JEREMÍAS 36:19 - Wuj Pa K'ubultzij

¹⁹ Te'uri xkib'ij che ma Baruc: —¡Wo'or, yet xaq ma Jeremías jix chiwuwaj iwib', xaq lik mijun kretamaj ipa kixk'iji wi!

JEREMÍAS 36:19 Referans Kwoze

1 Reyes 17:3

“Chatel waral, jat prelb'al ij, chawuwaj awib' chila ipa o wi i raqana Querit, chi o prelb'al ij che i raqana Jordán.

JEREMÍAS 36:26

Are xu'ano, xutaq ma Jerameel, chi lik rak'al i ajawinel, ma Seraías, chi uk'ojol ma Azriel, ma Selemías, chi uk'ojol ma Abdeel, chi kkimin i profeta ma Jeremías prexil, xaq i ma Baruc chi rajtz'ib'. Xwiri ike xeuwax rumal i Ajwal.

1 Reyes 18:10

Lik pub'i i Awajwal Dios kinb'ij, chi lik nti jun tinimit xaq jun k'ijib'al we i ajawinel utaqom ti atzukuxik; are kkib'ij chi at nti chila, i ajawinel lik ku'an chke chi kkib'ij pub'i i Dios we lik saq laj tzij xatkiriq taj.

1 Reyes 18:4

Xuk'ulmaj, are chi ati Jezabel xujeq kikamsaxik i profeta, are uri ma Abdías le xumol kichi' jo'winaq (100) profeta, xaq xeruwaj chupam keb' pek, xu'on keb' tzob'aj chke, lajuj kawinaq (50) xeuya chupam jun pek, i lajuj kawinaq (50) chik chupam jun chik, xaq xuya kiwa xaq kiya'.

Hechos 5:40

Rumali xekisik'ij i apostolab', xkiya kilo'xik xaq xkib'ij chke chi lik chkimayij ulapik utzij i Jesús; te'uri xeko'taj b'ik.

Lucas 13:31

Che i ij le, xeupon jujun aj fariseo ru' i Jesús, xaq xkib'ij che: —Chat-el b'i chi man i ma Herodes kraj katukamsaj.

AMÓS 7:12

Te'uri, ma Amasías xuya i taqaniki che ma Amós: —¡Chatel b'i waral, profeta! We kawaj kach'ak ak'aslemal rumal ub'ixkil utzij i Dios, jat pa Judá;

Proverbios 28:12

I utz laj taq winaq are kech'akanik, k-an jun nim laj nima'ij chke; xwiri are kech'akan i je utz ti laj taq winaq, konojel i winaq kkuwaj kib'.

SEGUNDO LIBRO DE CR%D3NICAS 25:15

I Ajwal lik xpe roywal che ma Amasías, rumali xutaq b'i jun profeta ru' chub'ixkil che: —¿B'uchak xamol kichi' i jalajuj taq tiox re jun nim laj tinimit xaq xakoj ki'ij chi xetiki ti chuto'ik kiwinaq are xa'an ch'oj chkij?

JEREMÍAS 26:16

Are uri i je aj-atzil xaq i winaq xkib'ij chke i je ajsujul sipon, xaq chke i profeta “Nti puwi kqakamsaj i achi ri, man ni'pa i xub'ij chqe, are i Qajwal Dios b'iwnaq che.”