JEREMÍAS 42:1 - Wuj Pa K'ubultzij

¹ Konojel i aj-ok'al utzam achiyab' chi je yij che i ch'oj, chkixol ike le xaq o ma Johanán, chi uk'ojol ma Carea, ma Azarías, chi uk'ojol ma Osaías, xaq konojel i winaq che nimaq che ch'utiq, xetejeb' pan ru'

JEREMÍAS 42:1 Referans Kwoze

JEREMÍAS 41:11

Ma Johanán, are uk'ojol ma Carea xaq aj-ok'al utzam chke i achiyab' chi je yij che i ch'oj chi je o te'eq ru', xkita i kamik chi xu'an ma Ismael, chi uk'ojol ma Netanías,

JEREMÍAS 40:13

I ma Johanán, uk'ojol ma Carea xaq konojel i jub'an chik aj-ok'al utzam i achiyab' chi je yij che i ch'oj chi je kanajnaq kan pa taq es, xe'e pa Mizpa chrilik ma Gedalías,

JEREMÍAS 6:13

Konojel che ch'utiq che nimaq, xwi kkich'ob' utzukuxik i ch'akanik ru' ela'; I profeta xaq ajsujul sipon, konojel is je t'oronel.

JEREMÍAS 44:12

Kin-an ni chke i xek'asi kan pa Judá, chi xkikoch'ij kib' che enam pa jeqelem pa Egipto, lik kesachsax ni kiwach konojel chila. Konojel, che ch'utiq che nimaq, kekam ni rumal i ch'oj o rumal i wa'jal, xaq kkiya ni k'utb'al re uwach i mak atzalal xaq uqajsaxik ki'ij, man ile, lik kuya xib'in ib'.

JEREMÍAS 42:8

are uri ire xusik'ij ma Johanán, chi uk'ojol ma Carea, xaq i je aj-ok'al utzam achiyab' chi je yij che i ch'oj chi kachi'ilam te'eq b'ik, xaq konojel i winaq, che ch'utiq che nimaq

JEREMÍAS 40:8

xe'e ku' kiwinaq pa Mizpa, chrilik ma Gedalías. Chkixol ike le je o: Ma Ismael, uk'ojol ma Netanías; ma Johanán xaq ma Jonatán, je uk'ojol ma Carea; ma Seraías, uk'ojol ma Tanhumet; je uk'ojol ma Efai aj Netofa; xaq ma Jezanías, uk'ojol jun achi aj Maacat, xaq i je uwinaq.

Hechos 8:10

Konojel i winaq chi ch'utiq chi nimaq, lik xkikoj retalil che utzij xaq xkib'ij chkiwach: “I achi le lik o ucho'ab' i Dios ru'”; xecha.

JEREMÍAS 8:10

Rumali, kinjach ni kixoqil chke i jub'an chik achiyab', xaq i kulew kinya ni chke jub'an chik. Man konojel che ch'utiq che nimaq, xwi kkich'ob' utzukuxik i ch'akanik ru' ela'; i profeta xaq ajsujul sipon, konojel is je t'oronel.

Mateo 15:8

“I winaqi lik kkikoj in-ij ru' kichi', xwiri i kik'ux lik naj o wi chwe.

Ezequiel 33:31

Keje ile, intinimit kk'unik, kkub'i chawach, pacha ax ku'an wi te'eq, re kutatb'ej atzij. Xwiri kki'an ti ile pkik'aslemal. K'iyalmul kkib'ij pacha taq kki'an b'ix che, re k'axnab'al k'uxij, xwiri i kanima xa teren chrij i mer.

Ezequiel 11:1

I ucho'ab' i Ajwal xinuyako xaq xinuk'am b'i che i okb'al chi ktzun uwach pa kel wi li ij re rachoch i Ajwal. Che uchija le je o jo'ob' juwinaq (25) achiyab'. Chkixol ike xwil uwach ma Jaazanías, uk'ojol ma Azur, xaq i ma Pelatías, uk'ojol ma Benaía, chi je are aj-atzil re i tinimit.

Ezequiel 8:11

Lajuj oxwinaq (70) rijab' winaq aj Israel, chkixol ike le o ma Jaazanías, uk'ojol ma Safán, chi ketijin chukojik u'ij i tiox le. Chkijujunal o kisib'al pki'ab', chi chupam ile lik kb'uquq jub'an sib' re pom kel b'i chikaj.

JEREMÍAS 42:20

Yix lik ki'an jun nim laj makunik, man lik yix xib'ij chwe chi kinch'aw ru' Iwajwal Dios, xaq xib'ij chwe: Chatz'onoj k'iyal mul utzil che i Ajwal Dios pqawi yoj, xaq chaya retamaxik chqe ronojel ni'pa utaqanik ire, man keje ile kqa'an yoj.

JEREMÍAS 41:16

Are iri xki'an ma Johanán xaq i aj-ok'al utzam i achiyab' chi je yij che i ch'oj chi je rachi'ilam b'ik, are ike xkiya kib' chkilik i achiyab' chi je yij che i ch'oj, ixoqib', ak'alab' xaq nimaq taq ajpatanib' chi ma Ismael xeuchap b'i te'eq pa Mizpa chrijil chik ukamsaxik ma Gedalías, chi are ma Johanán xeutzalijsaj li pa Gabaón.

ISAÍAS 48:1

Chata iri, ralk'uwal ma Jacob, chi o ub'i ma Israel chawij, xaq at umuq uxikin ma Judá; lik kasaqij pub'i i Ajwal; xaq kakuxtaj kanataj ki-Dios aj Israel, tupu lik utz ti u'anik xaq suk'ul ti ka'an che;

ISAÍAS 29:13

I Ajwal xub'ij chwe: I tinimiti kub'ij chi k'ax kinuna'o xaq ru' kichi' kkikoj in-ij, xwiri i kik'ux naj o wi chwe, xaq i ukojik in-ij chi kki'ano lik xab'iroxik chi kinojim i winaq xaq to' kinawsam kib' che pkijolom.

2 Reyes 25:23

I aj-atzil ke achiyab' chi je yij che i ch'oj aj Judá, xaq konojel i achiyab' chi je yij che i ch'oj, are xketamaj wach xk'ulmaxik le, xe'e pa tinimit Mizpa che i lapanik ru' ma Gedalías. I kib'i achiyab' le je are iri: Ma Ismael, chi uk'ojol ma Netanías, ma Johanán, chi uk'ojol ma Carea; ma Seraías, chi uk'ojol ma Tanhumet, chi aj Netofa, xaq ma Jaazanías chi, uk'ojol jun achi aj Maaca. Konojel xeachnimax b'i kumal kiwinaq.

JEREMÍAS 37:3

I ma Sedequías, chi ajawinel, xutaq b'i ma Jucal, chi uk'ojol ma Selemías, xaq ajsujul sipon, chi ma Sofonías, chi uk'ojol ma Maasías, xutaq b'i ru' profeta ma Jeremías chub'ixkil iri che. “Chatlapan ru' i Qajwal Dios pqawi yoj.”

JEREMÍAS 41:18

man kkuwaj kib' chkiwach aj Caldea rumal kkixij kib' che ma Ismael chi xukamsaj ma Gedalías, chi ajawinel re i Babilonia uch'ikom te'eq rij re aj-ok'al utzam i jalajuj taq tinimit.

JEREMÍAS 43:2

ma Azarías, chi uk'ojol ma Osaías, ma Johanán, chi uk'ojol ma Carea, xaq jub'an itzel laj taq achiyab', xkib'ij che ma Jeremías: “¡Ile chi kab'ij le lik qatzij taj! I Qajwal Dios at utaqom ti chub'ixkil chqe chi kojjeqi ti yoj pa Egipto.