JEREMÍAS 41:9 - Wuj Pa K'ubultzij

⁹ I k'otom chaqij chi xuk'aq kich'akul i winaq ma Ismael chupam chi xeukamsaj, ile xaq are i k'otom chaqij chi i ajawinel ma Asa utaqom u'anik are xuto rib' chwach ma Baasa, chi ajawinel re Israel. I k'otom chaqij le lik nim xwiri lik xnoj che kich'akul i kamnaq chi xeukamsaj ma Ismael.

JEREMÍAS 41:9 Referans Kwoze

2 Samuel 17:9

Ire wo'or ruwam ni rib' chupam jun jul, we ntaj che jun chik k'ijib'al xaq k'amo ne ketzaq jujun chke awinaq, lik o jun kok la chub'ixkil chi konojel awinaq yet xkijam kib'.

1 Samuel 13:6

I aj Israel lik xek'iji pa jalajuj taq k'ax man x-an ch'oj chkij kumal aj Filistea, rumali chi xe-anmajik, xkuwaj kib' pa taq pek, pa taq jul, pa taq nimaq taq ab'aj xaq pa taq k'otom chi chaqijnaq chik ya chupam.

Jueces 6:2

I aj Madián lik arewi kki'an k'ax chke aj Israel, i aj Israel le rumal kixib'rikil chke aj Madián xki'an uwajb'al kib' tzam taq jyub', pa taq pek xaq pa taq k'ijib'al chi lik k'ax okik che.

Hebreos 11:38

Ike le to' keb'in pa taq jyub' tz'inilik, xaq pa taq k'achelaj; kewar pa taq jul, pa taq pek. Ike le lik je utz; kmajaw ti chke kek'iji ku' i jub'an winaq chwach i jyub' ta'aj.

1 Samuel 24:3

Che i b'e chi kimajom b'ik le, xeupon chila ipa je o wi jub'an chij, chkinaqaj i chij le o jun ab'aj chi pek upam ipa kuwam wi kib' ma David junam ku' uwinaq. I ma Saúl xok b'i chupam i pek le chutzaqik rib',

1 Samuel 14:22

I aj Israel chi kuwam kib' chwi taq jyub' prulew ma Efraín, are xketamaj chi aj Filistea ktijin ki'anmajik, are uri ike xeterej b'i chu'anik ch'oj chkij.

1 Samuel 14:11

Keje uri ile chi ani'al taj xe'ok b'i chekeb' chkiwach aj Filistea chila che i k'ijib'al ipa je o wi, ike le are xekilo, xkib'ij: “Chiwila pe', ktijin chali kelik aj Hebreo pa taq pek ipa kuwam wi kib'”, xecha.

ISAÍAS 14:19

Xwiri yet, katk'aq nu b'i naj che i jul pacha taq uk'aqik i tz'il chi kch'ijaw ti ruxlab', pacha taq uch'akul jun kamnaq ya'yam uwi, chkixol i winaq chi je kamsam, worom pkiqul, je k'aqtal b'i pa jun nim laj siwan chi lik nim upam xaq k'i ab'aj chupam.