JEREMÍAS 38:13 - Wuj Pa K'ubultzij

¹³ Keje u'anik uri ile chi achiyab' xkik'aq b'i laso pa jul, are uri xkesaj li ma Jeremías chila. Chrijil chik ile i ma Jeremías xkanaj kan chwaja ipa je o wi ajchajinelab'.

JEREMÍAS 38:13 Referans Kwoze

JEREMÍAS 37:21

Are uri i ajawinel, chi ma Sedequías, xub'ij chi ma Jeremías kkanaj prexil chwaja ipa je o wi ajchajinelab' xaq ij ij kkik'am b'i jun ukaxlanwa chi kek'am chila che i b'e ke i aj-anol kaxlanwa. Keje iri x-antaj na tz'aqat lik o kaxlanwa pa tinimit le. Keje uri ile chi ma Jeremías xkanaj kan chwaja ipa je o wi i ajchajinelab'.

Hechos 28:30

I ma Pablo xkanaj kan keb' junab' chila ipa utojom wi uposar, chila xeuk'ulaj wi ru' ni'pa i xeupon chusolixik.

Hechos 28:16

Are xojupon pa Roma, xya' che ma Pablo chi kk'iji che jun chik k'ijib'al junam taj ku' i rachi'il xaq xa jun achi chi yij che i ch'oj xchajiwik.

Hechos 23:35

are uri xub'ij che: —K'a te katinta na are kek'un i kekojow amak. Te'uri xutaq uchajixik ma Pablo chila pa nim laj rachoch ma Herodes.

JEREMÍAS 38:28

I ma Jeremías xkanaj kan chwaja ipa je o wi i chajinelab' k'a che i ij chi xk'am kan i Jerusalén.

JEREMÍAS 38:6

Are uri ike xkichap ma Jeremías, xkiya chupam i k'otom chaqij upam re ma Malquías, chi uk'ojol i ajawinel, chi o chila chwaja ipa je o wi i chajinelab'. Xkiqajsaj ru' jun laso nim upam chupam i k'otom, nti ya chupam, xa xo'ol upam, rumali chi ma Jeremías xmuqtaj b'i chupam.

1 Reyes 22:27

Chib'ij chke chi yin xintaq uya'ik prexil, mkiya k'i uwa lejom re trigo, xaq mkiya k'i uya', k'a kintzalij na li yin we to' utz inwach xaq we nti xink'ulmaj.

Hechos 24:27

Keb' junab' chik xik'awik chi ma Félix aj-ok'al utzam i jalajuj taq tinimit; te'uri xel che upatan, xok i ma Porcio Festo puk'exel. Xwiri i ma Félix kraj chi lik utz kkanaj chkiwach i aj Judío, rumali chi are xel che upatan xukanaj kan ma Pablo prexil.

NEHEMÍAS 3:25

Chrijil chik ire le, ma Palal, chi uk'ojol ma Uzai, xuyijb'a i tapial chi o chwach i ko'kik xaq i nim laj ja tak'tik chi o chwach i nim laj rachoch i ajawinel, chila chwaja ipa o wi ajchajinel. I juperaj chik xuyijb'a ma Pedaías, chi uk'ojol ma Faros,

JEREMÍAS 26:16

Are uri i je aj-atzil xaq i winaq xkib'ij chke i je ajsujul sipon, xaq chke i profeta “Nti puwi kqakamsaj i achi ri, man ni'pa i xub'ij chqe, are i Qajwal Dios b'iwnaq che.”

JEREMÍAS 32:2

Che taq i ij le i achiyab' chi je yij che i ch'oj re i ajawinel re i tinimit Babilonia ketijin chu'anik ch'oj chkij i winaq aj Jerusalén; ma Jeremías, chi profeta, tz'apim chwaja ipa je o wi i chajinelab' chila pa nim laj rachoch i ajawinel.

JEREMÍAS 38:12

xaq xub'ij che: —Chawik'awsaj i k'ul le chuxol taq ateleb' man keje ile k-on ti k'ax chawe. I ma Jeremías keje ile xu'ano.

GÉNESIS 37:28

Are xeik'aw i ajyakol k'ayij chi je aj Madián are uri xkesaj li a José chupam i k'otom xkik'ayij b'i chke, juwinaq saqpwaq xkiya wi b'ik. Keje uk'amik b'i a José ile chila pa Egipto.

Proverbios 29:10

I ajkamsanel laj taq winaq chi xaq lik utz ti kik'ux, ktitat kipam chke i utz laj taq winaq, lik kkirayij kikamik i suk'ul laj taq winaq.

Lamentaciones 3:58

Yet, Ajwal, kinato chwach urayijb'al ink'ux, Yet lik kato ink'aslemal!