JEREMÍAS 38:16 - Wuj Pa K'ubultzij

¹⁶ Xwiri i ma Sedequías, chi ajawinel, xub'ij jun tzij pub'i i Ajwal che ma Jeremías chi lik xwi ike keta'am: —Lik kinb'ij chawe pub'i i Ajwal, chi xyaw qak'aslemal, chi kintaq ti akamsaxik xaq katinjach ti pki'ab' i jub'an chi kkaj akamsaxik.

JEREMÍAS 38:16 Referans Kwoze

JEREMÍAS 37:17

I ma Sedequías chi ajawinel, xuya jun taqanik chi kkik'am b'i ma Jeremías pa nim laj rachoch i ajawinel, are xk'am b'i ma Jeremías chwach i ajawinel, i ajawinel le xani'al xutz'onoj che: —¿O nawi jun tzij kab'ij chi petnaq ru' i Ajwal? Are uri ma Jeremías xula' uwach: —Olik, are iri: Yet katjach ni pu'ab' i ajawinel re i Babilonia.

Juan 3:2

I ma Nicodemo le, x-e che i lapanik ru' i Jesús cha'ab', xub'ij che: —Tijonel, qeta'am chi at utaqom li i Dios chuk'utik chqe, man mijun ktiki chu'anik i nimaq taq il le we nti i Dios ru' —xcha.

ZACARÍAS 12:1

Iri are jun tzijonik re i Ajwal chrij i tinimit Israel. I Ajwal chi u'anom i kaj, xaq uya'om ukub'ib'al i ulew, xaq uya'om uk'aslemal i winaq, kub'ij:

ISAÍAS 57:16

Lik arewi taj kinkoj umak intinimit, xaq ronojel ti ij kinoywarik, man we kin-an ile chke i winaq chi je in-anom, kqaj kik'ux chinwach yin.

JEREMÍAS 34:20

Rumali, keinjach ni pu'ab' i ajch'oj chkij xaq ajkamsanel, xaq i kich'akul i kamnaq le kekitij nu b'i i k'uch xaq i itzel laj taq chikop.

NÚMEROS 27:16

—Ajwal Dios, yet chi kaya kik'aslemal konojel i winaq, chatzukuj jun aj-atzil chi kuk'am b'i b'e chkiwach atinimit, man keje ile xaipa ke'e wi, o jun ajk'amol b'e chkiwach man kekanaj ti uchij i Ajwal le pacha jub'an chij chi nti keok'awik.

NÚMEROS 16:22

Xwiri ma Moisés xaq ma Aarón le xexuki'ik, xkiqajsaj kipalaj k'a chwach ulew, xkib'ij: —¡Ajwal Dios! Yet chi kaya kik'aslemal konojel i winaq ¿Kpe b'a awoywal chke konojel i winaq xa rumal umak jun?

Hebreos 12:9

Are oj ch'utiq te'eq, i qaqajaw qachuch waral chwach i jyub' ta'aj, kojkijek'o suk'b'al qe; xaq lik kojkojon te'eq chke: ¿B'uchak uri kqaya ti qib' pu'ab' i Qaqajaw aj chikaj ru' wach kraj ku'an chqe? Kqariqb'ej re i qak'aslemal.

ISAÍAS 42:5

I Ajwal Dios, chi xwinaqirsaw i kaj xaq xurip b'i uwach, chi xyijb'aw ulew xaq ronojel ni'pa kek'iy chwach, chi kuya k'aslemal xaq kuxlab' ni'pa i winaq chi je o chwach, kub'ij che rajpatan:

ECLESIASTÉS 12:7

Chrijil chik ile i uk'aj ulew ktzalij chik che ulew pacha u'anom te ax wi, xaq i qanima ktzalij chik ru' i Dios chi are Ire yawnaq loq.

Hechos 17:25

Rajwaxik taj che we o taq kya' che rumal jun winaq, man are Ire kyaw kik'aslemal konojel ni'pa i winaq, kuya kuxlab' xaq ronojel ni'pa i b'iroxik.

Hechos 17:28

Man lik rumal i Dios o qak'aslemal, qab'inik xaq qa'olem chwach i jyub' ta'aj; pacha xkib'ij ajb'il chomiq taq tzij iwe yix: Oj umi'al ralk'uwal i Dios.