JEREMÍAS 38:5 - Wuj Pa K'ubultzij

⁵ I ma Sedequías, chi ajawinel, xula' uwach chke: —Utzi', chi'ana ni'pa kiwaj u'anik che. Yin kixin-atij taj.

JEREMÍAS 38:5 Referans Kwoze

2 Samuel 3:39

Rumali, tupu yin in ajawinel chi in ultal rumal i Dios, xwiri lik kinxij wib' chkiwach i je kamsanel laj taq winaq chi je ralab' ati Sarvia. ¡I Ajwal chuya ni utojb'alil che i ajkamsanel chrij pacha i mak atzalal chi xu'ano!

Proverbios 29:25

I xib'rikil chi o che i winaq chwach jun chik winaq ile xa jun tzaqsab'al, man ni'pa kkiya kik'ux che i Ajwal ketotaj na.

2 Samuel 19:22

Xwiri ma David xub'ij che: —¡Pi'ab' ti yix o wi u'anik ile, ix ralab' ati Sarvia! ¿B'uchak kixch'ojin chwij? Wo'or yin lik weta'am chi in ajawinel pa tinimit Israel, rumali chi che i iji, lik mijun winaq kkamik.

1 Samuel 29:9

Xwiri ma Aquis xub'ij che: —Yin lik kinkojo chi yet lik at utz laj winaq pacha jun ángel re i Dios; xwiri i kaj-atzil aj Filistea ya xkib'ij chi kat-e ti qu' pa ch'oj.

1 Samuel 15:24

Are uri ma Saúl xub'ij che ma Samuel: —Qatzij, yin xinmakunik, man xin-an taj wach kub'ij utaqanik i Ajwal, xaq wach taq i xab'ij yet chwe, man xinxij wib' chke i winaq, rumali xin-ano pacha xkib'ij ike chwe.

JEREMÍAS 26:14

Xaq yin in o pi'ab' yix, chi'ana chwe pacha kumaj iwach.

JEREMÍAS 37:17

I ma Sedequías chi ajawinel, xuya jun taqanik chi kkik'am b'i ma Jeremías pa nim laj rachoch i ajawinel, are xk'am b'i ma Jeremías chwach i ajawinel, i ajawinel le xani'al xutz'onoj che: —¿O nawi jun tzij kab'ij chi petnaq ru' i Ajwal? Are uri ma Jeremías xula' uwach: —Olik, are iri: Yet katjach ni pu'ab' i ajawinel re i Babilonia.

Daniel 6:16

Are uri i ajawinel xub'ij chi kk'am li a Daniel xaq kk'aq b'i pa jul ku' i koj. Xwiri are k'amaja k-antaj ile, i ajawinel xub'ij che a Daniel: —¡I a-Dios yet chi lik aya'om ak'ux che, chatuto na!

Daniel 6:17

I a Daniel are o pa jul, xkik'am li jun ab'aj xkikoj puwi i jul tz'apb'al re, i ajawinel lik xunak' uk'exwach ub'aq re uwi u'ab' che, xaq ru' i kik'exwach i kib'aq re uwi ki'ab' i nimaq taq ajpatanib' re i atb'al tzij, man keje ile umak i ma Daniel chi xkitzukuj chrij lik k-antaj na pacha i tz'ib'tal chupam i atb'al tzij.