JEREMÍAS 38:19 - Wuj Pa K'ubultzij

¹⁹ I ma Sedequías xub'ij: —Lik kinxij wib' chke aj Judío chi xe'ax ku' aj Caldea; we kintzaq pki'ab' ike le, lik qatzij kki'an ni uri k'ax chwe pacha kkaj ike.

JEREMÍAS 38:19 Referans Kwoze

Juan 12:42

Lik je k'i chke aj Judío xaq je k'i chke i nimaq kipatan xkikoj utzij i Jesús, xwiri ani'al chkiwach aj fariseo man kkixij kib' chke; man keje ile ke'elsax tu b'i pa ja re i molb'al ib' ke i judío.

JEREMÍAS 38:22

Konojel ni'pa ixoqib' chi kekanaj pa nim laj rachoch i ajawinel aj Judá lik ke'elsax na loq xaq kejach ni pki'ab' i je atzil re i ajawinel aj Babilonia, xaq ike kkib'ij na: “Konojel i je ramiy ajawinel chi lik je utz xkit'oro xaq lik xetiki che; xkiya che chi raqan lik xmuqtaj b'i chupam i xo'ol xaq lik xko'taj kanoq.”

ISAÍAS 57:11

¿Je pachin taq i dios le chi kaxij taq awib' chke xaq kakoj taq ki'ij, re kajikb'a ti ak'ux chwe yin, xaq lik re kinsach chak'ux? Yet are xakoj ti in-ij yin xinch'aw taj xaq xink'ut taj.

JEREMÍAS 39:9

Pa k'isb'al re, ma Nabuzaradán, aj-ok'al utzam i ajchajinelab' re i rachoch ajawinel, xeuk'am b'i winaq pa Babilonia chi k'a je kanijnaq te'eq xaq i jub'an chi xe'ax ku' aj Caldea; ke'eloq chi ronojel i tinimit xeuk'am b'ik.

1 Samuel 31:4

Rumali ma Saúl xub'ij che i kk'amaw b'i jalajuj taq uch'ich' re anb'al ch'oj: —Chawesaj li ach'ich' chi o uware k'ulala, chinakamsaj man keje ile kek'un ti i je itzel ti laj taq winaq le kinkikamsaj xaq kki'an ni ketz'b'al chwe. Xwiri i kk'amaw b'i jalajuj taq uch'ich' re anb'al ch'oj le xraj ti xukamsaj man lik kuxij rib'. Are uri ma Saúl xuk'am pan uch'ich' chi o uware k'ulala xuk'aq rib' puwi.

Proverbios 29:25

I xib'rikil chi o che i winaq chwach jun chik winaq ile xa jun tzaqsab'al, man ni'pa kkiya kik'ux che i Ajwal ketotaj na.

1 Samuel 15:24

Are uri ma Saúl xub'ij che ma Samuel: —Qatzij, yin xinmakunik, man xin-an taj wach kub'ij utaqanik i Ajwal, xaq wach taq i xab'ij yet chwe, man xinxij wib' chke i winaq, rumali xin-ano pacha xkib'ij ike chwe.

Jueces 16:25

Lik kekikotik rumali xkib'ij: Chik'ama li ma Sansón chqawach man kojetz'an pich' ru'. Rumali chi xkesaj li a Sansón prexil, lik xe'etz'an ru' xaq xkitak'b'a chuxol keb' aqan.

Jueces 9:54

Are uri ma Abimelec juntir xsik'in pan che i tol re, xub'ij che: Chawesaj li ach'ich' su' chinakamsaj, man kwaj taj chi kb'ixik jun ixoq xinkamsawik. Are uri i ajtol re xumin b'i uch'ich' che upam, xel k'a chel rij, keje ukamik ile.

JEREMÍAS 38:5

I ma Sedequías, chi ajawinel, xula' uwach chke: —Utzi', chi'ana ni'pa kiwaj u'anik che. Yin kixin-atij taj.

Job 31:34

rumal kinxij wib' chke i winaq, lik intz'apim ti wib' pa ja xaq in-anom ti ile chi kinch'aw taj, rumal kinxij wib' che we tzel kinkil i wachalal.

SEGUNDO LIBRO DE CR%D3NICAS 30:10

I je ajb'il tzij xe'e chub'ixkil i tzij pa jalajuj taq tinimit chi o prulew ma Efraín xaq prulew ma Manasés k'a xeupon pa tinimit Zabulón. Xwiri i winaq xa kekitze'ej xaq xa kekiyo'ya.

NEHEMÍAS 4:1

Are xretamaj ma Sanbalat chi kojtijin chuyijb'axik i tapial chi nim uwach, lik xpe jun nim laj roywal, are uri xujeq kiyo'yaxik aj Israel,

JEREMÍAS 20:7

Ajwal, yet xinat'oro, xaq yin xinya wib' chi xinat'oro, lik o acho'ab' man xattiki chwe. Ronojel ij lik in ajya'ol tzej; konojel is kinkiyo'ya.