JEREMÍAS 40:8 - Wuj Pa K'ubultzij

⁸ xe'e ku' kiwinaq pa Mizpa, chrilik ma Gedalías. Chkixol ike le je o: Ma Ismael, uk'ojol ma Netanías; ma Johanán xaq ma Jonatán, je uk'ojol ma Carea; ma Seraías, uk'ojol ma Tanhumet; je uk'ojol ma Efai aj Netofa; xaq ma Jezanías, uk'ojol jun achi aj Maacat, xaq i je uwinaq.

JEREMÍAS 40:8 Referans Kwoze

JEREMÍAS 42:1

Konojel i aj-ok'al utzam achiyab' chi je yij che i ch'oj, chkixol ike le xaq o ma Johanán, chi uk'ojol ma Carea, ma Azarías, chi uk'ojol ma Osaías, xaq konojel i winaq che nimaq che ch'utiq, xetejeb' pan ru'

Deuteronomio 3:14

Ma Jair, chi umuq uxikin ma Manasés, xuya rib' ire chwach ronojel ulew Argob chi kupon uchi' k'a che ulew Gesur xaq k'a che ulew Maaca. Ire xukoj ub'i che i ulew le, chi Havot-jair chi k'a are kb'ix che wo'or, i ulew chi Basán te'eq ub'i.

JEREMÍAS 43:2

ma Azarías, chi uk'ojol ma Osaías, ma Johanán, chi uk'ojol ma Carea, xaq jub'an itzel laj taq achiyab', xkib'ij che ma Jeremías: “¡Ile chi kab'ij le lik qatzij taj! I Qajwal Dios at utaqom ti chub'ixkil chqe chi kojjeqi ti yoj pa Egipto.

JEREMÍAS 42:8

are uri ire xusik'ij ma Johanán, chi uk'ojol ma Carea, xaq i je aj-ok'al utzam achiyab' chi je yij che i ch'oj chi kachi'ilam te'eq b'ik, xaq konojel i winaq, che ch'utiq che nimaq

JEREMÍAS 40:6

I ma Jeremías x-e ru' ma Gedalías chila pa Mizpa, xjeqi ru' xaq ku' i winaq chi xekanaj kan che i nim laj tinimit le.

NEHEMÍAS 7:26

i achiyab' aj Belén xaq aj Netofa, je wajxaqib' b'elejwinaq (188);

Esdras 2:22

i achiyab' aj Netofa, je waqlajuj kawinaq (56);

2 Samuel 10:8

Konojel aj Amón xkiyijb'a b'i kib' chu'anik ch'oj, xe'el pa tinimit, xe'e k'a pa taq elb'al re i tinimit le, tz'aqat i achiyab' chi je yij chik che i ch'oj aj Siria, aj Soba, aj Rehob, aj Is-tob, xaq aj Maaca xkuwaj kib' pa taq es.

2 Samuel 10:6

I aj Amón xkinab'ej chi ma David lik xpe roywal chke, rumali xkitoj lajujmo' kachiy (20,000) achiyab' chi je yij che i ch'oj aj Siria, aj Bet-rehob xaq aj Soba, xaq xkitoj lajujwinaq kamo' (1,000) achiyab' che i ajawinel chi o chila Maaca xaq lajujmo' juchiy (12,000) aj Is-tob.

JOSUÉ 12:5

I ajawinel le o pkiwi i je o chwi jyub' Hermón, pkiwi i je o pa Salca xaq pkiwi konojel i je o pa Basán, xaq k'a pkiwi i je o chi kichi' aj Gesur, xaq pkiwi i je aj Maaca, xaq pa nik'aj che i Galaad, chi rulew ma Sehón, ajawinel ke aj Hesbón.

JEREMÍAS 43:5

Xwiri ma Johanán xaq konojel aj-ok'al utzam i achiyab' chi je yij che i ch'oj, xkimol kichi' i keb' oxib' chik winaq aj Judá chi k'a je o kanoq, chi are chrijil chik ile je kichersam te'eq b'i pa jalajuj nimaq taq tinimit, je tzalijnaq chal pa Judá re kejeqi chila:

JEREMÍAS 40:11

Konojel aj Israel chi je o chila Moab, Amón, Edom xaq jub'an chik nimaq taq tinimit xketamaj chi ajawinel re Babilonia xuya chke jujun aj Israel chi kekanaj kan prulew, xaq are ire xuya kan ma Gedalías pacha aj-ok'al utzam ke ike.

JEREMÍAS 38:26

Xwiri yet chab'ij chke chi xa kattijin chub'ixkil chwe chi katintaq ti chub'i chi rachoch ma Jonatán man keje ile katkam ti chila.

JEREMÍAS 37:20

Wo'or chinata na, Nim laj Winaq, xaq chaya ni urayijb'al ink'ux chi kintz'onoj ni chawe: Maya chik chi kink'am b'i chi rachoch ma Jonatán, chi ajtz'ib'anel re anoj, moqxa kinkam taq chila.

JEREMÍAS 37:15

Are uri ike le lik xmi' koywal che ma Jeremías xaq xkitaq u'anik k'ax che xaq xkitz'apij chila chi rachoch ma Jonatán, chi ajtz'ib'anel re anoj, i k'ijib'al le ki'anom kik'ijib'al ajprex che.

PRIMER LIBRO DE CR%D3NICAS 11:30

ma Maharai, chi aj Netofa; ma Heled, chi uk'ojol ma Baana chi xaq aj chila Netofa;

PRIMER LIBRO DE CR%D3NICAS 2:54

I je rak'al ma Salma je are iri: Ma Belén, aj Netofa, aj Atrot-bet-joab, i nik'aj chik chke aj Manahat, aj Zora

PRIMER LIBRO DE CR%D3NICAS 2:48

Ati Maaca chi qas ti mer rixoqil ma Caleb are uchuch ma Seber xaq ma Tirhana.

2 Reyes 25:25

Xwiri che i uwuq ik', ma Ismael, chi uk'ojol ma Netanías, chi xaq ri umam ma Elisama, chi alk'uwal re i ajawinel aj Judá, xupon chila pa tinimit Mizpa junam ku' lajuj achiyab'. Keje uri ile chi ma Ismael xaq i lajuj achiyab' le, xkikamsaj ma Gedalías, aj Judá xaq aj Caldea chi je o ru' ire.

2 Reyes 25:23

I aj-atzil ke achiyab' chi je yij che i ch'oj aj Judá, xaq konojel i achiyab' chi je yij che i ch'oj, are xketamaj wach xk'ulmaxik le, xe'e pa tinimit Mizpa che i lapanik ru' ma Gedalías. I kib'i achiyab' le je are iri: Ma Ismael, chi uk'ojol ma Netanías, ma Johanán, chi uk'ojol ma Carea; ma Seraías, chi uk'ojol ma Tanhumet, chi aj Netofa, xaq ma Jaazanías chi, uk'ojol jun achi aj Maaca. Konojel xeachnimax b'i kumal kiwinaq.

2 Samuel 23:34

ma Elifelet, chi uk'ojol ma Ahasbai, i uqajaw ma Ahasbai le, aj chila Maaca; ma Eliam, chi uk'ojol ma Ahitofel, aj Gilo;

JEREMÍAS 40:13

I ma Johanán, uk'ojol ma Carea xaq konojel i jub'an chik aj-ok'al utzam i achiyab' chi je yij che i ch'oj chi je kanajnaq kan pa taq es, xe'e pa Mizpa chrilik ma Gedalías,

JEREMÍAS 40:14

Xaq xkib'ij che: —¿Aweta'am ti b'ari chi ajawinel ma Baalis, aj Amón, xutaq ma Ismael chi uk'ojol ma Netanías, chakamsaxik? Xwiri ma Gedalías xukoj ti chke.

JEREMÍAS 40:15

Are uri ma Johanán xani'al xub'ij che ma Gedalías: —Chaya chwe chi kin-e chukamsaxik ma Ismael. Lik mijun kretamaj pachin k-anawik. ¿B'uchak wa kqaya che chi katukamsaj yet? Ile xa keukichersaj b'i aj Israel chi kimolom kib' chawij, Xaq kk'is ni uri kiwach aj Judá.

JEREMÍAS 41:1

Che uwuq ik', i ma Ismael, chi uk'ojol ma Netanías, chi ri umam ma Elisama, ukwenta i ralk'uwal i ajawinel, x-e pa Mizpa chu'anik jun tz'onb'enik chkiwach ru' ma Gedalías. Je rachi'ilam i lajuj achiyab' xaq xkitij kiwa junam chila pa Mizpa,

JEREMÍAS 41:2

i ma Ismael xaq i je lajuj achiyab' chi je rachi'ilam b'ik, lik juntir xewalij chukamsaxik ma Gedalías ru' ch'ich' chi k'ulala o uware, chi ch'iktal te'eq rij re aj-ok'al utzam i jalajuj taq tinimit rumal i ajawinel re Babilonia.

JEREMÍAS 41:11

Ma Johanán, are uk'ojol ma Carea xaq aj-ok'al utzam chke i achiyab' chi je yij che i ch'oj chi je o te'eq ru', xkita i kamik chi xu'an ma Ismael, chi uk'ojol ma Netanías,