JEREMÍAS 43:6 - Wuj Pa K'ubultzij

⁶ I achiyab', ixoqib', ak'alab', xaq i je umi'al i ajawinel xaq konojel i winaq chi ma Nabuzaradán, aj-ok'al utzam i ajchajinelab', je uya'om kan pu'ab' ma Gedalías, xaq ma Jeremías i ma Baruc.

JEREMÍAS 43:6 Referans Kwoze

JEREMÍAS 39:10

Rumali chupam i ulew ke aj Judá xwi xeuya kan jujun chi lik je nib'a'ib' chi lik nti o ku', che i ij le xuya tikb'al ki-uva, xaq ulew re jalajuj taq tikon.

JEREMÍAS 40:7

I aj-ok'al utzam xaq i achiyab' chi je yij che i ch'oj aj Israel, chi k'a je o chila pa taq es are xkita chi ajawinel re i Babilonia xuya kan ma Gedalías, chi uk'ojol ma Ahicam, pa aj-ok'al utzam i jalajuj taq tinimit, chi are ire o pu'ab' keuchajij i achiyab', ixoqib' xaq i ak'alab' ke i winaq chi mas je nib'a' che i nim laj tinimit chi xetaq tu b'i pa Babilonia,

Lamentaciones 3:1

Lik are yin inna'om chik uyej rumal i jalajuj taq k'ax re i nim laj roywal i Ajwal.

JEREMÍAS 41:10

Xwi ta la ile, i ma Ismael xeuchap i umi'al i ajawinel xaq i winaq chi k'a je o kan chila pa Mizpa, are ma Nabuzaradán, chi aj-ok'al utzam ajchajinelab', chi xeuya te'eq chuxe' utaqanik ma Gedalías. I ma Ismael xeuchapo, te'uri xumaj b'i ub'e re kik'aw pa ulew Amón.

JEREMÍAS 52:10

Lik chwach i ma Sedequías are xutaq uworik pkiqul i rak'al xaq keje ile xu'an chke konojel i utz laj taq winaq chi o ki'ij chila Judá.

Juan 21:18

Are uri xub'ij che, lik saq laj tzij kinb'ij chawe: Yet, are k'a at k'ojol ala, kawiq awib' re kat-e xaipa kawaj wi enam, xwiri are katrijab'ik, kasuk'b'a ni a'ab' man jun chik kkojow ni a'u'; xaq katuk'am nu b'i ipa kawaj ti enam.

JEREMÍAS 38:22

Konojel ni'pa ixoqib' chi kekanaj pa nim laj rachoch i ajawinel aj Judá lik ke'elsax na loq xaq kejach ni pki'ab' i je atzil re i ajawinel aj Babilonia, xaq ike kkib'ij na: “Konojel i je ramiy ajawinel chi lik je utz xkit'oro xaq lik xetiki che; xkiya che chi raqan lik xmuqtaj b'i chupam i xo'ol xaq lik xko'taj kanoq.”

JEREMÍAS 43:3

Xa are ma Baruc, chi uk'ojol ma Nerías, katumin chupam chi tzel kojawilo man keje ile kojaya pki'ab' aj Caldea, re kojkik'am b'i pa Babilonia o xaq re kojkikamsaj.”

JEREMÍAS 45:1

Che ukaj junab' re rajawinik ma Joacim, chi uk'ojol ma Josías, ajawinel re Judá, are uri ma Baruc, uk'ojol ma Nerías, kutz'ib'aj wach kub'ij ma Jeremías che, chi profeta, xub'ij ma Jeremías che ma Baruc:

JEREMÍAS 40:11

Konojel aj Israel chi je o chila Moab, Amón, Edom xaq jub'an chik nimaq taq tinimit xketamaj chi ajawinel re Babilonia xuya chke jujun aj Israel chi kekanaj kan prulew, xaq are ire xuya kan ma Gedalías pacha aj-ok'al utzam ke ike.