JEREMÍAS 40:5 - Wuj Pa K'ubultzij

⁵ We kach'ob' tzalijik, chattzalij b'i ri ru' ma Gedalías, uk'ojol ma Ahicam xaq umuq uxikin ma Safán, chi ajawinel re i Babilonia uya'om kanoq re aj-ok'al utzam i tinimit re i Judá xaq chila katjeqi wi ru' xaq chkixol i tinimit. Jat chila pa kach'ob' wi yet chi utz. Te'uri i aj-ok'al utzam i achiyab' chi je yij che i ch'oj xuya jun sipon, xuya b'i ronojel ni'pa kutij pa taq b'e xaq xuya b'i rutzil uwach ma Jeremías.

JEREMÍAS 40:5 Referans Kwoze

JEREMÍAS 39:14

Are uri xkitaq relsaxik ma Jeremías chwaja ipa je o wi i ajchajinelab', xkiya rilik pu'ab' ma Gedalías, chi uk'ojol ma Ahicam, ri umam ma Safán, man kkik'am b'i chi rachoch. Keje uri ile chi ma Jeremías xkanaj pa jeqelem chkixol i winaq re i tinimit.

JEREMÍAS 41:2

i ma Ismael xaq i je lajuj achiyab' chi je rachi'ilam b'ik, lik juntir xewalij chukamsaxik ma Gedalías ru' ch'ich' chi k'ulala o uware, chi ch'iktal te'eq rij re aj-ok'al utzam i jalajuj taq tinimit rumal i ajawinel re Babilonia.

Hebreos 13:6

Rumali, chi lik ru' ukub'ib'al qak'ux chqab'ij i tziji chi tz'ib'talik: Are i Ajwal are i kintowik; kinxij ti wib' wach wa ktiki jun winaq chu'anik chwe.

Hechos 28:10

Lik k'i utzil chomal xki'an chqe, chrijil chik ile xkiya b'i ni'pa i rajwaxik chqe are xqamaj chub'i qab'e pa barco.

Hechos 27:43

Xwiri i kaj-atzil i achiyab' chi je yij che i ch'oj aj Roma chi xraj uto'ik ma Pablo, xuya ti chke chi kki'an ile, ire xub'ij chi ni'pa i keta'am i mux chkik'aqa b'i kib' chwi ya, keje ile kekiriqa uwach ulew,

Hechos 27:3

Chukab' ij, xojupon pa tinimit Sidón chi o chuchi' i mar. I ma Julio lik utz rilik ma Pablo xu'an chila, man xuya che chi xeusolij i ramiy xaq xuya chke i ramiy chi kkiya wach taq i rajwaxik che ma Pablo.

JEREMÍAS 40:4

Xaq lik wo'or kintor i karena chi at yut'tal ru'. We kawaj petik wu' yin pa Babilonia, chatsa'aj; yin katinchajij na. Xwiri we kawaj taj, chat-ol kan uri chi. Lik o ronojel i tinimit pa'ab': Jat chila ipa kach'ob' wi yet chi utz.

JEREMÍAS 26:24

Xaq ma Ahicam, chi uk'ojol ma Safán, xch'aw chrij ma Jeremías, rumali chi xjachi ti pki'ab' i winaq re kkikamsaj.

JEREMÍAS 15:11

I ak'oqonik le, Ajwal, lik cha'antaj na, we utz ti u'anik inpatan in-anom. We intz'onom ti utz chawe pkiwi i ajch'oj chwij, are je o te'eq chupam i uyej xaq i k'ax.

Proverbios 21:1

Unojb'al i ajawinel pu'ab' i Ajwal, keje pacha i raqana, chi lik are ku'ano pacha kraj i Ajwal.

Proverbios 16:7

I Ajwal are utz kril unojb'al jun winaq, i je ajch'oj chrij ku'an ni chke chi kkichomaj kib' chwach i winaq le.

Job 22:29

Man i Dios kuqajsaj ni u'ij i jun chi ku'an nim che rib' xaq kresaj ni chisaq i jun chi ajaj laj winaq.

NEHEMÍAS 1:11

Kintz'onoj k'iyal mul utzil chawe Ajwal, lik chata na wach kintz'onoj chawe xaq lik cheata ni awajchak, chi xwi kkaj ukojik a'ij. Xaq kintz'onoj chawe chi cha'ana ni chwe chi ronojel ni'pa kin-ano lik kinel ni utz ru' xaq cha'ana ni chwe chi kinriq utzil chwach i ajawinel. Che taq i ij le, yin in ajya'ol te'eq uwa'al uva muqb'am che i ajawinel ma Artajerjes.

Esdras 7:27

Are uri ma Esdras xlapan ru' i Dios: “Lik nim u'ij i lo'laj Ajwal chi ki-Dios i qatit qamam, man xu'an che i ajawinel chi kya' ni u'ij i rachoch i Ajwal chila Jerusalén

Esdras 7:6

I ma Esdras le are jun tijonel chi k'uttal i atb'al tzij che chi uya'om i Ajwal, chi ki-Dios aj Israel, che ma Moisés, xwi ta la ile, xaq kto' rumal i Ajwal, rumali chi i ajawinel ma Artajerjes xuya ronojel ni'pa xutz'onoj che. Keje uri ile chi, che uwuq junab' rajawinik ma Artajerjes, ma Esdras xel li pa Babilonia,

SEGUNDO LIBRO DE CR%D3NICAS 34:20

te'uri xub'ij che ma Hilcías, che ma Ahicam chi uk'ojol ma Safán, che ma Abdón chi uk'ojol ma Micaías, che ma Safán chi ajtz'ib' xaq ma Asaías chi rajpatan ire:

2 Reyes 22:14

Are uri ma Hilcías, ma Ahicam, ma Acbor, ma Safán xaq ma Asaías, xe'e chrilik ati Hulda, chi ati profeta, chi rixoqil ma Salum, chi uk'ojol ma Ticva, chi ri umam ma Harhas, chi o chuqul uk'olik i k'ul chi o chila prachoch i Dios. Ati Hulda jeqel chila che Ukab' Uxol b'e re i tinimit Jerusalén, are xkitz'onoj che,

2 Reyes 22:12

Te'uri xub'ij chke achiyab', chi ma Hilcías, ma Ahicam, chi uk'ojol ma Safán, ma Acbor, chi uk'ojol ma Micaías, ma Safán, chi ajtz'ib', xaq ma Asaías, chi rajpatan i ajawinel:

JEREMÍAS 41:1

Che uwuq ik', i ma Ismael, chi uk'ojol ma Netanías, chi ri umam ma Elisama, ukwenta i ralk'uwal i ajawinel, x-e pa Mizpa chu'anik jun tz'onb'enik chkiwach ru' ma Gedalías. Je rachi'ilam i lajuj achiyab' xaq xkitij kiwa junam chila pa Mizpa,

JEREMÍAS 41:18

man kkuwaj kib' chkiwach aj Caldea rumal kkixij kib' che ma Ismael chi xukamsaj ma Gedalías, chi ajawinel re i Babilonia uch'ikom te'eq rij re aj-ok'al utzam i jalajuj taq tinimit.