JEREMÍAS 38:23 - Wuj Pa K'ubultzij

²³ I ma Jeremías xaq xub'ij chik che i ajawinel: —Konojel ni'pa ixoqib' xaq awak'al lik kejach ni pki'ab' aj Caldea, xaq yet, Nim laj Winaq, lik kattotaj ti pki'ab' ike, are k-antaj na, katjach ni pu'ab' ajawinel aj Babilonia, xaq kkinak' ni a' che i nim laj tinimit.

JEREMÍAS 38:23 Referans Kwoze

JEREMÍAS 41:10

Xwi ta la ile, i ma Ismael xeuchap i umi'al i ajawinel xaq i winaq chi k'a je o kan chila pa Mizpa, are ma Nabuzaradán, chi aj-ok'al utzam ajchajinelab', chi xeuya te'eq chuxe' utaqanik ma Gedalías. I ma Ismael xeuchapo, te'uri xumaj b'i ub'e re kik'aw pa ulew Amón.

JEREMÍAS 38:18

Xwiri we kajach ti awib' yet chke, i aj Caldea lik ketiki ni kan chuk'amik i nim laj tinimit, kkinak' ni a' che xaq yet kattotaj ti chik.”

2 Reyes 25:7

Lik chwach ma Sedequías xtaq uworik pkiqul i rak'al, xaq ire xtaq relsaxik ub'a'wach che, te'uri xtaq uyut'ik ru' karena k'amb'al b'i re pa tinimit Babilonia.

Ezequiel 43:3

I xwil pinwach keje pacha xwilo are xk'un i Ajwal chusachik uwach i tinimit Jerusalén, lik keje pacha xwil chila che i raqana Quebar. Xinxuki'ik xinqasaj inpalaj k'a chwach ulew,

Ezequiel 14:9

We o jun profeta kutzijoj jun tzij chi saqil taj, ile are Yin in Ajwal, xint'or i profeta le; xaq Yin kinyak ni in-ab' chrij re kinya utojb'alil che xaq kwesaj ni chuxol intinimit Israel.

JEREMÍAS 6:12

I kachoch, kulew, xaq i kixoqil ke'ax ni pki'ab' jub'an chik. Man kinyak ni in-ab' chuya'ik i tojb'alil pkiwi konojel i je jeqel pa tinimit le. Yin in Ajwal, xinb'iw ile.

JEREMÍAS 32:4

xaq i ajawinel ma Sedequías lik ktotaj ti chik pki'ab' aj Caldea man ktzaq ni pu'ab' i ajawinel re i Babilonia xaq lik keuk'utu ni rib' chwach.

JEREMÍAS 37:8

Are uri i aj Caldea ketzalij chal chu'anik ch'oj chrij i tinimit Jerusalén, ketiki ni chuch'akik xaq kkinak' ni a' che.

JEREMÍAS 38:24

Are uri ma Sedequías xub'ij che ma Jeremías: —We lik k'ax kana i ak'aslemal lik mab'ij iri che jun chik.

JEREMÍAS 39:5

Xwiri i achiyab' chi je yij che i ch'oj aj Caldea xeterej b'i chkij, xekimaja ma Sedequías chwa ta'aj re i Jericó. Xkichapo, te'uri xkik'am b'i chwach i ajawinel ma Nabucodonosor chi o pa Ribla, che i ulew Hamat. Chila ma Nabucodonosor xu'an i atb'al tzij. Xuwor pkiqul i rak'al ma Sedequías chila Ribla lik chwach ire x-an wi chke, xaq keje ile xu'an chke konojel i winaq chi nimaq ki'ij je aj Judá.

Ezequiel 17:15

Xwiri uk'ojol i saqil laj ajawinel le xuqel i trat chi xki'an ru' i ajawinel re Babilonia xaq xeutaq b'i uwinaq chi je ajtaqon pa Egipto re kkitz'onoj uk'iyal taq kaway xaq uk'iyal taq achiyab'. ¿Kikoj yix ile chi chrijil ile kel chisaq xaq kuch'ij anmajik i kk'asi na? ¿Ktiki nawi jun che anmajik we kutz'aqatsaj ti utrat chi xu'ano?

NÚMEROS 4:18

Miya chke i ralk'uwal ma Coat chi ksach kiwach chkixol aj Leví.

JEREMÍAS 21:10

Man yin inch'ob'om chik uk'amik li i utz taj puk'exel i utz puwi i nim laj tinimiti. Kinjach ni pu'ab' i ajawinel re i tinimit Babilonia, ire lik kunak' ni a' che. Yin in Ajwal, xinb'iw ile.

JEREMÍAS 34:3

Yet lik kattiki ti chrelsaxik awib' pu'ab'; katkichap na xaq katkijach ni pu'ab' ire, chrijil chik ak'amik b'ik chwach ire, te'uri katkik'am b'i pa Babilonia.