JEREMÍAS 39:9 - Wuj Pa K'ubultzij

⁹ Pa k'isb'al re, ma Nabuzaradán, aj-ok'al utzam i ajchajinelab' re i rachoch ajawinel, xeuk'am b'i winaq pa Babilonia chi k'a je kanijnaq te'eq xaq i jub'an chi xe'ax ku' aj Caldea; ke'eloq chi ronojel i tinimit xeuk'am b'ik.

JEREMÍAS 39:9 Referans Kwoze

JEREMÍAS 40:1

I Ajwal xlapan ru' ma Jeremías, chrijil chik ro'taxik b'ik pa Ramá rumal ma Nabuzaradán aj-ok'al utzam i ajchajinelab'. Ma Nabuzaradán xuriqa chi kitz'apim xaq kiyut'um ru' karena chkixol i winaq re i Jerusalén xaq i Judá chi xe'elsax b'i pa cho'ab' chwach kulew, i xek'am b'i chila pa Babilonia.

GÉNESIS 37:36

I je aj Madián xkik'ayij a José chila pa Egipto che jun achi ma Potifar ub'i, i achi le o upatan chrij ma faraón, xaq kaj-atzil i chajal.

JEREMÍAS 52:26

Ma Nabuzaradán xeuk'am b'i konojel ike le chwach i ajawinel re Babilonia, chi o te'eq pa Ribla, prulew ma Hamat. Chila i ajawinel re i tinimit Babilonia xutaq kikamsaxik. Keje uri ile, i aj Judá xe'elsax b'i pkitinimit.

JEREMÍAS 10:18

Man i Ajwal kub'ij: “Che iri naj keink'aq wi b'i ni'pa je jeqel chupam i nim laj tinimiti. Kin-an ni chke chi kkitij i k'ax, kwilb'ej re we kinkitzukuj.”

2 Reyes 25:20

Chrijil chik kik'amik b'i prexil ike le, i ma Nabuzaradán, xeuk'am b'i ru' i ajawinel re i tinimit Babilonia chi o chila pa tinimit Ribla. Chila che ulew Hamat, i ajawinel le xutaq kikamsaxik konojel. Keje uri ile chi konojel aj Judá, xe'elsax b'i chwach kulew.

2 Reyes 25:11

Are uri ma Nabuzaradán xeuk'am b'i konojel i winaq pa Babilonia chi je kanajnaq kan pa nim laj tinimit xaq i jub'an chi xkiya kiwach ru' ajawinel aj Babilonia xaq i keb' oxib' chik aj-anol jalajuj taq b'iroxik ru' ab'aj.

JEREMÍAS 16:13

Rumali kixwesaj b'i chwach ulewi, kixintaq b'i che jun tinimit chi lik iweta'am ti uwach xaq mitene iwatit imam xketamaj uwach i tinimit le, chila chipa'ij chicha'ab' ki'an ni ipatan chkij jub'an chik dios, lik kwil ti pich' tob'al iwach.

ISAÍAS 5:13

Rumal ile chi kkaj ti kkita ub'e, intinimit ke'elsax b'i pa cho'ab' chwach kulew. Konojel i winaq junam ku' i kaj-atzil kekam ni rumal i numik xaq i k'atik.

2 Reyes 20:18

O ne jujun chke amuq axikin kek'am nu b'i pa Babilonia, chila kelsax wi kikowil chke xaq keya' ni chila pacha ajtaqon pa nim laj rachoch i ajawinel.”

Deuteronomio 4:27

I Ajwal kixukichersaj nu b'i chkixol i jalajuj taq tinimit, xa jujun chiwe kekanaj ni pa taq tinimit le.

LEVÍTICO 26:33

Kixinkichersaj nu b'i chkixol i jalajuj taq tinimit, xaq ru' ch'ich' kixwoqtaj na, ronojel ulew re i tinimit kkanaj na pacha jun tz'inilik jyub' chaqij xaq ni'pa taq itinimit ksach ni uri uwach.

JEREMÍAS 24:8

Xwiri i ma Sedequías, ajawinel re i tinimit Judá, xaq i je aj-atzil xaq i jub'an chik chi je jeqel chila pa tinimit Jerusalén chi xekanaj kan pa tinimit, o xaq are ike chi xe'ejeqi pa Egipto, ike le keink'am na loq pacha i utz ti laj higo, chi rumal lik je utz taj ketijaw taj.

JEREMÍAS 38:19

I ma Sedequías xub'ij: —Lik kinxij wib' chke aj Judío chi xe'ax ku' aj Caldea; we kintzaq pki'ab' ike le, lik qatzij kki'an ni uri k'ax chwe pacha kkaj ike.

JEREMÍAS 40:7

I aj-ok'al utzam xaq i achiyab' chi je yij che i ch'oj aj Israel, chi k'a je o chila pa taq es are xkita chi ajawinel re i Babilonia xuya kan ma Gedalías, chi uk'ojol ma Ahicam, pa aj-ok'al utzam i jalajuj taq tinimit, chi are ire o pu'ab' keuchajij i achiyab', ixoqib' xaq i ak'alab' ke i winaq chi mas je nib'a' che i nim laj tinimit chi xetaq tu b'i pa Babilonia,

Daniel 2:14

Are uri a Daniel lik utz lapanik xu'ano, lik o usuk' utzij, xaq lik chom ktayik, keje ile lik xuxij ti rib' che ma Arioc, chi kaj-atzil ajchajinel prachoch i ajawinel, chi lik ya keukamsaj te'eq i winaq chi o kino'oj.