JEREMÍAS 38:18 - Wuj Pa K'ubultzij

¹⁸ Xwiri we kajach ti awib' yet chke, i aj Caldea lik ketiki ni kan chuk'amik i nim laj tinimit, kkinak' ni a' che xaq yet kattotaj ti chik.”

JEREMÍAS 38:18 Referans Kwoze

JEREMÍAS 38:3

I Ajwal kub'ij: I tinimiti ktzaq ni pki'ab' i achiyab' chi je yij che ch'oj re i ajawinel aj Babilonia. Ire kuk'am na xaq lik mijun ktiki chrelsaxik pu'ab'.”

Ezequiel 12:13

Yin kink'aq ni ink'at puwi ire man keje ile ktzaq chupam. Kink'am nu b'i pa tinimit Babilonia, kulew aj Caldea, ulew chi ire kril ti uwach, man chila kkam wi.

JEREMÍAS 39:3

Xaq konojel i je rajpatan i ajawinel aj Babilonia xe'ok b'ik, xekub'i chila chwach uchija chi o pa nik'aj. Ike le, je ma Nergal-sarezer, ma Samgar-nebo, ma Sarsequim, jun nim laj aj-atzil, xaq i jun chik nim laj aj-atzil are ma Nergal-sarezer.

JEREMÍAS 38:23

I ma Jeremías xaq xub'ij chik che i ajawinel: —Konojel ni'pa ixoqib' xaq awak'al lik kejach ni pki'ab' aj Caldea, xaq yet, Nim laj Winaq, lik kattotaj ti pki'ab' ike, are k-antaj na, katjach ni pu'ab' ajawinel aj Babilonia, xaq kkinak' ni a' che i nim laj tinimit.

JEREMÍAS 37:8

Are uri i aj Caldea ketzalij chal chu'anik ch'oj chrij i tinimit Jerusalén, ketiki ni chuch'akik xaq kkinak' ni a' che.

2 Reyes 24:12

Are uri ma Joaquín, chi ajawinel aj Judá, junam ru' uchuch xaq i je rajpatan, je unimaqil xaq i achiyab' chi kul k'uxij chke, xkijach kib' pu'ab' i ajawinel aj Babilonia, chrijil chik ile i ajawinel le xeuk'am b'i prexil. Ile xuk'ulmaj che uwajxaqib' junab' rajawinik ma Nabucodonosor.

JEREMÍAS 21:10

Man yin inch'ob'om chik uk'amik li i utz taj puk'exel i utz puwi i nim laj tinimiti. Kinjach ni pu'ab' i ajawinel re i tinimit Babilonia, ire lik kunak' ni a' che. Yin in Ajwal, xinb'iw ile.

JEREMÍAS 27:8

We o jujun nimaq taq tinimit xaq we ajawinelab' chi kkiya ti kib' pu'ab' ma Nabucodonosor, Yin kinya ni utojb'alil pkiwi, ru' nimaq taq ch'oj, ru' wa'jal xaq ru' itzel laj taq yob'il, k'a kekanaj ni konojel pu'ab'. Yin in Ajwal, xinb'iw ile.

JEREMÍAS 39:8

Te'uri i aj Caldea xkinak' a' che i nim laj rachoch i ajawinel xaq chke i ja chi je o chila pa tinimit, xaq xkiwulijsaj i tapial re i Jerusalén.

Ezequiel 17:15

Xwiri uk'ojol i saqil laj ajawinel le xuqel i trat chi xki'an ru' i ajawinel re Babilonia xaq xeutaq b'i uwinaq chi je ajtaqon pa Egipto re kkitz'onoj uk'iyal taq kaway xaq uk'iyal taq achiyab'. ¿Kikoj yix ile chi chrijil ile kel chisaq xaq kuch'ij anmajik i kk'asi na? ¿Ktiki nawi jun che anmajik we kutz'aqatsaj ti utrat chi xu'ano?