JEREMÍAS 38:14 - Wuj Pa K'ubultzij

¹⁴ I ma Sedequías, chi ajawinel, xutaq uk'amik ma Jeremías, chi profeta, chila che urox okb'al re rachoch i Ajwal. Chila i ajawinel xub'ij che: —Kin-an jun tz'onb'enik chawe, xaq kwaj chi kala' uwach chwe ru' saq laj tzij.

JEREMÍAS 38:14 Referans Kwoze

JEREMÍAS 37:17

I ma Sedequías chi ajawinel, xuya jun taqanik chi kkik'am b'i ma Jeremías pa nim laj rachoch i ajawinel, are xk'am b'i ma Jeremías chwach i ajawinel, i ajawinel le xani'al xutz'onoj che: —¿O nawi jun tzij kab'ij chi petnaq ru' i Ajwal? Are uri ma Jeremías xula' uwach: —Olik, are iri: Yet katjach ni pu'ab' i ajawinel re i Babilonia.

1 Reyes 22:16

Xwiri i ajawinel, chi ma Acab, xub'ij che: —¿Ni'pa mul rajwaxik kinb'ij ni chawe, chi lik pub'i Ajwal, kasaqij ni i saq laj tzij chwe?

JEREMÍAS 42:20

Yix lik ki'an jun nim laj makunik, man lik yix xib'ij chwe chi kinch'aw ru' Iwajwal Dios, xaq xib'ij chwe: Chatz'onoj k'iyal mul utzil che i Ajwal Dios pqawi yoj, xaq chaya retamaxik chqe ronojel ni'pa utaqanik ire, man keje ile kqa'an yoj.

SEGUNDO LIBRO DE CR%D3NICAS 18:15

Xwiri i ajawinel xub'ij che: ¿Ni'pa mul rajwaxik kinb'ij chawe chi xwi i saq laj tzij kab'ij ni chwe pub'i Ajwal?

2 Reyes 16:18

Xwi ta la ile, xaq re ukikotemal i ajawinel re Asiria, xresaj uwi i ja chi uyijb'am re i ij sábado xaq i nab'e uchija ipa kk'iji wi i ajawinel chi o chila prachoch i Ajwal.

1 Reyes 10:5

jel laj taq ti'b'alil chi o chwi umexa, ja ipa je o wi i jalajuj taq rajpatan, uwiqik kib' i rajchak ki'anom, i je ajya'ol uwa'al uva muqb'am xaq i porom sipon chi kusujuj prachoch i Dios; are uri lik xub'isoj,

JEREMÍAS 15:11

I ak'oqonik le, Ajwal, lik cha'antaj na, we utz ti u'anik inpatan in-anom. We intz'onom ti utz chawe pkiwi i ajch'oj chwij, are je o te'eq chupam i uyej xaq i k'ax.

2 Samuel 14:18

Are uri i ajawinel xub'ij che i ixoq: —Cha'ana utzil chwe chi mawuwaj uwach jun tzij chi kintz'onoj chawe. I ixoq xub'ij che: —Chatch'awoq, Nim laj Winaq.