JEREMÍAS 40:15 - Wuj Pa K'ubultzij

¹⁵ Are uri ma Johanán xani'al xub'ij che ma Gedalías: —Chaya chwe chi kin-e chukamsaxik ma Ismael. Lik mijun kretamaj pachin k-anawik. ¿B'uchak wa kqaya che chi katukamsaj yet? Ile xa keukichersaj b'i aj Israel chi kimolom kib' chawij, Xaq kk'is ni uri kiwach aj Judá.

JEREMÍAS 40:15 Referans Kwoze

2 Samuel 21:17

Xwiri ma Abisai, chi ralab' ati Sarvia, x-e chuto'ik ma David, xu'an ch'oj ru' aj Filistea xaq xukamsaj. Are uri i je uwinaq ma David le xkib'ij che pub'i i Ajwal chi lik k-e ti chik ku' pa ch'oj, man keje ile kchup ti ukantil aj Israel.

1 Samuel 26:8

Are uri ma Abisai xub'ij che ma David: —Wo'or i Dios xu'ano chi i ajch'oj chawij xujach pa'ab', chaya chwe kinkamsaj chi lik ru' ne uche' ire chi o ch'ich' chutzam, kinch'apb'a kan chwa ulew, xa ru' juch'ikaj kintiki che.

Juan 11:50

Yix kich'ob' taj we mas utz ke'eloq chi xa jun achi kkam pkik'exel konojel i winaq, chwach we kekam konojel i winaq re i tinimit —xcha.

JEREMÍAS 42:2

ma Jeremías, chi profeta, xkib'ij che: —Kqatz'onoj jun b'iroxik chawe; lik cha'ana utzil chqe: Chatz'onoj k'iyal mul utzil che Awajwal Dios pqawi yoj, chi k'a oj o ni kanoqi. Ujer lik oj k'i te'eq xwiri wo'or ya oj k'i ti chik pacha kawilo.

Job 31:31

We o jun chke i winaq chi je jeqel wu' yin, kraj ku'an jun utz taj che jun aj naj,

2 Samuel 18:3

Xwiri i achiyab' chi je yij che i ch'oj xkib'ij che: —Ma'an ile, Nim laj Winaq, man i ajch'oj chqij are ti yoj kkaj qakamsaxik, chke ike nti k-ono we koj-anmajik xaq we kekam nik'aj chqe, ike lik xwi yet kkaj akamsaxik, Nim laj Winaq; man a'ij yet keje pacha i jo'mo' juchiy (10,000) achiyab' chqe yoj. Rumali chi lik utz ke'eloq chi katkanaj kan pa tinimit re kataq b'i jub'an chik achiyab' chi je yij che i ch'oj chqato'ik yoj; xecha.

1 Samuel 24:4

i uwinaq ma David xkib'ij che: Wo'or k-antajik pacha i sujunik chi xu'an i Ajwal chawe chi kuya ni awajch'oj pa'ab'. Cha'ana che pacha kawaj yet. Are uri ma David kok'il xwalijik x-e matzatzik, xuk'upij jub'i' che u'u' ma Saúl;

JEREMÍAS 40:8

xe'e ku' kiwinaq pa Mizpa, chrilik ma Gedalías. Chkixol ike le je o: Ma Ismael, uk'ojol ma Netanías; ma Johanán xaq ma Jonatán, je uk'ojol ma Carea; ma Seraías, uk'ojol ma Tanhumet; je uk'ojol ma Efai aj Netofa; xaq ma Jezanías, uk'ojol jun achi aj Maacat, xaq i je uwinaq.