JEREMÍAS 4:21 - Wuj Pa K'ubultzij

²¹ ¿Ni'pa nawi chik ij kwil i k'ul chi kuk'ut u'ij jun tzob'aj, xaq kinta uch'awb'al i trompeta?

JEREMÍAS 4:21 Referans Kwoze

JEREMÍAS 6:1

¡Ix jutzob'aj re ma Benjamín chix-anmajoq, chitzukuj i k'ijib'al re tob'al ib', chixel chila pa tinimit Jerusalén! Chixut'ij i trompeta pa Tecoa, chiyaka jun ilb'al re chila Bet-haquerem, man jun uyej, jun nim laj k'ax kpe pqawi chi upetik pa moxab'.

JEREMÍAS 4:19

¡Kinb'ak'ak'ej wib' rumal uk'axk'ol xaq i wanima lik ko ktujuwik! ¡Lik kink'achirik, kintiki ti chu'atixik wib' chub'ixkil wach xinta! Lik intom juxut'aj uch'awb'al trompeta, xaq jun sik'inik re i ch'oj.

SEGUNDO LIBRO DE CR%D3NICAS 36:17

Are uri i Ajwal xu'ano chi i ajawinel aj Caldea xu'an ch'oj chkij aj Israel, xeukamsaj konojel alab'om ru' kuchil chila prachoch i Dios, lik xril ti tob'al kiwach i alab'om, altom, rijab' xaq mitene i je klis. I Ajwal xeujach konojel pu'ab' i ajawinel.

SEGUNDO LIBRO DE CR%D3NICAS 36:10

Che i nab'e taq ij re i junab' le, ma Nabucodonosor chi ajawinel pa Babilonia, xutaq uk'amik b'i ma Joaquín junam ru' i jalajuj taq chapanb'al re i rachoch i Ajwal chi lik paqal rajil; are uri xuya kan ma Sedequías, chi ucha' ma Joaquín, pa ajawinel chila Judá xaq Jerusalén.

SEGUNDO LIBRO DE CR%D3NICAS 36:3

I ajawinel aj Egipto xresaj ma Joacaz pa kub'ib'al chi o u'ij chila Jerusalén; xaq xutaq i tinimit chutojik alkawal che chi are oxlajuj oxwinaq tintal saq-o'oj xaq jo'lajuj oxwinaq pexu an-o'oj.

SEGUNDO LIBRO DE CR%D3NICAS 35:25

Ma Jeremías xuyijb'a jun b'ix re kamnaq kuxtab'al re ma Josías. Konojel ajb'ix chi achiyab' chi ixoqib', lik kk'un chkik'ux ma Josías are kkib'ixaj i b'ix ke i kamnaq le k'a che taq i ij wo'or. I b'ix le lik arewi kkib'ixaj chila pa Israel; xaq tz'ib'tal chupam i wuj ipa cholom wi i b'ix ke i kamnaq.

JEREMÍAS 4:20

Lik uterb'em rij utzijol i xaqmanal taq anik, xaq ronojel i nim laj tinimit lik xaqmanal ktijin chuk'ulmaxik. Xaqte'et xkiwulijsaj ink'ijib'al, lik mutmut x-on kan i wu'waq taq ja re wachoch.

JEREMÍAS 4:22

“Intinimit lik nti unojb'al man lik reta'am ti inwach, —keje ile kub'ij i Ajwal. Lik je are i jub'an k'uwalxelab' nti kino'oj man lik kech'ob'on taj. Lik je sik'aj chu'anik i utz taj, xwiri keta'am ti u'anik i utz.”

JEREMÍAS 42:14

xaq we kib'ij: Lik are kqaj chi koj-e pa Egipto, ipa kqil ti chik i ch'oj, xaq kqata ti uch'awb'al i trompeta xaq kqatij ti numik, lik chila kojjeqi wi.