JEREMÍAS 41:2 - Wuj Pa K'ubultzij

² i ma Ismael xaq i je lajuj achiyab' chi je rachi'ilam b'ik, lik juntir xewalij chukamsaxik ma Gedalías ru' ch'ich' chi k'ulala o uware, chi ch'iktal te'eq rij re aj-ok'al utzam i jalajuj taq tinimit rumal i ajawinel re Babilonia.

JEREMÍAS 41:2 Referans Kwoze

2 Reyes 25:25

Xwiri che i uwuq ik', ma Ismael, chi uk'ojol ma Netanías, chi xaq ri umam ma Elisama, chi alk'uwal re i ajawinel aj Judá, xupon chila pa tinimit Mizpa junam ku' lajuj achiyab'. Keje uri ile chi ma Ismael xaq i lajuj achiyab' le, xkikamsaj ma Gedalías, aj Judá xaq aj Caldea chi je o ru' ire.

JEREMÍAS 40:5

We kach'ob' tzalijik, chattzalij b'i ri ru' ma Gedalías, uk'ojol ma Ahicam xaq umuq uxikin ma Safán, chi ajawinel re i Babilonia uya'om kanoq re aj-ok'al utzam i tinimit re i Judá xaq chila katjeqi wi ru' xaq chkixol i tinimit. Jat chila pa kach'ob' wi yet chi utz. Te'uri i aj-ok'al utzam i achiyab' chi je yij che i ch'oj xuya jun sipon, xuya b'i ronojel ni'pa kutij pa taq b'e xaq xuya b'i rutzil uwach ma Jeremías.

JEREMÍAS 40:7

I aj-ok'al utzam xaq i achiyab' chi je yij che i ch'oj aj Israel, chi k'a je o chila pa taq es are xkita chi ajawinel re i Babilonia xuya kan ma Gedalías, chi uk'ojol ma Ahicam, pa aj-ok'al utzam i jalajuj taq tinimit, chi are ire o pu'ab' keuchajij i achiyab', ixoqib' xaq i ak'alab' ke i winaq chi mas je nib'a' che i nim laj tinimit chi xetaq tu b'i pa Babilonia,

Salmos 109:5

Ki'anom i utz taj chwe puk'exel i utz chi in-anom yin chke ike, xaq puk'exel i k'axnab'al ink'ux chke, xa ktitat kipam chwe.

Salmos 41:9

Xaq i utz laj wamiy chi lik inkub'am ink'ux che, chi junam kqatij qawa ru', lik x-on jun ajch'oj chwij.

2 Samuel 3:27

I ma Abner are xupon pa tinimit Hebrón, xk'am b'i rumal ma Joab putzal pan uchija, man kelapan kitukel. Are je o chik kitukel, i ma Joab le xujil b'i ch'ich' che upam ma Abner, are uri xkamik, elsab'al roywal che rumal ukamsaxik ucha' chi etz ma Asael.

Juan 13:18

Man iwonojel ti kixinlapo, man weta'am pachin je in-ulum. Xwiri rajwaxik chi k-antaj na pacha kub'ij uwuj i Dios: I jun chi kutij uwa wu' are i ajch'oj chwij.

JEREMÍAS 40:8

xe'e ku' kiwinaq pa Mizpa, chrilik ma Gedalías. Chkixol ike le je o: Ma Ismael, uk'ojol ma Netanías; ma Johanán xaq ma Jonatán, je uk'ojol ma Carea; ma Seraías, uk'ojol ma Tanhumet; je uk'ojol ma Efai aj Netofa; xaq ma Jezanías, uk'ojol jun achi aj Maacat, xaq i je uwinaq.

JEREMÍAS 41:3

Xaq i ma Ismael xeukamsaj konojel aj Israel xaq i achiyab' chi je yij che i ch'oj aj Caldea, chi je o te'eq ru' ma Gedalías chila pa Mizpa.

JEREMÍAS 40:14

Xaq xkib'ij che: —¿Aweta'am ti b'ari chi ajawinel ma Baalis, aj Amón, xutaq ma Ismael chi uk'ojol ma Netanías, chakamsaxik? Xwiri ma Gedalías xukoj ti chke.

JEREMÍAS 40:16

Xwiri ma Gedalías xub'ij: —¡Ma'an ile! I kab'ij chi ku'an ma Ismael le, qatzij taj.