JEREMÍAS 40:7 - Wuj Pa K'ubultzij

⁷ I aj-ok'al utzam xaq i achiyab' chi je yij che i ch'oj aj Israel, chi k'a je o chila pa taq es are xkita chi ajawinel re i Babilonia xuya kan ma Gedalías, chi uk'ojol ma Ahicam, pa aj-ok'al utzam i jalajuj taq tinimit, chi are ire o pu'ab' keuchajij i achiyab', ixoqib' xaq i ak'alab' ke i winaq chi mas je nib'a' che i nim laj tinimit chi xetaq tu b'i pa Babilonia,

JEREMÍAS 40:7 Referans Kwoze

JEREMÍAS 39:10

Rumali chupam i ulew ke aj Judá xwi xeuya kan jujun chi lik je nib'a'ib' chi lik nti o ku', che i ij le xuya tikb'al ki-uva, xaq ulew re jalajuj taq tikon.

Ezequiel 45:16

Konojel i aj pa tinimit lik o chkiqul re kkijach i siponi che i aj-ok'al utzam i tinimit re Israel,

JEREMÍAS 39:4

I ajawinel ma Sedequías xaq i achiyab' chi je yij che i ch'oj are xkilo ni'pa ktijin uk'ulmaxik, xe'anmaj b'i pa nim laj tinimit le. Lik cha'ab' xe'el b'i che i b'e re i tikonb'al kotz'ij re i ajawinel, che i uchija chi o chuxol i keb' tapial xaq xkimaj b'i b'e chi k-e chwa ta'aj re i Jordán.

2 Reyes 25:4

Are uri xki'an jul chwach taq i tapial nim uwach re i nim laj tinimit. Tupu aj Caldea kisutim rij i tinimit, i ajawinel xaq konojel i achiyab' chi je yij che i ch'oj, xe'anmaj b'i pa nim laj tinimit cha'ab'. Konojel xe'el b'i che uchija chi o chuxol i keb' tapial chi nim uwach, che i b'e chi k-e pa tikonb'al kotz'ij chi o chi rachoch i ajawinel, te'uri xkimaj chub'i jun b'e chi k-e chwa ta'aj Jordán.

2 Reyes 25:12

Xwi xkiya kan jujun winaq chi lik je nib'a', man kechakun chwach i ulew xaq kkitik uva.

JEREMÍAS 41:11

Ma Johanán, are uk'ojol ma Carea xaq aj-ok'al utzam chke i achiyab' chi je yij che i ch'oj chi je o te'eq ru', xkita i kamik chi xu'an ma Ismael, chi uk'ojol ma Netanías,

JEREMÍAS 43:6

I achiyab', ixoqib', ak'alab', xaq i je umi'al i ajawinel xaq konojel i winaq chi ma Nabuzaradán, aj-ok'al utzam i ajchajinelab', je uya'om kan pu'ab' ma Gedalías, xaq ma Jeremías i ma Baruc.

JEREMÍAS 52:16

Xwi xeuya kan jujun winaq chi lik mas je nib'a', re kkitik i uva xaq re kechakun chwach ulew.

JEREMÍAS 39:9

Pa k'isb'al re, ma Nabuzaradán, aj-ok'al utzam i ajchajinelab' re i rachoch ajawinel, xeuk'am b'i winaq pa Babilonia chi k'a je kanijnaq te'eq xaq i jub'an chi xe'ax ku' aj Caldea; ke'eloq chi ronojel i tinimit xeuk'am b'ik.

JEREMÍAS 39:14

Are uri xkitaq relsaxik ma Jeremías chwaja ipa je o wi i ajchajinelab', xkiya rilik pu'ab' ma Gedalías, chi uk'ojol ma Ahicam, ri umam ma Safán, man kkik'am b'i chi rachoch. Keje uri ile chi ma Jeremías xkanaj pa jeqelem chkixol i winaq re i tinimit.

JEREMÍAS 41:1

Che uwuq ik', i ma Ismael, chi uk'ojol ma Netanías, chi ri umam ma Elisama, ukwenta i ralk'uwal i ajawinel, x-e pa Mizpa chu'anik jun tz'onb'enik chkiwach ru' ma Gedalías. Je rachi'ilam i lajuj achiyab' xaq xkitij kiwa junam chila pa Mizpa,

JEREMÍAS 41:10

Xwi ta la ile, i ma Ismael xeuchap i umi'al i ajawinel xaq i winaq chi k'a je o kan chila pa Mizpa, are ma Nabuzaradán, chi aj-ok'al utzam ajchajinelab', chi xeuya te'eq chuxe' utaqanik ma Gedalías. I ma Ismael xeuchapo, te'uri xumaj b'i ub'e re kik'aw pa ulew Amón.