JEREMÍAS 4:29 - Wuj Pa K'ubultzij

²⁹ Are kesik'in i winaq chi je ajrij taq kaway xaq i je ajk'aqol ch'ab', konojel i winaq ke'elmajik kkuwaj kib' pa taq es, xaq ke'el b'i puwi i nimaq taq ab'aj, ronojel ni'pa i nimaq taq tinimit lik xetali kanoq, lik nti chik winaq xek'iji kan chila.

JEREMÍAS 4:29 Referans Kwoze

JEREMÍAS 4:7

I koj elnaq chal pujul, i jun chi ksachaw uwach i nimaq taq tinimit lik o chik pa b'e, elnaq li putinimit re sachb'al uwach atinimit yet, re ku'an kan che pacha taq jun tz'inilik jyub' xaq pacha jun nim laj tinimit wulijnaq.

Lucas 23:30

Are uri i winaq kkib'ij ni chke i nimaq taq jyub', “¡Chixtzaq li chqij!” Xaq kkib'ij ni chke i tzam taq jyub', “¡Chojich'uqu!”

AMÓS 9:1

Xwil i Ajwal, chi o chuk'ulel i k'ijib'al re sujb'al sipon i kub'ij chwe: “Chayoqya i aqan re i ja k'a kesilab' ni et; ¡Are je ch'aqa taq chik chetzaq na li pkiwi i winaq! Pachin kekanajik je k'aslik keinkamsaj ni ru' ch'ich' chi k'ulala o uware: Tupu ke'anmajik, lik mijun ktotajik;

JEREMÍAS 52:7

Are uri xki'an jun tel chke i tapial re i tinimit, tupu i aj Caldea kisutim te'eq rij, i ajawinel xaq i achiyab' chi je yij che i ch'oj xe'anmaj b'i cha'ab' pa tinimit. Xe'el b'i che i uchija chi o chuxol i keb' tapial che i b'e re i tikonb'al kotz'ij re i rachoch i ajawinel, xaq xkimaj b'i b'e chi k-e chwa ta'aj re i Jordán.

ISAÍAS 30:17

Lajujwinaq kamo' (1,000) ke'anmaj ni pu'ab' xa jun chi winaq rumal ub'im chi k-on k'ax chke, xaq iwonojel yix kix-anmaj ni pki'ab' je jo'ob' winaq, k'a kekanaj ni xa je keb' oxib' chik winaq, pacha ukanajik xa jun chik che' puwi jun nim laj jyub' xaq pacha uwalijik jun sib' re k'utb'al puwi jun jyub'.

SEGUNDO LIBRO DE CR%D3NICAS 33:11

Rumali, i Ajwal xeuk'am li i je aj-atzil ke i achiyab' chi je yij che i ch'oj re i ajawinel aj Asiria chu'anik ch'oj chkij, xkichap ma Manasés, xkikub'a jun ch'ich' putzam, xkixim ru' jun karena anch'ich' xaq xkik'am b'i prexil pa Babilonia.

1 Samuel 13:6

I aj Israel lik xek'iji pa jalajuj taq k'ax man x-an ch'oj chkij kumal aj Filistea, rumali chi xe-anmajik, xkuwaj kib' pa taq pek, pa taq jul, pa taq nimaq taq ab'aj xaq pa taq k'otom chi chaqijnaq chik ya chupam.

ISAÍAS 6:12

I Ajwal k'a keutaq nu b'i i winaq naj, xaq i tinimit kkanaj ni kanoq chi lik nti chik winaq chwach.

JEREMÍAS 6:23

Kiyijb'am kib' ru' kich'ojb'al chi are i ch'ab' xaq i che' jutz utzam; je are i utz ti laj taq winaq lik kkil ti pich' tob'al wachij, i kisik' lik keje pacha uch'awb'al i mar, xaq je annaq rij taq kaway. Lik je yijil chu'anik ch'oj chrij i tinimit Sion.”

JEREMÍAS 16:16

Kin-an na chi kek'un k'iyal taq ajchapol kar chapb'al ke aj Israel, Yin in Ajwal kinb'ij. Chrijil chik ile kin-an na chi kek'un k'iyal taq ajmontiyar re kekichapo xaq kekesaj li chwi taq jyub' xaq chwi taq loma xaq kekesaj li pa taq k'awalaq re i nimaq taq ab'aj.