JEREMÍAS 40:11 - Wuj Pa K'ubultzij

¹¹ Konojel aj Israel chi je o chila Moab, Amón, Edom xaq jub'an chik nimaq taq tinimit xketamaj chi ajawinel re Babilonia xuya chke jujun aj Israel chi kekanaj kan prulew, xaq are ire xuya kan ma Gedalías pacha aj-ok'al utzam ke ike.

JEREMÍAS 40:11 Referans Kwoze

ISAÍAS 16:4

Chaya chke ni'pa je anmajnaq li pa Moab chi kkito kib' awu'. Cheato pki'ab' i je anol taq k'ax chke. Are ktani uk'axk'ol xaq are ik'awnaq chik i kamsanik xaq are elnaq chub'i aj-anol k'ax pa tinimit,

Ezequiel 35:15

Yet xatkikotik are xsach uwach i nim laj tinimit Israel chi xuk'amo re ire, xwiri xaq keje ile kak'ulmaj ni yet: Katkanaj na jun tz'inilik jyub', jyub' Seir, nim laj tinimit re Edom. Are uri kiwetamaj na chi Yin in Ajwal.

Ezequiel 35:5

Yet lik arewi ronojel ij lik at ajch'oj chrij i tinimit Israel, xaq lik xa'an ch'oj chkij are xya' k'isb'al utojb'alil kimak chke.

Ezequiel 25:12

Yin in Ajwal, kinb'ij: I tinimit Edom, xu'an uk'exel i k'ax che i tinimit Judá, rumal ile lik nim umak xutz'ab'ij chrij.

Ezequiel 25:8

Yin in Ajwal, kinb'ij: I tinimit Moab, xaq i tinimit Seir, kkib'ij chi i tinimit Judá xaqjun pacha i jub'an chik nimaq taq tinimit.

Ezequiel 25:6

Yin in Ajwal, kinb'ij: Yix ix aj Amón ipok'pam pi'ab' xaq xixsak'lin rumal i kikotemal, xaq lik ixutum i tinimit Israel.

Ezequiel 25:2

Yet, winaq, jat chik ku' aj Amón, chatlapan pinb'i chkij ike.

Ezequiel 5:12

Jun urox uk'iyal chke i awinaq kekam ni rumal itzel laj taq yob'il xaq che i numik chaxol yet, jun chik urox uk'iyal kekamsax ni kumal i ajch'oj chkij chi je o chkij chkiwach, i urox uk'iyal chi xekanaj kanoq keinkichersaj nu b'i chwach ronojel i jyub' ta'aj. Yin kewoqtaj ike ru' jun ch'ich' pin-ab' chi k'ulala o uware.

Ezequiel 5:3

Chak'ama keb' oxib' che i wi'ij le, i chaxima che uchi' a'u'.

JEREMÍAS 24:9

Kin-an ni chke ike chi kuya ni nim laj xib'rikil chke konojel i nimaq taq tinimit chwach i jyub' ta'aj, chi xaq are ni ilb'al re i nim laj uqajsaxik ki'ij, kiyo'yaxik xaq i kik'oqoxik pa ronojel nimaq taq tinimit ipa xeinkichersaj wi b'i kiwach.

1 Samuel 12:12

Xwiri, yix are xiwil ma Nahas, chi ajawinel ke aj Amón, are xe'e pa ch'oj chiwij, yix xitz'onoj jun ajawinel chwe re ku'at tzij piwi, tupu lik are Iwajwal Dios ajawinel piwi yix.

1 Samuel 11:1

Ma Nahas, chi ajawinel pa Amón, x-e pa tinimit Jabes chi o chila pa Galaad, are uri xeuyijb'a i achiyab' chi je yij che i ch'oj re anb'al ch'oj chrij i tinimit, xwiri i winaq aj chila pa tinimit Jabes le xkib'ij che: —Cha'ana jun trat qu' man keje ile kqajach ni qib' pa'ab'.

NÚMEROS 25:1

Are xek'iji aj Israel chila Sitim, i achiyab' xe'ok chuminik kib' ku' ixoqib' aj Moab.

NÚMEROS 22:1

Aj Israel xkimaj chub'i kib'e, xe'uxlan chwa taq ta'aj re i Moab, chila prelb'al ij che i raqana Jordán xaq chwach i tinimit Jericó.

GÉNESIS 36:8

Rumali mam Esaú chi xaq mam Edom kb'ix che, x-e jeqi che i jyub' Seir.

NÚMEROS 25:2

Ixoqib' le kkisik'ij b'i aj Israel ku' chusujuxik kisipon chwach i kitiox. I aj Israel le kkitij i wa chi sujtal chke kitiox ixoqib' le, xaq xkikoj ki'ij.

ISAÍAS 11:14

Chekeb' kkok'aj nu b'i kib' puqajb'al ij, ke'e chkij aj Filistea lik chkij ke'ok wi; junam kkimaj ni kib'eyomal i tzob'aj chi je o prelb'al ij. I kicho'ab' kupon ni k'a pa Edom xaq k'a pa Moab, xaq kkiqajsaj ni ki'ij aj Amón.

JEREMÍAS 9:26

Chi je are aj Egipto, aj Judá, aj Edom, aj Amón xaq i aj Moab, xaq chke konojel ni'pa je jeqel pa tz'inilik jyub' chaqij, xaq kkisol b'i kiwi chwach kixikin. Man konojel ni'pa i tinimit le xaq ronojel ne i tinimit Israel, lik je ajkojol ki'ij i tiox chi xaril je antalik.

JEREMÍAS 41:10

Xwi ta la ile, i ma Ismael xeuchap i umi'al i ajawinel xaq i winaq chi k'a je o kan chila pa Mizpa, are ma Nabuzaradán, chi aj-ok'al utzam ajchajinelab', chi xeuya te'eq chuxe' utaqanik ma Gedalías. I ma Ismael xeuchapo, te'uri xumaj b'i ub'e re kik'aw pa ulew Amón.

JEREMÍAS 43:5

Xwiri ma Johanán xaq konojel aj-ok'al utzam i achiyab' chi je yij che i ch'oj, xkimol kichi' i keb' oxib' chik winaq aj Judá chi k'a je o kanoq, chi are chrijil chik ile je kichersam te'eq b'i pa jalajuj nimaq taq tinimit, je tzalijnaq chal pa Judá re kejeqi chila:

Ezequiel 34:6

Xkikichersaj b'i kib' pa taq es, xaq chwi taq jyub' naj uwi xesachik, xe'e b'i chwach ronojel ulew, lik mijun xu'at upen chkilik, xaq we keutzukuj.

JEREMÍAS 43:6

I achiyab', ixoqib', ak'alab', xaq i je umi'al i ajawinel xaq konojel i winaq chi ma Nabuzaradán, aj-ok'al utzam i ajchajinelab', je uya'om kan pu'ab' ma Gedalías, xaq ma Jeremías i ma Baruc.