JEREMÍAS 39:5 - Wuj Pa K'ubultzij

^5-6 Xwiri i achiyab' chi je yij che i ch'oj aj Caldea xeterej b'i chkij, xekimaja ma Sedequías chwa ta'aj re i Jericó. Xkichapo, te'uri xkik'am b'i chwach i ajawinel ma Nabucodonosor chi o pa Ribla, che i ulew Hamat. Chila ma Nabucodonosor xu'an i atb'al tzij. Xuwor pkiqul i rak'al ma Sedequías chila Ribla lik chwach ire x-an wi chke, xaq keje ile xu'an chke konojel i winaq chi nimaq ki'ij je aj Judá.

JEREMÍAS 39:5 Referans Kwoze

2 Reyes 23:33

I ma faraón, chi ma Necao, xuya ti che ma Joacaz chi krajawinik, xumina prexil pa tinimit Ribla chi o chupam ulew Hamat, man keje ile krajawin ti pa tinimit Jerusalén. I ma Necao le xeutaq i tinimit chutojik alkawal chi are oxwinaq wajxaqlajujmo' (7,260) pexu saq-o'oj xaq oxlajuj oxwinaq (73) pexu an-o'oj.

JOSUÉ 5:10

Are xqaj i ij che i ij kajlajuj re i nab'e ik', tz'aqat je uxlannaq chwa ta'aj Jericó i aj Israel xki'an i nima'ij Pascua.

JEREMÍAS 38:23

I ma Jeremías xaq xub'ij chik che i ajawinel: —Konojel ni'pa ixoqib' xaq awak'al lik kejach ni pki'ab' aj Caldea, xaq yet, Nim laj Winaq, lik kattotaj ti pki'ab' ike, are k-antaj na, katjach ni pu'ab' ajawinel aj Babilonia, xaq kkinak' ni a' che i nim laj tinimit.

JEREMÍAS 38:18

Xwiri we kajach ti awib' yet chke, i aj Caldea lik ketiki ni kan chuk'amik i nim laj tinimit, kkinak' ni a' che xaq yet kattotaj ti chik.”

JOSUÉ 4:13

Kolo je jo'chiy (40,000) achiyab' chi je yij che i ch'oj, xeb'in chwach i Ajwal, xe'e chwa ta'aj re i Jericó.

Lamentaciones 4:20

Lik xtzaq prexil i jun chi u'ulum i Ajwal, chi are kuya te'eq quxlab' re qak'aslemal, are i ajawinel chi xqab'ij te'eq chiwe: “Chi lik che umujal kojtotaj wi chkixol i tinimit.”

Lamentaciones 1:3

Lik mas uyej xaq lik mas k'ax laj taq chak, kutij i tinimit Judá wo'or man chaptalik. Ujer lik xrajawin te'eq chkixol i jalajuj taq tinimit, xwiri wo'or lik kuriq ti uxlanem. Konojel i kiterb'em te'eq, xekimaja i wo'or lik kiya'om pa k'ax.

JEREMÍAS 4:12

I tew chi kinpetsaj lik are jun tew chi nti usuk' xaq lik mas nim chwach ile, rumali wo'or kinch'ik uya'ik utojb'alil chke.”

SEGUNDO LIBRO DE CR%D3NICAS 33:11

Rumali, i Ajwal xeuk'am li i je aj-atzil ke i achiyab' chi je yij che i ch'oj re i ajawinel aj Asiria chu'anik ch'oj chkij, xkichap ma Manasés, xkikub'a jun ch'ich' putzam, xkixim ru' jun karena anch'ich' xaq xkik'am b'i prexil pa Babilonia.

2 Reyes 25:6

I aj Caldea xkichap i ajawinel ma Sedequías, te'uri xkik'am b'i chwach i ajawinel aj Babilonia, chi o te chila pa tinimit Ribla, chi ukwenta ulew Hamat. Chila ma Nabucodonosor xub'ij wach utojb'alil kya' che ma Sedequías.

2 Reyes 17:24

I ajawinel re i tinimit Asiria xeuk'am li i winaq pa tinimit Babilonia, Cuta, Ava, Hamat xaq Sefarvaim man kejeqi chila Samaria pkik'exel aj Israel. Keje uri ile chi xejeqi ike chila pa tinimit Samaria xaq che jub'an chik nimaq taq tinimit chi re i Samaria.

2 Samuel 8:9

Are xretamaj ma Toi, chi ajawinel re i tinimit Hamat, chi ma David xeuch'ak konojel i achiyab' chi je yij che i ch'oj re ma Hadad-ezer,

Jueces 3:3

Keje uri ile chi xekanaj kan jo'ob' ajawinelab' aj Filistea, konojel aj Canaán, aj Sidón xaq aj Jiw chi je jeqel te'eq chwi taq jyub' Líbano, chi kjeqan b'i uchi' che i jyub' Baal-hermón k'a che i okb'al chi Hamat ub'i.

JOSUÉ 13:5

xaq k'amaja kamaj kan kulew i je aj Giblita, xaq ronojel i jyub' Líbano chila prelb'al ij, kjeqan li uchi' pa Baal-gad chila chi raqan jyub' Hermón kupon k'a pa okb'al re i Hamat.

NÚMEROS 13:21

Are uri xe'e achiyab' chrilik i ulew le, lik xkitaqej na'al upam i tinimit, xkijeq li pa tz'inilik jyub' chaqij Zin chila pa wiqab', xkitanb'a rilik k'a Rehob, chila pa moxab' chutzal i okb'al re i Hamat.

JEREMÍAS 21:7

Te'uri kinjach ni ma Sedequías, chi ajawinel re i tinimit Judá, pu'ab' ma Nabucodonosor, xaq pki'ab' i jub'an chik ajch'oj chrij, junam ku' i kaj-atzil, xaq i je ajch'oj xaq i winaq chi xek'asi kan pa nim laj tinimit chrijil chik itzel laj yob'il, chrijil chik i ch'oj xaq chrijil chik i wa'jal. Yin kin-an na chi kekamsax ru' ch'ich' chi k'ulala o uware, chi lik k-il ti pich' tob'al kiwach. Yin in Ajwal, xinb'iw ile.

JEREMÍAS 24:8

Xwiri i ma Sedequías, ajawinel re i tinimit Judá, xaq i je aj-atzil xaq i jub'an chik chi je jeqel chila pa tinimit Jerusalén chi xekanaj kan pa tinimit, o xaq are ike chi xe'ejeqi pa Egipto, ike le keink'am na loq pacha i utz ti laj higo, chi rumal lik je utz taj ketijaw taj.

JEREMÍAS 44:30

Yin kinjach ni ma faraón Hofra, Ajawinel re Egipto, pki'ab' rajch'oj chrij, pacha ujachik ma Sedequías ajawinel re Judá pu'ab' ma Nabucodonosor, ajawinel re Babilonia, rajch'oj chrij.

JEREMÍAS 49:23

Tzijonik chrij i Damasco: “I nimaq taq tinimit re Hamat, xaq Arfad lik je o pa k'ixb'alil, man xupon utz ti laj taq tzijonik ku'. Lik to' pa xib'rikil chik je o wi, lik utz ti je olik.

Ezequiel 23:24

Kek'un ni chu'anik ch'oj chawij ru' k'iyal taq ch'ich' xaq k'iyal taq achiyab' chi je yij che i ch'oj; lik xaipa kkisutij ni awij, achiyab' le lik kuk'am kich'ojb'al, tob'al kijolom xaq i tob'al ib', i yin lik kinya ni chke chi kki'at tzij pawi, ike kki'at ni tzij pawi pacha kub'ij i ki'atb'al tzij.

Habacuc 1:7

Lik ko kiwach, lik je xib'in ib', lik keta'am ti jun chik atb'al tzij, lik xwi keta'am i ke ike.

ISAÍAS 22:3

i je awaj-atzil konojel pa'anem xe'anmajik, xaq are xe'anmaj chwach i ch'ab', xetz'apix prexil. I je awinaq chi lik ko kiwach, naj xe'anmajik, xwiri xetz'apix prexil.