JEREMÍAS 36:4 - Wuj Pa K'ubultzij

⁴ Are uri ma Jeremías, xusik'ij ma Baruc, chi uk'ojol ma Nerías, xub'ij ronojel che ni'pa xb'ix che rumal i Ajwal, i ma Baruc xutz'ib'aj chupam i b'orom tz'um.

JEREMÍAS 36:4 Referans Kwoze

JEREMÍAS 32:12

Te'uri xinya che ma Baruc, uk'ojol ma Nerías, chi ri umam ma Maasías, lik chwach i ma Hanameel, chi rak'al i wikan, xaq chkiwach i ajsaqinel tzij chi xki'an i juch' chwach i uwujil i ulew, xaq chkiwach konojel i aj Judío chi je kul chila chwaja ipa je o wi i chajinelab'.

Ezequiel 2:9

Are uri xwil jun ab'aj ripan b'ik pusuk' pa in o wi yin chi uchapom jun b'orom tz'um chi o tzib' chupam.

JEREMÍAS 36:32

Are uri ma Jeremías xuk'am chik jun b'orom tz'um, xaq xuya che ma Baruc chi rajtz'ib', xutz'ib'aj ronojel wach xub'ij ire che, ke'eloq chi kutz'ib'aj ronojel wach utz'ib'am te'eq chupam i b'orom tz'um chi xuk'at ma ajawinel Joacim. Ma Jeremías xuya b'i uwi i tzij chi laj xaqjun ke'eloq.

JEREMÍAS 43:3

Xa are ma Baruc, chi uk'ojol ma Nerías, katumin chupam chi tzel kojawilo man keje ile kojaya pki'ab' aj Caldea, re kojkik'am b'i pa Babilonia o xaq re kojkikamsaj.”

Romanos 16:22

Yin in ma Tercio chi xintz'ib'aj i wuji re i ma Pablo; xaq yin kinya pan rutzil iwach pub'i i Ajwal.

ZACARÍAS 5:1

Xwil tan chik jun ilanik pa wachij. Xwil jun b'orom tz'um chi o tz'ib' chwach, chi ksayay pa tew.

JEREMÍAS 36:28

“Chak'ama chik jun b'orom tz'um xaq chatz'ib'aj chik chupam ronojel wach atz'ib'am te'eq chupam i nab'e, chi xuk'at ma Joacim, ajawinel re i Judá.

JEREMÍAS 36:26

Are xu'ano, xutaq ma Jerameel, chi lik rak'al i ajawinel, ma Seraías, chi uk'ojol ma Azriel, ma Selemías, chi uk'ojol ma Abdeel, chi kkimin i profeta ma Jeremías prexil, xaq i ma Baruc chi rajtz'ib'. Xwiri ike xeuwax rumal i Ajwal.

JEREMÍAS 36:23

I ma Jehudí are kutzin chrajlaxik keb' o oxib' lemaj, i ajawinel le ku'at ru' jun kuchil, te'uri kuk'aq pan pa a' yab'al a'al chi kwon a' che. Keje xu'an ile k'a xuk'is nu b'i ronojel i b'orom tz'um.

JEREMÍAS 36:21

I ajawinel xutaq ma Jehudí chuk'amik i b'orom tz'um pa ja ru' ma Elisama, chi ajtz'ib'anel re anoj, are ya xuk'am li ma Jehudí, xrajlaj uwach chwach i ajawinel, xaq chkiwach konojel i nimaq taq ajpatanib' chi kisutim rij.

ISAÍAS 8:1

I Ajwal xub'ij chwe: “Chak'ama jun tz'alam nim xaq chatz'ib'aj chwach ru' i tz'ib' chi k-iltaj ub'e: Maher-salal-hasbaz.

JEREMÍAS 25:13

Kin-an na chi ktzaq puwi i nim laj tinimit le ronojel ni'pa inb'im xaq ni'pa tz'ib'tal chupam i wuji, xaq ronojel ni'pa ub'im ma Jeremías pinb'i yin chkij i nimaq taq tinimit.

JEREMÍAS 30:2

“I Ajwal, chi ki-Dios aj Israel, keje iri kub'ij: Chatz'ib'aj chupam jun wuj ipa kub'ij wi ronojel ni'pa inb'im chawe.

JEREMÍAS 36:6

Rumali, yet jat che i ij chi knaqajab'ik re kmayix wa'im rumal utz'onoxik che i Dios, xaq chawajlaj i b'orom tz'um, chi xinb'ij chawe chi katz'ib'aj, man keje ile i tinimit xaq konojel i winaq re i nim laj tinimit Judá, chi xek'un waral, chkita ni utzij i Ajwal.

JEREMÍAS 36:14

I ajpatanib' xkitaq b'i ma Jehudí, chi uk'ojol ma Netanías, ri umam ma Selemías xaq uxikin ma Cusi, chub'ixkil che ma Baruc chi chuk'ama b'i i b'orom tz'um chke chi xrajlaj chkiwach i winaq re i tinimit. Are uri ma Baruc xuk'am pan i b'orom tz'um xuk'ut chke,

JEREMÍAS 36:27

Chrijil chik uk'atik i b'orom tz'um rumal i ajawinel, chi o i tzij chupam chi ma Jeremías utaqom ma Baruc chutz'ib'axik, i Ajwal xlapan ru' ma Jeremías, xub'ij che:

JEREMÍAS 51:59

Che ukaj junab' re rajawinik ma Sedequías, ajawinel re Judá, i profeta ma Jeremías xuya jun tzijonik che ma Seraías, chi uk'ojol ma Nerías xaq ri umam ma Maasías. Ma Seraías rachi'ilam b'i ajawinel ma Sedequías che u'enam pa tinimit Babilonia, chi o chuqul kuyijb'a ipa kwar wi i ajawinel.

JEREMÍAS 51:60

I ma Jeremías utz'ib'am te'eq jun tzijonik chupam jun wuj chrij ronojel i k'ax chi kpe puwi i tinimit Babilonia, chi are ronojel ni'pa tzib'tal chrij i tinimit.

Daniel 7:1

Che jun a'ab', re nab'e junab' re rajawinik ma Belsasar pa Babilonia, a Daniel xu'an jun achik' xaq o xril puwach. Are xk'un saq chwach, xutz'ib'aj ni'pa taq i o rajwaxik che chi xrachik'aj. Are iri xutz'ib'aj:

ISAÍAS 30:8

Chatpet wo'or xaq cholatz'ib'aj chwach jun tz'alam xaq chupam jun b'orom tz'um man kkanaj kan chila ronojel ij saq pacha jun kuxtab'al chi ksach ti uwach.