JEREMÍAS 37:13 - Wuj Pa K'ubultzij

¹³ Xwiri are xupon chwach Uchija ru' ma Benjamín, o jun achi ma Irías ub'i, uk'ojol ma Selemías, umuq uxikin ma Hananías, chi are aj-atzil ke ajchajinelab', xuchap ma Jeremías xaq xub'ij che: —¡Yet ka'an aj Caldea che awib'!

JEREMÍAS 37:13 Referans Kwoze

ZACARÍAS 14:10

Ronojel uwach ulew kkanaj na lik uwata'aj, kjeqan li pa Geba k'a pa Rimón, pa wiqab' re i tinimit Jerusalén. I Jerusalén lik nim ni u'ij, lik kejeqi ni winaq chupam che i k'ijib'al le, kjeqan b'i che uchija re i Benjamín k'a che Uch'uk chik jun Uchija, ipa te o wi Uchija Ujer, xaq kjeqan b'i k'a che i ja tak'taq re i Hananeel k'a ipa kyitz' wi aceite re i ajawinel.

JEREMÍAS 38:7

Jun achi aj Etiopía, ma Ebed-melec ub'i, chi lik are jun achi chi kul k'uxij che pa nim laj rachoch i ajawinel, xuta chi k'aqtal ma Jeremías chupam i k'otom chaqij. Che taq i ij le i ajawinel o pa molb'al ib' chila che uchija re ma Benjamín.

Hechos 24:13

I winaqi ketiki ti chu'aljinsaxik we qatzij in-anom taq inmak pacha kkib'ij.

Hechos 6:11

Rumali xkitoj jub'an ajnuk'ul tzij chrij ma Esteban, chub'ixkil chi xkita i ma Esteban le chi k'ax kch'aw chrij i mam Moisés xaq chrij i Dios.

Lucas 23:2

Are o chik chila xkijeq ukojik umak; xkib'ij: —Qariqom i achi ri, chi ktijin chkitunik i qach aj tinimit. Ub'im chi kqatoj ti alkawal che i ma César. Kub'ij chi are ire Cristo xaq kub'ij chi are ire Ajawinel —xecha.

JEREMÍAS 38:1

I ma Sefatías, uk'ojol ma Matán, ma Gedalías, uk'ojol ma Pasur, ma Jucal, uk'ojol ma Selemías, ma Pasur uk'ojol ma Malquías, xkita utzijonik ma Jeremías are xub'ij i tziji chke i tinimit:

JEREMÍAS 21:9

I jun chi kkanaj kan pa nim laj tinimiti kkam ni pa ch'oj, we ntaj rumal wa'jal kekam ni che numik, xaq we ntaj rumal i itzel laj yob'il. Xwiri i jun chi kel loq xaq kujach rib' chke aj Caldea chi ketijin chu'anik ch'oj chrij i nim laj tinimit, kkam ti uri; ktiki ni uri chuto'ik uk'aslemal.

JEREMÍAS 20:10

Keinta i winaq chi kkib'ij: “¡Lik o xib'in ib' re i kamik xaipa!” Xaq kkib'ij: “¡Chixpetoq, jo chukojik umak!” Kecha. Xaq keje ne wamiy kkaj ike chi kintzaqik, kkib'ij: Moqxa kt'ortajik, are uri yoj kojtiki che, xaq kqa'an ni uk'exel che pacha u'anom ire chqe.

JEREMÍAS 18:18

I winaq xkib'ij: “Kqa'an jun ch'ob'onik re jun anik, re sachb'al uwach ma Jeremías. Lik keramtaj ti ajsujul sipon chi kojkinawsaj, xaq keramtaj ti o kino'oj chi kojkipixb'aj, xaq keramtaj ti i profeta chi kkib'ij utzij i Dios chqe. Chqatzukuj umak man keje ile kkamsaxik. Lik mqakoj retalil che wach taq kub'ij.”

2 Corintios 6:8

Olik koksax qa'ij; olik xa kqajsax qa'ij. O i utz kech'aw chqij, xaq je o i k'ax kech'aw chqij. Tupu kqab'ij i saq laj tzij xwiri kkib'ij chqe chi oj t'oronel.

AMÓS 7:10

Ma Amasías, ajsujul sipon re i Betel, xutaq ub'ixkil che ma Jeroboam, ajawinel re Israel: “Ma Amós kb'in chkixol i winaq aj Israel, kutzukuj tzij chawij yet, Nim laj Winaq. I tinimit ya xrix uk'ux chutayik wach kub'ij, kraj ti chik utayik utzij.

JEREMÍAS 38:4

Are uri i ajpatanib' xkib'ij che i ajawinel: —Rajwaxik chi kkamsax i achi ri, man ru' i utzij lik kuqajsaj ki'ij achiyab' chi je yij che i ch'oj chi k'a je kanajnaq kan pa nim laj tinimit, xaq kuqajsaj ki'ij konojel i winaq. I achi le kutzukuj ti chomb'al ib' re i tinimit, xa ch'oj kutzukuj.

JEREMÍAS 36:12

Te'uri x-e pa nim laj rachoch i ajawinel, pa ja ipa o wi i ajtz'ib'anel re anoj, ipa kimolom wi kib' konojel ni'pa i nimaq taq ajpatanib', ma Elisama, chi ajtz'ib'anel re anoj, Delaía chi uk'ojol ma Semaías, ma Elnatán, chi uk'ojol ma Acbor; ma Gemarías chi uk'ojol ma Safán; ma Sedequías chi uk'ojol ma Hananías xaq jub'an chik ajpatanib'.

JEREMÍAS 28:14

Man yin, chi in Ajwal, chi ronojel kintiki che, chi ki-Dios aj Israel, kinb'ij iri: Inkojom pacha jun yuku ch'ich' chkiqul konojel i winaq, man keje ile i winaq chi je o pa k'ax rumal i ma Nabucodonosor, chi ajawinel re i tinimit Babilonia. Xaq chikop aj pa taq es je inya'om pu'ab'.”

JEREMÍAS 27:6

B'ay, yin inya'om ronojel ni'pa ulew pu'ab' wajpatan ma Nabucodonosor, ajawinel re i tinimit Babilonia, xaq je inya'om ne ni'pa chikop aj pa taq es pu'ab'.

JEREMÍAS 20:2

Are uri ma Pasur le xutaq u'anik k'ax che ma Jeremías xaq xutaq uya'ik pa che' chi o chila chwach Uchija Naj Rij re ma Benjamín chi o ajsik, chi o naqaj che rachoch i Ajwal.

Lamentaciones 4:18

Lik kik'ak'alim ipa kojb'in wi; rumali koj-el ti chik xol taq b'e. I uk'isik i qak'aslemal lik naj ti chik o wi, lik ya xuriq u'oril chqij; ¡Lik ya xk'is i ij re i qak'aslemal!