JEREMÍAS 38:6 - Wuj Pa K'ubultzij

⁶ Are uri ike xkichap ma Jeremías, xkiya chupam i k'otom chaqij upam re ma Malquías, chi uk'ojol i ajawinel, chi o chila chwaja ipa je o wi i chajinelab'. Xkiqajsaj ru' jun laso nim upam chupam i k'otom, nti ya chupam, xa xo'ol upam, rumali chi ma Jeremías xmuqtaj b'i chupam.

JEREMÍAS 38:6 Referans Kwoze

JEREMÍAS 37:21

Are uri i ajawinel, chi ma Sedequías, xub'ij chi ma Jeremías kkanaj prexil chwaja ipa je o wi ajchajinelab' xaq ij ij kkik'am b'i jun ukaxlanwa chi kek'am chila che i b'e ke i aj-anol kaxlanwa. Keje iri x-antaj na tz'aqat lik o kaxlanwa pa tinimit le. Keje uri ile chi ma Jeremías xkanaj kan chwaja ipa je o wi i ajchajinelab'.

JEREMÍAS 38:22

Konojel ni'pa ixoqib' chi kekanaj pa nim laj rachoch i ajawinel aj Judá lik ke'elsax na loq xaq kejach ni pki'ab' i je atzil re i ajawinel aj Babilonia, xaq ike kkib'ij na: “Konojel i je ramiy ajawinel chi lik je utz xkit'oro xaq lik xetiki che; xkiya che chi raqan lik xmuqtaj b'i chupam i xo'ol xaq lik xko'taj kanoq.”

JEREMÍAS 37:16

I ma Jeremías xkiya chupam jun jul chi antal chuxe' i ja, lik k'iyal ij xu'an chila.

Salmos 69:2

I nim laj ak'al ktijin chinb'i'ik b'ik, lik nti kintak'b'a wi waqan, xinqaj k'a pa cho re i ya xaq kinucharej b'i raqana.

Hechos 16:24

I ajchajal re prexil are xya' i taqanik le che, xeutz'apij che jun k'ijib'al chi lik k'a chupam li prexil o wi, xaq xuya kan i kaqan pa che' man keje ile lik kkina uk'axkol re i utojb'alil le.

ZACARÍAS 9:11

Iri are kub'ij i Ajwal: “Tinimit Jerusalén, rumal i kik' re atrat, Yin kewesaj na li pa chaqij k'otom awinaq chi je o chila prexil.

Salmos 109:5

Ki'anom i utz taj chwe puk'exel i utz chi in-anom yin chke ike, xaq puk'exel i k'axnab'al ink'ux chke, xa ktitat kipam chwe.

Salmos 40:2

Xinresaj chupam i jul re i kamik, xuya ti chwe chi xinmuqtaj b'i chupam i ak'al, xinutak'b'a puwi jun ab'aj, xuya ukowil inb'inik.

GÉNESIS 37:24

Xkichapo te'uri xkik'aq b'i chupam i k'otom chi nti ya chupam.

Hebreos 10:36

Mb'a'krij ik'ux chupam i k'ax, lik chich'ija k'a kik'is ni u'anik ni'pa kraj i Dios chiwe chi ki'an na. Te'uri kya' ni chiwe wach usujum ire.

JEREMÍAS 36:26

Are xu'ano, xutaq ma Jerameel, chi lik rak'al i ajawinel, ma Seraías, chi uk'ojol ma Azriel, ma Selemías, chi uk'ojol ma Abdeel, chi kkimin i profeta ma Jeremías prexil, xaq i ma Baruc chi rajtz'ib'. Xwiri ike xeuwax rumal i Ajwal.

JEREMÍAS 32:2

Che taq i ij le i achiyab' chi je yij che i ch'oj re i ajawinel re i tinimit Babilonia ketijin chu'anik ch'oj chkij i winaq aj Jerusalén; ma Jeremías, chi profeta, tz'apim chwaja ipa je o wi i chajinelab' chila pa nim laj rachoch i ajawinel.

JEREMÍAS 38:13

Keje u'anik uri ile chi achiyab' xkik'aq b'i laso pa jul, are uri xkesaj li ma Jeremías chila. Chrijil chik ile i ma Jeremías xkanaj kan chwaja ipa je o wi ajchajinelab'.

Daniel 6:16

Are uri i ajawinel xub'ij chi kk'am li a Daniel xaq kk'aq b'i pa jul ku' i koj. Xwiri are k'amaja k-antaj ile, i ajawinel xub'ij che a Daniel: —¡I a-Dios yet chi lik aya'om ak'ux che, chatuto na!