JEREMÍAS 38:10 - Wuj Pa K'ubultzij

¹⁰ Are uri i ajawinel xuya jun taqanik che ma Ebed-melec, chi keuk'am lajuj juwinaq (30) achiyab' re kkesaj li ma Jeremías chupam i k'otom chaqij, tz'aqat k'amaja kkam ma Jeremías.

JEREMÍAS 38:10 Referans Kwoze

Proverbios 21:1

Unojb'al i ajawinel pu'ab' i Ajwal, keje pacha i raqana, chi lik are ku'ano pacha kraj i Ajwal.

Salmos 75:10

man Ire kuqajsaj ni ki'ij i itzel laj taq winaq, xwiri kunimarsaj ni ucho'ab' i utz laj winaq.

Ester 8:7

Are uri ma Asuero chi ajawinel, xub'ij che ati ajawinel Ester, xaq che ma Mardoqueo chi aj Israel: Yin xinya i rachoch ma Amán che ati Ester, i ma Amán le, xintaq utzayb'axik che i jitz'b'al man rumal xuch'ob' kikamsaxik aj Israel.

Ester 5:2

I ajawinel are xril ati Ester chila chwaja che i rachoch, lik xkikot ru' xaq xuyak an uch'amiy an-o'oj chi rok'am pu'ab'. Are uri xtejeb' pan ati Ester xaq xuyin utzam uch'amiy i ajawinel,

JEREMÍAS 38:7

Jun achi aj Etiopía, ma Ebed-melec ub'i, chi lik are jun achi chi kul k'uxij che pa nim laj rachoch i ajawinel, xuta chi k'aqtal ma Jeremías chupam i k'otom chaqij. Che taq i ij le i ajawinel o pa molb'al ib' chila che uchija re ma Benjamín.

JEREMÍAS 38:9

—Nim laj ajawinel, i achiyab' le lik utz ti xki'an che ma Jeremías. Man xkimin chupam jun k'otom chaqij, xaq chila kkam ni rumal i numik man nti chik wa re trigo pa nim laj tinimit.

JEREMÍAS 38:11

I ma Ebed-melec xeuk'am b'i i achiyab' ru', xe'e chila ipa kk'ol wi i k'ul pa nim laj rachoch i ajawinel, are uri xuk'am keb' oxib' k'ul chi el chik, xuqajsaj b'i che ma Jeremías ru' laso chupam i k'otom chaqij,