JEREMÍAS 4:6 - Wuj Pa K'ubultzij

⁶ Chiyaka i k'ul chi kuk'ut u'ij jun tzob'aj, kuk'ut b'i pa tinimit Sion; ¡Chitzukuj i k'ijib'al re tob'al iwib', mixuxlan chutzukuxik! Man pa moxab' kink'am wi li nimaq taq uyej xaq i sachanel wachij.

JEREMÍAS 4:6 Referans Kwoze

JEREMÍAS 50:2

“Chitzijoj iri, chiya retamaxik pa nimaq taq tinimit. Chiyaka i k'utb'al re i tzijonik; lik miwuwaj uwach. Chib'ij: ¡I Babilonia xchap b'ik! ¡I tiox Bel xkanaj pa k'ixb'alil, i dios Merodac lik nojnaq che xib'rikil! ¡I kitiox chi xaril je antalik, chi lik je saqil taj, lik xekanaj pa k'ixb'alil xaq pa nim laj xib'rikil ib'!”

JEREMÍAS 51:27

¡Chiya jun k'utb'al pa tinimit re i ch'oj! ¡Chixut'ij i trompeta xaq cheiyijb'a i nimaq taq tinimit re kki'an ch'oj chrij i tinimit Babilonia! ¡Chiyaka i ajawinik re i Ararat chrij ire, re Mini xaq re i Askenaz! ¡Chitzukuj jun aj-ok'al utzam i ch'oj! ¡Chkich'ija i b'e i kaway chi je ajch'oj pacha i sak' chi petnaq koywal!

JEREMÍAS 51:12

¡Chiya ilb'al re i ch'oj chrij i tapial re i tinimit Babilonia! ¡Cheikojo mas ajchajinelab'! ¡Cheikojo chik mas ajchajinelab' chi je yij che i ch'oj! ¡Lik chisutij kij! Man i Ajwal lik xuyijb'a xaq lik xu'an i anik chi uch'ob'om xaq utzijom chkij konojel i winaq re i tinimit Babilonia.

JEREMÍAS 25:9

keinsik'ij konojel i winaq aj pa moxab' xaq i wajpatan chi ma Nabucodonosor, chi ajawinel re i tinimit Babilonia, re kepe chu'anik ch'oj che i nim laj tinimiti, xaq konojel ni'pa je jeqel chwach xaq chkij nimaq taq tinimit chi je o naqaj. Lik kinsach ni kiwach konojel. Lik kin-an chke chi ksach ni kiwach, chi lik je xib'in ib' xaq je xib'rikil.

JEREMÍAS 6:22

I Ajwal kub'ij: “K'a naj che i ulew pa moxab' o jun nim laj tinimit chi lik o ucho'ab' kuyijb'a li rib' che i petik.

JEREMÍAS 6:1

¡Ix jutzob'aj re ma Benjamín chix-anmajoq, chitzukuj i k'ijib'al re tob'al ib', chixel chila pa tinimit Jerusalén! Chixut'ij i trompeta pa Tecoa, chiyaka jun ilb'al re chila Bet-haquerem, man jun uyej, jun nim laj k'ax kpe pqawi chi upetik pa moxab'.

JEREMÍAS 4:21

¿Ni'pa nawi chik ij kwil i k'ul chi kuk'ut u'ij jun tzob'aj, xaq kinta uch'awb'al i trompeta?

ISAÍAS 62:10

Chixel loq, chixel li xol uchija, chiyijb'a i b'e re intinimit. Lik utz uyijb'axik chi'ana che i b'e, chiwesaj ab'aj chwach; chiyaka i k'utb'al re sik'b'al ke i nimaq taq tinimit.

SOFONÍAS 1:10

Keje iri kub'ij i Ajwal: Che taq i ij le ktataj ni sik' re tz'onb'al tob'al ib' k'a che li Uchija ke i Kar. Kesik'in na li winaq che Ukab' Tasaj re i Tinimit xaq ktataj ni uch'awb'al i ul chi kwulij li chwi taq jyub'.

JEREMÍAS 51:54

K'a pa tinimit Babilonia ktataj i sik' re uk'axk'ol, lik k'a pa tinimit ke aj Caldea kupon utayik jun nim laj luk'latik.

JEREMÍAS 50:22

Pa taq tinimit ktataj uch'awb'al i ch'oj, re jun nim laj kamik.

JEREMÍAS 21:7

Te'uri kinjach ni ma Sedequías, chi ajawinel re i tinimit Judá, pu'ab' ma Nabucodonosor, xaq pki'ab' i jub'an chik ajch'oj chrij, junam ku' i kaj-atzil, xaq i je ajch'oj xaq i winaq chi xek'asi kan pa nim laj tinimit chrijil chik itzel laj yob'il, chrijil chik i ch'oj xaq chrijil chik i wa'jal. Yin kin-an na chi kekamsax ru' ch'ich' chi k'ulala o uware, chi lik k-il ti pich' tob'al kiwach. Yin in Ajwal, xinb'iw ile.

JEREMÍAS 18:11

Chab'ij uri chke i winaq aj Judá, xaq chke ni'pa je jeqel pa tinimit Jerusalén, chi Yin in Ajwal, kinb'ij iri chke: “Kintijin chuch'ob'ik wach kin-an chiwe, kintijin chuch'ob'ik chi kinya utojb'alil piwi. Chiwo'taj kan uri i utz ti laj b'e le, chi'ana mas utz che ik'aslemal xaq che iwach ki'ano.”

JEREMÍAS 22:7

Keintaq b'i winaq chu'anik ch'oj chawij chi lik yijil kich'ojb'al, ru' nojb'al kkisachb'ej awach. Kkichet nu b'i i chomiq taq aqan chi lik chakalte' o awu', te'uri kkik'aq ni pa a'.

ZACARÍAS 6:6

I kareta chi jek'tal kumal i kaway eq kij k-e che i tinimit pa moxab'; i kareta chi jek'tal kumal i kaway saq kij, k-e pa tinimit puqajb'al ij; i jun chik kareta chi jek'tal kumal i kaway kaqkoj kij, k-e pa tinimit wiqab'.”

JEREMÍAS 10:22

¡Chita pe', xk'un jun tzijonik! Lik k'a che jun nim laj tinimit pa moxab' kpe wi jun nim laj pacha uch'awb'al ray, chi ku'an che i nim laj tinimit Judá pacha jun tz'inilik jyub', ipa ke jeqi wi i tz'i aj pa taq es.

Ezequiel 9:1

Te'uri xinta jun ch'awb'al chi lik ko xch'awik, chi xsik'in pinxikin: “¡Ya kek'un ajch'oj chrij i tinimit, chkijujunal kok'am li kich'ojb'al pki'ab' re sachb'al uwach i tinimit!”

Ezequiel 9:2

Xwil uri chi waqib' achiyab' ktijin kokik che nab'e uchija pa okb'al b'ik chi ktzun b'i pa moxab', chkijujunal kok'am kich'ojb'al pki'ab'. Chkixol ike le o jun achi chi ukojom u'u' re lino chi chwi ra' rok'am jun chapb'al re tz'ib'anik. Xe'ok b'ik, xek'iji chila pa o wi i sujb'al sipon anch'ich'.