JEREMÍAS 43:10 - Wuj Pa K'ubultzij

¹⁰ Xaq chab'ij chke: I Ajwal chi ronojel ktiki che, chi ki-Dios aj Israel, kub'ij: Kin-an na chi kk'un wajpatan ma Nabucodonosor, chi ajawinel re Babilonia, kinya ukub'ib'al chi o u'ij xaq kinya i saqil laj rachoch i ajawinel puja' ab'aj le chi inmuqum waral.

JEREMÍAS 43:10 Referans Kwoze

JEREMÍAS 1:15

Yin, chi in Ajwal, lik kinsaqij chiwe chi keinsik'ij konojel i ajawinelab' pa moxab'. Kek'un ni i kajawinelab' xaq kkikub'a ni kikub'ib'al chi o u'ij pa okb'al che i tinimit Jerusalén, chwach ronojel ni'pa i tapial chi sutiwnaq rij xaq chkiwach konojel ni'pa i tinimit re i Judá.

ISAÍAS 44:28

Yin kinb'ij che ma Ciro: Yet at wajyu'unel, yet ka'an ni ronojel ni'pa i kwaj yin; xaq kinb'ij che i tinimit Jerusalén: “Yet katyak chik ukamul”; xaq kinb'ij che i rachoch i Dios: “Koksax ni akub'ib'al”.

Salmos 31:20

Rumal at o chila, ketotaj i utz laj taq winaq chwach i utz ti laj kich'ob'onik i je ajch'oj chkij, keato chuxe' i ja re riqb'al ib' awu' chwach i k'ax laj taq tzij chi kkib'ij i je ajch'oj chke.

Salmos 27:5

Are kuriqa i ij re i k'ax, i Ajwal kuya tob'al wib' pa ja re riqb'al ib' ru'; kinuto ni chuxe' umuj, ¡Kinuya ni puwi jun ab'aj tob'al we!

Salmos 18:11

xu'an pacha ruwajb'al rib' che pacha jun ja wu'wik k'ul, i tz'intz'ik equm sutinnaq chrij chwach xaq i nimaq taq sutz' chi rok'am li jab' chupam.

Mateo 22:7

Rumali, i ajawinel lik xpe roywal che; xeutaq b'i uwinaq chi je yij che i ch'oj chkikamsaxik ni'pa i xe'anaw i kamik le, xaq chuporoxik i kitinimit.

Daniel 2:21

Ire kujalwachij i ij xaq i junab'; keresaj xaq keukoj ajawinelab', xaq kuya kino'oj i o kinojb'al xaq kuya b'iwil chke i je b'iw.

1 Reyes 20:16

Are uri konojel uwinaq ma Acab xe'el b'i pa'ij, tz'aqat ma Ben-adad xaq i je kab'lajuj juwinaq (32) ajawinel chi je rachnimam, k'a ketijin che i ab'arik chila chuxe' i mujb'al re es chi k'ate xki'ano.

1 Reyes 20:12

Are xya' utzijol che ma Ben-adad, ire ktijin che i ab'arik ku' i jub'an chik ajawinelab' chuxe' i mujb'al re es chi lik k'ate xkiyijb'a. Are uri i ajawinel le xub'ij chke i rajpatan: “¡Jix chu'anik ch'oj chkij!” Are uri konojel xe'e chu'anik ch'oj chrij i tinimit.

ISAÍAS 45:1

I Ajwal xujach ma Ciro pa ajawinel, xuchap che u'ab' man ktiki chkipek'ik i nimaq taq tinimit; xaq kumutma ni ki'a' i ajawinelab' chke. I Ajwal ku'ano chi kjaqi ni uchija chwach i ma Ciro re i jalajuj nimaq taq tinimit; chi mijun ktiki chutz'apixik uchija chwach. Xaq wo'or kub'ij che:

JEREMÍAS 43:9

“Chak'ama keb' oxib' ab'aj nimaq, chamuqu chupam i xo'ol re i natril chi o chwach i saqil laj okb'al re i nim laj rachoch i ajawinel ma faraón pa tinimit Tafnes xaq chkiwach i winaq aj Israel.

JEREMÍAS 46:13

I Ajwal xch'aw ru' i profeta chi ma Jeremías are ma Nabucodonosor, ajawinel re Babilonia, are enam te'eq re chu'anik ch'oj pa tinimit Egipto:

Ezequiel 5:12

Jun urox uk'iyal chke i awinaq kekam ni rumal itzel laj taq yob'il xaq che i numik chaxol yet, jun chik urox uk'iyal kekamsax ni kumal i ajch'oj chkij chi je o chkij chkiwach, i urox uk'iyal chi xekanaj kanoq keinkichersaj nu b'i chwach ronojel i jyub' ta'aj. Yin kewoqtaj ike ru' jun ch'ich' pin-ab' chi k'ulala o uware.

JEREMÍAS 49:38

Kinkub'a ni inkub'ib'al chi o u'ij pa tinimit Elam, xaq kin-an ni che chi kekam ni rajawinelab' xaq i je kaj-atzil. Yin in Ajwal, xinb'iw ile.