JEREMÍAS 42:22 - Wuj Pa K'ubultzij

²² Rumali wo'or lik chiwetamaj chi rumal i ch'oj, wa'jal xaq itzel laj taq yob'il, yix kixkam ni pa nim laj tinimit chila i pa kiwaj wi jeqelem.

JEREMÍAS 42:22 Referans Kwoze

JEREMÍAS 42:17

Konojel i jub'an chi lik kkikoch'ij kiwach re ke'ejeqi pa Egipto, kekam ni uri chila rumal i ch'oj, wa'jal xaq itzel laj taq yob'il. Lik mijun kk'asi kanoq; lik mijun ktotaj che itzel laj taq yob'il chi kintaq b'ik.

Oseas 9:6

Ike je anmajnaq chwach i sachb'al kiwach; i Egipto keumol na, te'uri pa tinimit Menfis kemuq wi. Ni'pa taq i kib'eyomal chi saq-o'oj keu'on na pacha i tzarab', i k'ijib'al re kachoch ipa kimolom wi kib' kk'iy ni k'ix chwach.

Ezequiel 6:11

I Ajwal xub'ij chwe: “Chatjilawoq, chakojo ab' xaq chakojo aqan; chatsik'in ru' k'axk'ol rumal i mak atzalal chi ch'am taj re i tinimit Israel, man kkam ni rumal i ch'oj, rumal i numik, xaq rumal i yob'il.

JEREMÍAS 43:11

Ire kk'un na xaq kusach ni uwach i tinimit Egipto. Jun we petnaq puk'aslemal kkamik, kkam na; jun we lik petnaq puk'aslemal chi kelsax b'i pa cho'ab' chwach rulew, kelsax nu b'i pa cho'ab' chwach rulew, jun we lik petnaq puk'aslemal kkam pa ch'oj, kkam ni uri pa ch'oj.

ISAÍAS 30:3

Xwiri i tob'al chi kuya ma faraón keut'or na, xaq i uto'ik kib' chuxe' umuj i Egipto xa are uqajsaxik ki'ij.

JEREMÍAS 44:12

Kin-an ni chke i xek'asi kan pa Judá, chi xkikoch'ij kib' che enam pa jeqelem pa Egipto, lik kesachsax ni kiwach konojel chila. Konojel, che ch'utiq che nimaq, kekam ni rumal i ch'oj o rumal i wa'jal, xaq kkiya ni k'utb'al re uwach i mak atzalal xaq uqajsaxik ki'ij, man ile, lik kuya xib'in ib'.

Ezequiel 33:27

Xaq chab'ij chke: Keje iri kub'ij i Ajwal: Lik kinsaqij pub'i ink'aslemal chi ni'pa i je jeqel pa taq tinimit chi je o puyej, lik kekamsax na, i jub'an chi je jeqel pa taq es, kin-an na chi ketijaw kumal itzel taq chikop, xaq i jub'an chi je jeqel xol taq ab'aj xaq i jub'an chi je jeqel pa taq pek, kekam ni rumal yob'il.

JEREMÍAS 24:10

Kintaq nu b'i nimaq taq ch'oj pkiwi, wa'jal xaq i itzel laj taq yob'il, k'a kekam ni konojel chi mijun kkanaj kan pa tinimit chi xinya chke ike xaq chke i katit kimam.

Ezequiel 6:12

Ni'pa i je o naj kekam ni rumal i yob'il, ni'pa i je o naqaj kekam ni pa ch'oj, are i kek'asi kanoq, kekam ni rumal numik. Keje ile kintz'aqatsaj i woywal chkij ike.