JEREMÍAS 37:15 - Wuj Pa K'ubultzij

¹⁵ Are uri ike le lik xmi' koywal che ma Jeremías xaq xkitaq u'anik k'ax che xaq xkitz'apij chila chi rachoch ma Jonatán, chi ajtz'ib'anel re anoj, i k'ijib'al le ki'anom kik'ijib'al ajprex che.

JEREMÍAS 37:15 Referans Kwoze

JEREMÍAS 38:26

Xwiri yet chab'ij chke chi xa kattijin chub'ixkil chwe chi katintaq ti chub'i chi rachoch ma Jonatán man keje ile katkam ti chila.

Hechos 5:18

rumali xekichap i apostolab' le xaq xekimin prexil.

Mateo 21:35

Are xeupon i mokom, xekichapo. I jun, xkich'ayo; i jun chik, xkikamsaj; i jun chik, xkikoj ab'aj che.

JEREMÍAS 26:16

Are uri i je aj-atzil xaq i winaq xkib'ij chke i je ajsujul sipon, xaq chke i profeta “Nti puwi kqakamsaj i achi ri, man ni'pa i xub'ij chqe, are i Qajwal Dios b'iwnaq che.”

SEGUNDO LIBRO DE CR%D3NICAS 18:26

Chib'ij chke chi yin kintaq uminik prexil, xa jub'i' uwa xaq xa jub'i' uya' chkiya che k'a kintzalij na li yin we to' utz inwach nti kink'ulmaj.

SEGUNDO LIBRO DE CR%D3NICAS 16:10

Are uri i ma Asa lik xpe roywal che i profeta, rumali xutaq uminik prexil. Xaq che taq i ij le lik x-on k'ax chke jujun winaq aj chila pa tinimit.

GÉNESIS 39:20

Rumali xuchap a José, xutaq uminik prexil chila ipa je utz'apim wi jujun ajprex re i ajawinel, keje u'enam a José ile prexil.

Apocalipsis 2:10

Maxij awib' che i k'ax chi kpe ni pawi, man o ni jujun chiwe yix, kixumin ni Itzel prexil; man kraj ire chi iwonojel kixtzaq chupam i tzaqsab'al. Chi lajuj ij kitij ni uyej, xwiri miniwo'taj tupu kixkamsaxik. We keje ile ki'ano, kinya ni sipon chiwe, chi are i k'aslemal saqil.

Hechos 5:40

Rumali xekisik'ij i apostolab', xkiya kilo'xik xaq xkib'ij chke chi lik chkimayij ulapik utzij i Jesús; te'uri xeko'taj b'ik.

Hechos 5:28

Yoj lik qab'im chik chiwe chi lik kimayij ulapik i Jesús le, i yix xiqelo, xwiri xa ne xixok che i k'utunik chke konojel i winaq aj Jerusalén. Xwi ta la ile xaq kiwaj ne u'ab'axik ukamik i achi le chqij yoj.

Juan 18:22

Are xb'itaj ile rumal i Jesús, are uri jun chke i ajchajinelab' re i rachoch i Dios xuxa' jun ab' che upalaj i Jesús xaq xub'ij che: —¿Keje ula'ik uwach ile ka'an che i atz laj rajpatan i Dios?

Lucas 22:64

Xkitz'apij uwach ru' k'ul xaq xkich'ay chupalaj. Te'uri xkitz'onoj che: —Chab'ij chqe pachin xatch'ayawik.

Mateo 23:34

Keintaq nu b'i i profeta iwu', keintaq b'i o kino'oj, xaq i tijonelab' keintaq b'i iwu'. Yix kikamsaj ni jujun chke, xaq o jujun keikamsaj chwach i krus, xaq o jujun chik ki'an ni k'ax chke pa taq ja re molb'al ib' ke i judío, xaq o jujun chik keiwoqtaj, kixuxlan ti chi koqtaxik pa taq tinimit.

JEREMÍAS 38:6

Are uri ike xkichap ma Jeremías, xkiya chupam i k'otom chaqij upam re ma Malquías, chi uk'ojol i ajawinel, chi o chila chwaja ipa je o wi i chajinelab'. Xkiqajsaj ru' jun laso nim upam chupam i k'otom, nti ya chupam, xa xo'ol upam, rumali chi ma Jeremías xmuqtaj b'i chupam.

JEREMÍAS 37:20

Wo'or chinata na, Nim laj Winaq, xaq chaya ni urayijb'al ink'ux chi kintz'onoj ni chawe: Maya chik chi kink'am b'i chi rachoch ma Jonatán, chi ajtz'ib'anel re anoj, moqxa kinkam taq chila.

JEREMÍAS 18:23

Xwiri yet, Ajwal, aweta'am ronojel ni'pa kich'ob'om u'anik kamsab'al we. ¡Lik makuy i mak atzalal chi ki'anom. Xaq lik msach i kimak chak'ux! ¡Cha'ana chke chi ketzaq chawach xaq chaya utojb'alil chke ru' awoywal!

JEREMÍAS 37:4

I ma Jeremías k'amaja kk'am b'i prexil, rumali chi k'a kmalkat chkixol i winaq pa tinimit.

JEREMÍAS 32:2

Che taq i ij le i achiyab' chi je yij che i ch'oj re i ajawinel re i tinimit Babilonia ketijin chu'anik ch'oj chkij i winaq aj Jerusalén; ma Jeremías, chi profeta, tz'apim chwaja ipa je o wi i chajinelab' chila pa nim laj rachoch i ajawinel.

JEREMÍAS 39:15

Are k'a tz'apil te'eq ma Jeremías chwaja ipa je o wi i ajchajinelab', i Ajwal xlapan ru', xub'ij che: