JEREMÍAS 43:11 - Wuj Pa K'ubultzij

¹¹ Ire kk'un na xaq kusach ni uwach i tinimit Egipto. Jun we petnaq puk'aslemal kkamik, kkam na; jun we lik petnaq puk'aslemal chi kelsax b'i pa cho'ab' chwach rulew, kelsax nu b'i pa cho'ab' chwach rulew, jun we lik petnaq puk'aslemal kkam pa ch'oj, kkam ni uri pa ch'oj.

JEREMÍAS 43:11 Referans Kwoze

JEREMÍAS 44:13

Kinya ni utojb'alil chke jub'an chi je jeqel pa Egipto pacha uya'ik utojb'alil xin-an chke aj Jerusalén ru' ch'oj, ru' wa'jal xaq ru' itzel laj taq yob'il.

JEREMÍAS 15:2

Xaq we kkitz'onoj chawe ipa ke'e wi, chab'ij iri chke pink'exel yin: Ni'pa i ch'iktal chik kij chi kekam rumal itzel laj taq yob'il, lik rumal uri itzel laj taq yob'il le kekamik; xaq ni'pa ch'iktal chik kij chi kekam pa nimaq taq ch'oj; lik pa nimaq taq ch'oj uri kekam wi, ni'pa ch'iktal chik kij chi kekam rumal i wa'jal; lik rumal i wa'jal uri kekamik, ni'pa ch'iktal chik kij chi ke'elsax b'i pa cho'ab' chwach kulew, lik pa cho'ab' uri ke'elsax b'ik chwach kulew.

ZACARÍAS 11:9

Chke i chij xinb'ij: “¡Lik in ajyu'ul ti chik iwe yix! ¡We o jun kkamik, chkamoq! ¡We o jun kkamsaxik, chkamsaxoq! ¡I kekanajik, chkitija kib' chkiwach!”

JEREMÍAS 25:19

Xaq xinya chutu'ik che ma faraón, chi ajawinel re i Egipto, xaq chke i raqan u'ab' xaq chke i raj-atzil, xaq chke konojel uwinaq.

Ezequiel 5:12

Jun urox uk'iyal chke i awinaq kekam ni rumal itzel laj taq yob'il xaq che i numik chaxol yet, jun chik urox uk'iyal kekamsax ni kumal i ajch'oj chkij chi je o chkij chkiwach, i urox uk'iyal chi xekanaj kanoq keinkichersaj nu b'i chwach ronojel i jyub' ta'aj. Yin kewoqtaj ike ru' jun ch'ich' pin-ab' chi k'ulala o uware.

Job 20:29

Ile lik are uyijb'am i Dios che jun utz ti laj winaq; are usipon i utz ti laj winaq ile yijb'am che rumal i Dios.

Apocalipsis 13:10

“Pachin i rajwaxik ke'e prexil, lik kek'am nu b'i uri prexil. Xaq pachin i rajwaxik kekam ru' ch'ich', lik ru' ch'ich' uri kekamik.” Rumali, ni'pa i je re i Dios, chki'ana nim che kik'ux chwach i k'ax, xaq mkisach ukub'ib'al kik'ux che i Ajwal.

JEREMÍAS 25:15

I Ajwal, chi ki-Dios aj Israel, xub'ij chwe: “Chawila pe i tu'b'al ya ri nojnaq che uwa'al uva muqb'am re woywal. Chak'ama xaq chaya chke konojel nimaq taq tinimit re kkitu'u, i nimaq taq tinimit chi katintaq b'i yin ku'.

JEREMÍAS 42:22

Rumali wo'or lik chiwetamaj chi rumal i ch'oj, wa'jal xaq itzel laj taq yob'il, yix kixkam ni pa nim laj tinimit chila i pa kiwaj wi jeqelem.

Ezequiel 29:11

Mitene winaq xaq mitene chikop keik'aw ni chila. Che i kawinaq (40) junab' lik mijun winaq kjeqi chila.

JEREMÍAS 44:12

Kin-an ni chke i xek'asi kan pa Judá, chi xkikoch'ij kib' che enam pa jeqelem pa Egipto, lik kesachsax ni kiwach konojel chila. Konojel, che ch'utiq che nimaq, kekam ni rumal i ch'oj o rumal i wa'jal, xaq kkiya ni k'utb'al re uwach i mak atzalal xaq uqajsaxik ki'ij, man ile, lik kuya xib'in ib'.