JEREMÍAS 4:16 - Wuj Pa K'ubultzij

¹⁶ Su' chisaqij chke i nimaq taq tinimit, xaq che i tinimit Jerusalén, chi che jun tinimit naj kek'un wi i je ajch'oj chkij. Kesik'in chu'anik ch'oj chkij i nimaq taq tinimit Judá.

JEREMÍAS 4:16 Referans Kwoze

Ezequiel 21:22

Che u'ab' wiqab'im xel wi ch'ab' chi kuk'ut pa Jerusalén, ile ke'eloq chi ku'an ch'oj chrij ru' ch'ojb'al xaq taqanik che i kamsanik, sik'inik re i ch'oj, keuwulijsaj uchija, kyijb'ax jun elb'al b'ik keje ile kkisutij rij ronojel.

JEREMÍAS 5:15

I Ajwal kub'ij: “Ix aj Israel, kink'am li jun tinimit chu'anik ch'oj chiwij chi naj kpe wi, jun tinimit chi lik o ucho'ab' xaq lik ujer laj tinimit. Yix iweta'am ti kich'ab'al xaq kita ti ub'e wach kkib'ij.

ISAÍAS 39:3

Are uri ma Isaías chi profeta x-e chrilik ma Ezequías xaq xutz'onoj che: —¿Ipa xepe wi achiyab' le xaq wach xkib'ij chawe? Ma Ezequías xub'ij che: —Ike le xepe che i nim laj tinimit Babilonia chi lik naj o wi.

JEREMÍAS 50:2

“Chitzijoj iri, chiya retamaxik pa nimaq taq tinimit. Chiyaka i k'utb'al re i tzijonik; lik miwuwaj uwach. Chib'ij: ¡I Babilonia xchap b'ik! ¡I tiox Bel xkanaj pa k'ixb'alil, i dios Merodac lik nojnaq che xib'rikil! ¡I kitiox chi xaril je antalik, chi lik je saqil taj, lik xekanaj pa k'ixb'alil xaq pa nim laj xib'rikil ib'!”

JEREMÍAS 39:1

Che ulajuj ik' re i ub'elej junab' re rajawinik ma Sedequías chila Judá, ma Nabucodonosor, ajawinel re Babilonia, junam ku' i achiyab' chi je yij che i ch'oj, xe'e chu'anik ch'oj chkij aj Jerusalén xaq xkisutij rij.

JEREMÍAS 31:10

Nimaq taq tinimit, chita utzij i Ajwal, xaq chitzijoj chuchi' taq mar naj: I Ajwal xeukichersaj b'i aj Israel, xwiri kumol ni kichi' xaq keuchajij na pacha ku'an i ajyu'ul chij.

JEREMÍAS 16:6

Che nimaq che ch'utiq kekam ni chwach i nim laj tinimit le, lik mijun kemuquwik, mijun ko' ni chke, xaq mijun kuk'utu chi k'ax kuna uk'ux, xaq mijun kusok taq uch'akul rumal ub'is, xaq we kusol b'i uwi.

JEREMÍAS 6:18

Rumali i Ajwal kub'ij: “Chitatb'ej ix nimaq taq tinimit, chiwetamaj wach kuk'ulmaj intinimit.

JEREMÍAS 5:6

Rumali ke'el na li koj pa taq k'achelaj xaq ke'ok chkikamsaxik i winaq, xaq i utiw je aj pa taq tz'inilik jyub' chaqij kki'an ni mutmut chke, i b'alam kekoy-ej ni chila rij taq kitinimit, keki'an ni ch'aqa taq chke are ke'el loq; man k'i kimak ki'anom, xaq lik k'i i anik re keb' kipalaj ki'anom chke i kachi'il.

JEREMÍAS 4:17

Kkisutij ni rij i Judá pacha uchajixik ulew re i tikanb'al, man xuyak rib' chu'anik ch'oj chrij i Ajwal. Yin in Ajwal, xinb'iw ile.

JEREMÍAS 2:15

¿B'uchak uri ki'an ch'oj chkij pacha taq ix koj, chi lik ko kixyererik? Xaq iwulijsam kan i nimaq taq kitinimit, i nimaq taq kitinimit xnak' a' che xaq mijun chik xkanajik.

ISAÍAS 34:1

Yix chi ix tinimit chixtejeb' li chutayik xaq yix chi ix nimaq taq tinimit lik chitatb'ej. Chuta i ulew xaq ronojel ni'pa o chwach, jyub' ta'aj xaq ronojel ni'pa kealax chwach.

JEREMÍAS 1:15

Yin, chi in Ajwal, lik kinsaqij chiwe chi keinsik'ij konojel i ajawinelab' pa moxab'. Kek'un ni i kajawinelab' xaq kkikub'a ni kikub'ib'al chi o u'ij pa okb'al che i tinimit Jerusalén, chwach ronojel ni'pa i tapial chi sutiwnaq rij xaq chkiwach konojel ni'pa i tinimit re i Judá.

JEREMÍAS 8:19

I kijilawik intinimit lik ktataj chupam ronojel i nim laj tinimit: “¿Nti b'a chik i Ajwal pa tinimit Sion? ¿Nti chik rajawinel chila?” I Ajwal kub'ij: “¿B'uchak xiqajsaj in-ij chukojik ki'ij i tiox chi lik nti kkichakuj xaq malkatel laj taq tiox?”

JEREMÍAS 6:19

Winaq chi ix aj chwach ulew, chita iri: Kink'am li jun nim laj uyej puwi i tinimiti, rumal i utz taj chi kki'ano, man xkikoj ti retalil che intzij, are i xki'ano, xkixutuj in-atb'al tzij.

JEREMÍAS 6:22

I Ajwal kub'ij: “K'a naj che i ulew pa moxab' o jun nim laj tinimit chi lik o ucho'ab' kuyijb'a li rib' che i petik.

JEREMÍAS 6:23

Kiyijb'am kib' ru' kich'ojb'al chi are i ch'ab' xaq i che' jutz utzam; je are i utz ti laj taq winaq lik kkil ti pich' tob'al wachij, i kisik' lik keje pacha uch'awb'al i mar, xaq je annaq rij taq kaway. Lik je yijil chu'anik ch'oj chrij i tinimit Sion.”