JEREMÍAS 41:1 - Wuj Pa K'ubultzij

¹ Che uwuq ik', i ma Ismael, chi uk'ojol ma Netanías, chi ri umam ma Elisama, ukwenta i ralk'uwal i ajawinel, x-e pa Mizpa chu'anik jun tz'onb'enik chkiwach ru' ma Gedalías. Je rachi'ilam i lajuj achiyab' xaq xkitij kiwa junam chila pa Mizpa,

JEREMÍAS 41:1 Referans Kwoze

JEREMÍAS 40:8

xe'e ku' kiwinaq pa Mizpa, chrilik ma Gedalías. Chkixol ike le je o: Ma Ismael, uk'ojol ma Netanías; ma Johanán xaq ma Jonatán, je uk'ojol ma Carea; ma Seraías, uk'ojol ma Tanhumet; je uk'ojol ma Efai aj Netofa; xaq ma Jezanías, uk'ojol jun achi aj Maacat, xaq i je uwinaq.

JEREMÍAS 40:6

I ma Jeremías x-e ru' ma Gedalías chila pa Mizpa, xjeqi ru' xaq ku' i winaq chi xekanaj kan che i nim laj tinimit le.

Salmos 41:9

Xaq i utz laj wamiy chi lik inkub'am ink'ux che, chi junam kqatij qawa ru', lik x-on jun ajch'oj chwij.

Juan 13:18

Man iwonojel ti kixinlapo, man weta'am pachin je in-ulum. Xwiri rajwaxik chi k-antaj na pacha kub'ij uwuj i Dios: I jun chi kutij uwa wu' are i ajch'oj chwij.

Ezequiel 17:13

Te'uri xuk'am jun uk'ojol chke i ralk'uwal che jun saqil laj ajawinel i xu'an jun trat ru', lik xutaq chub'ixkil chi kt'oron taj, xaq xeuk'am b'i ni'pa i winaq chi lik o te ki'ij pa tinimit.

JEREMÍAS 36:20

I nimaq taq ajpatanib' xkiya kan i b'orom tz'um pa ja ru' ma Elisama, chi ajtz'ib'anel re anoj, te'uri xe'e pa nim laj rachoch i ajawinel chub'ixkil ronojel che.

JEREMÍAS 36:12

Te'uri x-e pa nim laj rachoch i ajawinel, pa ja ipa o wi i ajtz'ib'anel re anoj, ipa kimolom wi kib' konojel ni'pa i nimaq taq ajpatanib', ma Elisama, chi ajtz'ib'anel re anoj, Delaía chi uk'ojol ma Semaías, ma Elnatán, chi uk'ojol ma Acbor; ma Gemarías chi uk'ojol ma Safán; ma Sedequías chi uk'ojol ma Hananías xaq jub'an chik ajpatanib'.

Proverbios 27:4

I itzel laj oywal lik kch'ijaw taj, i oywal lik ktzaqsanik, xwiri i titb'al pamaj lik k-an ti tikilem u'atixik.

Proverbios 13:10

I Jun chi ku'an nim che rib' kupetsaj ch'oj, man i no'oj ku' i ajaj laj taq winaq o wi.

Salmos 109:5

Ki'anom i utz taj chwe puk'exel i utz chi in-anom yin chke ike, xaq puk'exel i k'axnab'al ink'ux chke, xa ktitat kipam chwe.

SEGUNDO LIBRO DE CR%D3NICAS 22:10

Ati Atalía, chi uchuch ma Ocozías, are xretamaj chi xkam i ralab', are uri x-e chkikamsaxik konojel ni'pa i ralk'uwal i ajawinel chi o pa Judá.

2 Reyes 25:25

Xwiri che i uwuq ik', ma Ismael, chi uk'ojol ma Netanías, chi xaq ri umam ma Elisama, chi alk'uwal re i ajawinel aj Judá, xupon chila pa tinimit Mizpa junam ku' lajuj achiyab'. Keje uri ile chi ma Ismael xaq i lajuj achiyab' le, xkikamsaj ma Gedalías, aj Judá xaq aj Caldea chi je o ru' ire.

2 Reyes 11:1

Ati Atalía, chi uchuch ma Ocozías, are xretamaj chi xkam i ralab', x-e chkikamsaxik konojel ni'pa i ralk'uwal i ajawinel.

2 Samuel 3:27

I ma Abner are xupon pa tinimit Hebrón, xk'am b'i rumal ma Joab putzal pan uchija, man kelapan kitukel. Are je o chik kitukel, i ma Joab le xujil b'i ch'ich' che upam ma Abner, are uri xkamik, elsab'al roywal che rumal ukamsaxik ucha' chi etz ma Asael.

JEREMÍAS 39:14

Are uri xkitaq relsaxik ma Jeremías chwaja ipa je o wi i ajchajinelab', xkiya rilik pu'ab' ma Gedalías, chi uk'ojol ma Ahicam, ri umam ma Safán, man kkik'am b'i chi rachoch. Keje uri ile chi ma Jeremías xkanaj pa jeqelem chkixol i winaq re i tinimit.

JEREMÍAS 40:5

We kach'ob' tzalijik, chattzalij b'i ri ru' ma Gedalías, uk'ojol ma Ahicam xaq umuq uxikin ma Safán, chi ajawinel re i Babilonia uya'om kanoq re aj-ok'al utzam i tinimit re i Judá xaq chila katjeqi wi ru' xaq chkixol i tinimit. Jat chila pa kach'ob' wi yet chi utz. Te'uri i aj-ok'al utzam i achiyab' chi je yij che i ch'oj xuya jun sipon, xuya b'i ronojel ni'pa kutij pa taq b'e xaq xuya b'i rutzil uwach ma Jeremías.

JEREMÍAS 40:13

I ma Johanán, uk'ojol ma Carea xaq konojel i jub'an chik aj-ok'al utzam i achiyab' chi je yij che i ch'oj chi je kanajnaq kan pa taq es, xe'e pa Mizpa chrilik ma Gedalías,

2 Reyes 25:22

Ma Nabucodonosor, chi ajawinel re i tinimit Babilonia, xuya kan ma Gedalías pa atol tzij pkiwi i winaq chi k'a xeukanaj kan pa tinimit Judá; i ma Gedalías le uk'ojol ma Ahicam xaq ri umam ma Safán.

JEREMÍAS 40:7

I aj-ok'al utzam xaq i achiyab' chi je yij che i ch'oj aj Israel, chi k'a je o chila pa taq es are xkita chi ajawinel re i Babilonia xuya kan ma Gedalías, chi uk'ojol ma Ahicam, pa aj-ok'al utzam i jalajuj taq tinimit, chi are ire o pu'ab' keuchajij i achiyab', ixoqib' xaq i ak'alab' ke i winaq chi mas je nib'a' che i nim laj tinimit chi xetaq tu b'i pa Babilonia,