JEREMÍAS 41:5 - Wuj Pa K'ubultzij

⁵ xeupon aj Siquem, aj Silo xaq aj Samaria kajwinaq (80) achiyab', chi lik kisolom b'i kismachi', i ki'u' lik raqch'ijnaq xaq i kich'akul lik k'iyal soktajnaq o che, chi xa are ike je anawnaq che kib'. Xwi ta la ile, xaq kik'amom li sipon ch'irajil xaq pom, re kkiporoj chwach i Ajwal chila prachoch.

JEREMÍAS 41:5 Referans Kwoze

1 Reyes 16:24

Xulo' jun jyub' che ma Semer chi are jyub' Samaria, xutoj jo'ob' wuqwinaq (145) pexu saq-o'oj. Chila xuyak wi jun tinimit chi sutim rij ru' tapial nim uwach. I tinimit le xuya pub'i Samaria, man ma Semer ub'i i rajaw te'eq ulew le.

2 Reyes 25:9

Are xupon pa nim laj tinimit Jerusalén, xunak' a' che i rachoch i Dios, che i nim laj rachoch i ajawinel xaq ronojel ni'pa i kachoch i winaq re i nim laj tinimit, xaq xk'at b'i kachoch konojel ni'pa nimaq kopis pa tinimit.

JOSUÉ 18:1

Are xkanaj i tinimit pki'ab' i je aj Israel, are uri xkimol kib' konojel i je aj Israel k'a pa Silo, chila ipa o wi i ja re riqb'al ib' ru' i Dios.

Deuteronomio 14:1

Yix ix rak'al Iwajwal Dios, rumali misok ich'akul xaq misol taq b'i iwi rajsik an ikrusil are kkam jun winaq;

1 Reyes 12:1

I ma Roboam x-e pa tinimit Siquem, man konojel i winaq aj Israel xe'e chila chuya'ik kan ire pa ajawinel.

Jueces 9:1

Ma Abimelec chi rak'al ma Jerobaal x-e pa Siquem che i lapanik ru' i ralk'uwal rumal uchuch, xub'ij chke:

GÉNESIS 33:18

I ma Jacob lik utz uwach are xupon chik chila pa tinimit Siquem, I Siquem le o chila chupam ulew Canaán, chila xjeqi wi chwach i tinimit Siquem, are xpe chila che i tinimit Padan-aram.

ISAÍAS 15:2

I winaq aj pa Dibón ke'el b'i pa o'ej prachoch i Dios chi o tzam jyub'. I je aj Moab kkitz'uyunej ni usachik uwach i tinimit Nebo xaq i Medeba. Konojel ki'anom tz'um che kijolom xaq kesam i kismachi'.

1 Reyes 16:29

Che i junab' wajxaqlajuj juwinaq (38) re rajawinik ma Asa puwi i tinimit Judá, ma Acab, chi uk'ojol ma Omri, xujeq ajawinik pkiwi aj Israel; keb' juwinaq (22) junab' xrajawin pkiwi aj Israel chila pa tinimit Samaria.

1 Reyes 12:25

Ma Jeroboam xutaq uyijb'axik i tinimit Siquem chi o pa taq jyub' re ma Efraín, chila xjeqi wi. Te'uri xutaq uyijb'axik i tinimit Penuel.

1 Samuel 1:7

Junab' junab', are ke'e prachoch i Ajwal, i ati Penina lik keje ile ku'an che, kuyo'ya ati Ana rumali chi ati Ana ko'ik xaq kutij ti chik uwa rumal ub'is.

JEREMÍAS 7:14

Rumali keje pacha xin-an che i lo'laj ink'ijib'al chila Silo, xaq keje ile kin-an che i wachochi chi lik we yin, chi xinya chiwe yix xaq chke iwatit imam, chi iya'om ik'ux yix che.

JEREMÍAS 7:12

Jix pa lo'laj ink'ijib'al chila Silo, chi are nab'e k'ijib'al xin-ulu re ink'ijib'al, xaq chiwila pe wach xin-an che rumal umak intinimit Israel.

Salmos 102:14

I je awajpatanib' k'ax kkina i ab'aj re i kitinimit chi wulijnaq; rumali lik k'ax kuna kik'ux.

2 Samuel 10:4

Are uri ma Hanún xutaq kiminik rajpatan ma David prexil, xkisol b'i nik'aj che kismachi' xaq xraqch'ix b'i ki'u' chke pa nik'aj, k'a xupon che kitun. Te'uri xero'taj b'ik.

JOSUÉ 24:32

I ub'aqil ma José chi kik'amom li aj Israel pa Egipto, xkimuq chila Siquem pa rulew ma Jacob chi xulo' chke i je aj Hamor chi jo'winaq saqpwaq utojom. I ulew le xkanaj pki'ab' umuq uxikin ma José.

GÉNESIS 34:2

I a Siquem chi uk'ojol ma Hamor chi aj Jiw ire le are aj-atzil re i tinimit, are xril uwach al Dina xuchap pa cho'ab' rumali xuqajsaj u'ij,

GÉNESIS 37:12

I ratz a José je enaq chkiyu'uxik i chij re i kiqajaw chila pa Siquem.

Jueces 18:31

I tiox chi xu'an ma Micaía xkiya aj Dan chila chkixol, chila xk'iji wi che ronojel i ij pa lo'laj k'ijib'al re i Ajwal chi o chila Silo.

Salmos 78:60

xaq xro'taj i ja re riqb'al ib' ru' i Dios chila Silo, chi are te'eq rachoch ile chkixol i winaq.

JEREMÍAS 16:6

Che nimaq che ch'utiq kekam ni chwach i nim laj tinimit le, lik mijun kemuquwik, mijun ko' ni chke, xaq mijun kuk'utu chi k'ax kuna uk'ux, xaq mijun kusok taq uch'akul rumal ub'is, xaq we kusol b'i uwi.

JEREMÍAS 41:4

Che ukab' ij re ukamik ma Gedalías, are lik k'a mijun etamawnaq wach xk'ulmaxik,

JEREMÍAS 47:5

I winaq re Gaza kkisol b'i kiwi che kijolom, i winaq re Ascalón kekanaj na chi kel ti chik kich'awb'al. K'isb'al chik winaq chi naj kij re ujer, ¿K'a junpa ka'at ni ach'akul k'utb'al re uk'axk'ol?

JEREMÍAS 48:37

Konojel i winaq is kisolom b'i kiwi che kijolom xaq ronojel i kismachi' is kisolom b'ik; xaq konojel ki'anom sokonik che i ki'ab' xaq kikojom ki'u' as.

Joel 2:13

¡Chixtzalij chik yix ru' i Ajwal chi i-Dios, chiraqch'ij iwanima puk'exel uraqch'ixik i'u'! Man i Ajwal lik rutzil k'uxij xaq lik tob'al wachij, al uk'ux xaq lik o k'axnab'al k'uxij ru', chi xaq lik arewi kuresaj i tojb'alil pqawi.

PRIMER LIBRO DE CR%D3NICAS 19:4

Are uri ma Hanún xutaq kiminik i rajpatan ma David prexil, usolik nik'aj che kismachi' xaq uraqch'ixik ki'u' pa nik'aj k'a kupon che uwi ka'. Chrijil chik ile, te'uri xeutaq b'ik.