JEREMÍAS 38:22 - Wuj Pa K'ubultzij

²² Konojel ni'pa ixoqib' chi kekanaj pa nim laj rachoch i ajawinel aj Judá lik ke'elsax na loq xaq kejach ni pki'ab' i je atzil re i ajawinel aj Babilonia, xaq ike kkib'ij na: “Konojel i je ramiy ajawinel chi lik je utz xkit'oro xaq lik xetiki che; xkiya che chi raqan lik xmuqtaj b'i chupam i xo'ol xaq lik xko'taj kanoq.”

JEREMÍAS 38:22 Referans Kwoze

Lamentaciones 5:11

Pa Sion xaq pa taq tinimit Judá, ixoqib' xaq ak'alab' altom lik xqajsax ki'ij man xechap pa cho'ab'.

Lamentaciones 1:2

Are cha'ab' i Jerusalén chi pacha jun ixoq, kji' rumal uwa'al uwach man lik ksiqsat rumal o'ej; xaq uwa'al uwach le lik klememik kqaj chupalaj. Chkixol konojel ni'pa taq i kkib'ij chi k'ax taq kkina'o, lik nti jun chke kyu'uw uxikin. Konojel i ramiy lik xa xki'an keb' kipalaj che kib' chrij; lik xa xe'on ajch'oj chrij.

JEREMÍAS 43:6

I achiyab', ixoqib', ak'alab', xaq i je umi'al i ajawinel xaq konojel i winaq chi ma Nabuzaradán, aj-ok'al utzam i ajchajinelab', je uya'om kan pu'ab' ma Gedalías, xaq ma Jeremías i ma Baruc.

Miqueas 7:5

Makoj taq utzij alok'anij; i lik makub'a ak'ux che jun awamiy xaq chana awib' che taq i tzij are katlapan ru' awixoqil.

Lamentaciones 1:13

I Ajwal lik k'a naj chikaj xutaq li a' chi lik xuk'at b'i inb'aqil; xukoj jun tzaqsab'al pinb'e xaq xu'an chwe chi xintzalij chik chwij; xaq xinro'taj, lik arewi kintij uyej.

JEREMÍAS 41:10

Xwi ta la ile, i ma Ismael xeuchap i umi'al i ajawinel xaq i winaq chi k'a je o kan chila pa Mizpa, are ma Nabuzaradán, chi aj-ok'al utzam ajchajinelab', chi xeuya te'eq chuxe' utaqanik ma Gedalías. I ma Ismael xeuchapo, te'uri xumaj b'i ub'e re kik'aw pa ulew Amón.

JEREMÍAS 38:19

I ma Sedequías xub'ij: —Lik kinxij wib' chke aj Judío chi xe'ax ku' aj Caldea; we kintzaq pki'ab' ike le, lik qatzij kki'an ni uri k'ax chwe pacha kkaj ike.

JEREMÍAS 20:10

Keinta i winaq chi kkib'ij: “¡Lik o xib'in ib' re i kamik xaipa!” Xaq kkib'ij: “¡Chixpetoq, jo chukojik umak!” Kecha. Xaq keje ne wamiy kkaj ike chi kintzaqik, kkib'ij: Moqxa kt'ortajik, are uri yoj kojtiki che, xaq kqa'an ni uk'exel che pacha u'anom ire chqe.

JEREMÍAS 6:12

I kachoch, kulew, xaq i kixoqil ke'ax ni pki'ab' jub'an chik. Man kinyak ni in-ab' chuya'ik i tojb'alil pkiwi konojel i je jeqel pa tinimit le. Yin in Ajwal, xinb'iw ile.

ISAÍAS 42:17

Ni'pa kkiya kik'ux che jun tiox, xaq ni'pa i jub'an chi kkib'ij chke jub'an tak'tik k'exwach: “Yix ix qa-dios,” lik pa k'ixb'alil na kkijek' kib' ku'.

Salmos 69:14

¡Maya chwe chi kinsach b'i pa xo'ol! ¡Chinawesaj chkiwach ike chi ktitat kipam chwe xaq chinawesaj chupam i ya chi lik cho upam!

Salmos 69:2

I nim laj ak'al ktijin chinb'i'ik b'ik, lik nti kintak'b'a wi waqan, xinqaj k'a pa cho re i ya xaq kinucharej b'i raqana.

Salmos 41:9

Xaq i utz laj wamiy chi lik inkub'am ink'ux che, chi junam kqatij qawa ru', lik x-on jun ajch'oj chwij.

JEREMÍAS 46:21

I kiwinaq chi je yij che i ch'oj je aj naj chi je moktalik je keje pacha taq torib' chi je ti'ojab', xwiri ike le ke'anmaj pa'anem man nti chik kicho'ab', man kupon i ij re ksachsax kiwach, xaq u'oril utojb'alil kimak.

JEREMÍAS 46:5

Xwiri ¿Wach i kwilo le? Xetzalij chkij rumal i nim laj xib'rikil. I kajch'oj xekicher b'ik man xech'akik; pa'anem xe'anmajik, lik xetzun ti chkij. ¡Xaipa o i k'ax! Yin in Ajwal, xinb'iw ile.

JEREMÍAS 8:10

Rumali, kinjach ni kixoqil chke i jub'an chik achiyab', xaq i kulew kinya ni chke jub'an chik. Man konojel che ch'utiq che nimaq, xwi kkich'ob' utzukuxik i ch'akanik ru' ela'; i profeta xaq ajsujul sipon, konojel is je t'oronel.

JEREMÍAS 13:21

¿Jerusalén, wach chik kab'ij are katrajawix kumal i winaq chi yet xeatijoj? Lik kpe ni k'ax pawi pacha uk'axk'ol chi kutij jun ixoq ru' utujanik.

JEREMÍAS 38:21

I Ajwal uya'om retamaxik chwe wach kk'ulmax na, yet, Nim laj Ajawinel, we kawaj ti kajach awib':

Job 6:15

Xwiri yix chi ix wamiy, ix ramtajnaq chwe, ix keje pacha i ya chi lik kb'ororik, xwiri kchaqijik.

JEREMÍAS 27:14

Mikoj taq retalil chke i profeta le chi kixkitunu re kiya ti iwib' pu'ab' i ajawinel aj pa Babilonia, man ni'pa i kkib'ij chiwe xa nuk'um tzij.

JEREMÍAS 27:15

I Ajwal kub'ij: Ire je utaqom tu b'ik; Ni'pa i tzij chi kkib'ij pub'i i Ajwal le, xa je are ike je nuk'uwnaq. Keje uri ile chi Ajwal pa k'isb'al re kixukichersaj nu b'i yix, lik junam kixkam na.”