanoq, wach kub'ij i Ajwal chiwe chi ronojel ktiki che, chi ki-Dios aj Israel: We lik kikoch'ij iwib' re kix-ejeqel pa Egipto,

Oseas 9:6

Ike je anmajnaq chwach i sachb'al kiwach; i Egipto keumol na, te'uri pa tinimit Menfis kemuq wi. Ni'pa taq i kib'eyomal chi saq-o'oj keu'on na pacha i tzarab', i k'ijib'al re kachoch ipa kimolom wi kib' kk'iy ni k'ix chwach.