JEREMÍAS 43:5 - Wuj Pa K'ubultzij

⁵ Xwiri ma Johanán xaq konojel aj-ok'al utzam i achiyab' chi je yij che i ch'oj, xkimol kichi' i keb' oxib' chik winaq aj Judá chi k'a je o kanoq, chi are chrijil chik ile je kichersam te'eq b'i pa jalajuj nimaq taq tinimit, je tzalijnaq chal pa Judá re kejeqi chila:

JEREMÍAS 43:5 Referans Kwoze

1 Samuel 26:19

Lik kintz'onoj jun utzil chawe, nim laj winaq, chi chata ni awajchaki. We are i Ajwal at utaqom che chi katch'ojin chwij, kinsujuj jun sipon chwach, man keje ile moqxa kik'aw roywal. Xwiri we xa are kinojb'al i winaq lik chek'oqox ni uri rumal i Ajwal, man xinkesaj chwach rulew i Ajwal xaq kinkitaq b'i chukojik ki'ij i jub'an chik dios.

2 Reyes 25:22

Ma Nabucodonosor, chi ajawinel re i tinimit Babilonia, xuya kan ma Gedalías pa atol tzij pkiwi i winaq chi k'a xeukanaj kan pa tinimit Judá; i ma Gedalías le uk'ojol ma Ahicam xaq ri umam ma Safán.

JEREMÍAS 40:10

Yin kinkanaj kan pa Mizpa, man keje ile yin kink'iji chkiwach aj Caldea are kek'unik. Yix chik'olo i uwa'al uva muqb'am, echa' xaq i aceite, xaq keje ile kixkanaj kan uri pa tinimit chi yix xik'amo.”

JEREMÍAS 41:10

Xwi ta la ile, i ma Ismael xeuchap i umi'al i ajawinel xaq i winaq chi k'a je o kan chila pa Mizpa, are ma Nabuzaradán, chi aj-ok'al utzam ajchajinelab', chi xeuya te'eq chuxe' utaqanik ma Gedalías. I ma Ismael xeuchapo, te'uri xumaj b'i ub'e re kik'aw pa ulew Amón.

JEREMÍAS 41:17

Xe'ek xaq xejeqi kan pa tinimit Gerutquimam, chila xe'uxlan wi chutzal i tinimit Belén, man k'a pa Egipto ke'e wi