JEREMÍAS 39:8 - Wuj Pa K'ubultzij

⁸ Te'uri i aj Caldea xkinak' a' che i nim laj rachoch i ajawinel xaq chke i ja chi je o chila pa tinimit, xaq xkiwulijsaj i tapial re i Jerusalén.

JEREMÍAS 39:8 Referans Kwoze

NEHEMÍAS 1:3

Xkib'ij chwe: “I jub'an chi xe'anmaj chwach kelsaxik b'i pa cho'ab' chwach kulew chi xaq xekanaj kan chila chwach ulew pa je o wi, je o chupam jun nim laj k'ax chi lik k'ixb'al. I tapial chi nim uwach chi sutinnaq chrij chwach i tinimit Jerusalén, wulijnaq loq xaq i uchija xek'atik rumal i a'.”

JEREMÍAS 38:18

Xwiri we kajach ti awib' yet chke, i aj Caldea lik ketiki ni kan chuk'amik i nim laj tinimit, kkinak' ni a' che xaq yet kattotaj ti chik.”

JEREMÍAS 21:10

Man yin inch'ob'om chik uk'amik li i utz taj puk'exel i utz puwi i nim laj tinimiti. Kinjach ni pu'ab' i ajawinel re i tinimit Babilonia, ire lik kunak' ni a' che. Yin in Ajwal, xinb'iw ile.

Miqueas 3:12

Xwiri, rumal imak yix, i Jerusalén chi nim laj tinimit re i jyub' Sion, kkanajik pacha tukum ulew xaq pacha t'ub'ulaq taq ja wulijnaq, xaq i ulew re i rachoch i Ajwal knoj ni uwach che uk'iyal taq es.

AMÓS 2:5

Rumali kinkoj ni a' che i ulew Judá, i a' le kusachsaj ni kiwach i nimaq taq ja ke i ajawinelab' re i Jerusalén.”

Lamentaciones 2:7

I Ajwal lik uxutum i sujb'al sipon, xaq uxutum i lo'laj uk'ijib'al; ujachom pu'ab' i ajch'oj chrij, ronojel i tapial chi usutim te'eq rij i nim laj tinimit re tob'al ib'. ¡Lik k'iyal sik' o prachoch i Ajwal, lik pacha taq ij re nima'ij ktatajik!

Lamentaciones 2:2

I Ajwal lik mixatjun ja xuya kanoq re ma Jacob, ronojel xuwulijsaj; lik ru' jun jo'taj tan re roywal xuwulijsaj ukowil i chom laj tinimit Judá; lik xeuqajsaj pulew, uqajsam ki'ij i ajawinik xaq aj-ok'al utzam i jalajuj taq tinimit.

Lamentaciones 1:10

I ajch'oj lik u'anom re che i b'eyomal pa tinimit Jerusalén. I tinimit lik xeril i winaq chi kkikoj ki'ij i jub'an chik dios, lik ko kiwach xe'ok b'i pa lo'laj k'ijib'al re i Ajwal, ¡Ajwal, yet xab'ij chi kawaj taj chi ke'ok b'i winaq le pa wachoch re molb'al ib'!

JEREMÍAS 37:10

Tupu yix lik keikamsaj i achiyab' aj Caldea chi je yij che i ch'oj, chi kki'an ch'oj chiwij yix, chi xa je keb' oxib' achiyab' je soktajnaq kekanaj kan chuxe' i wu'wik ja, i achiyab' le kewalij na xaq kkinak' ni a' che i tinimit.”

JEREMÍAS 34:22

Keintaq ni che chi kki'an chik ch'oj chrij i nim laj tinimiti, are ya xetiki chuk'amik te'uri kkinak' ni a' che. Xaq kin-an na chi i jub'an chik tinimit re i tinimit Judá k-on ni tz'inilik jyub' chi nti chik winaq chwach. Yin in Ajwal, xinb'iw ile.”

JEREMÍAS 34:2

“Yin, chi in Ajwal, chi ki-Dios aj Israel, kinb'ij chawe chab'ij che ma Sedequías, chi ajawinel re i tinimit Judá: Keje iri kub'ij i Ajwal: Kin-an na chi i ajawinel re i Babilonia kuk'am ni i tinimiti xaq kunak' ni a' che.

JEREMÍAS 17:27

Xwiri yix we kixkojon ti che intaqanik, chi kiya i ij sábado chwe, xaq kikoj b'i eqan pa okb'al b'ik re i tinimit Jerusalén che i ij sábado, lik kinnak' a' uri che i okb'al re i tinimit Jerusalén, jun a' chi lik kujarsaj b'i i nimaq taq kachoch i ajawinelab' pa tinimit Jerusalén xaq mijun ktiki chuchupik i a' le.

JEREMÍAS 7:20

Rumali Yin, chi in Ajwal, lik qatzij kinb'ij chiwe chi kwesaj ronojel woywal che i k'ijib'al le xaq chke i winaq, xaq kwesaj ni woywal chke i konojel i chikop, chke i che' pa taq es xaq che ronojel i tikon. Keje na pacha jun a' chi lik kchup taj.

ISAÍAS 5:9

I Ajwal chi ronojel ktiki che lik ub'im chwe: “K'iyal taq ja kwulijsax na; tupu lik nimaq xaq lik chomiq ketzunik, mijun kjeqi chik chupam.

SEGUNDO LIBRO DE CR%D3NICAS 36:19

Xwi ta la ile, xaq xkik'at i rachoch i Dios, xkiwulijsaj li tapial nim uwach chi o chrij chwach i tinimit Jerusalén, xkinak' a' che i nim laj rachoch i ajawinel xaq xkichup uwach i jalajuj taq b'iroxik chi lik paqal rajil.

2 Reyes 25:8

Che i wuqub' ij, che i ujo' ik', re i b'elejlajuj junab' rajawinik ma Nabucodonosor, chi ajawinel pa tinimit Babilonia, i ma Nabuzaradán, chi are ajpatan re i ajawinel, aj-ok'al utzam chke i achiyab' chi je yij che i ch'oj re ma Nabucodonosor, xupon pa tinimit Jerusalén.

Salmos 79:7

Man xkikamsaj ma Jacob, xaq xki'an che i rachoch chi pacha jun ja chi wulijnaq.

JEREMÍAS 32:29

I aj Caldea chi kki'an ch'oj chrij i nim laj tinimit, lik ke'ok nu b'i chupam xaq kkinak' ni a' che; kkinak' ni a' che junam ru' i ja chi je o li k'a puwi, chila ipa kkiporoj wi pom che i tiox Baal xaq kkisujuj uwa'al uva muqb'am chke i tiox chi etamam ti kiwach, kki'an ile qajsab'al in-ij.

Ezequiel 16:41

Kkinak' ni a' chke i awachoch xaq kkich'ik ni utojb'alil pawi chkiwach uk'iyal taq ixoqib'. Kink'is ni uwach ni'pa i xaqmanal ka'an ru' ach'akul, xaq lik keatoj ti chik i achiyab' chi kkimin kib' awu'.

Ezequiel 23:47

lik ronojel i tinimit chekikamsaj ru' ab'aj xaq ru' i ch'ich' chi k'ulala o uware chkik'awsaj pkich'ak'ul; chekikamsaj kimi'al kik'ojol xaq chkik'atsaj i kachoch.

Ezequiel 33:21

Che ujo' ij re ulajuj ik' re i kab'lajuj junab' re qelsaxik b'ik pa cho'ab' chwach qulew, jun achi chi anmajnaq li pa Jerusalén, xk'unik i xulap chwe chi i tinimit xtzaq pki'ab' i ajch'oj chrij.

JEREMÍAS 5:10

¡I je ajch'oj chkij lik che'okoq xaq chkisacha uwach ronojel i tikon chi o chila pa tikb'al uva, xwiri lik ronojel taj kkisach uwach. ¡Chki'oqij u'ab' taq i uva, man ile tikb'al ti chik in-uva!