Biblia Todo Logo
Bib sou entènèt

- Piblisite -




JEREMÍAS 34:3 - Wuj Pa K'ubultzij

3 Yet lik kattiki ti chrelsaxik awib' pu'ab'; katkichap na xaq katkijach ni pu'ab' ire, chrijil chik ak'amik b'ik chwach ire, te'uri katkik'am b'i pa Babilonia.

Gade chapit la Kopi




JEREMÍAS 34:3
18 Referans Kwoze  

xaq i ajawinel ma Sedequías lik ktotaj ti chik pki'ab' aj Caldea man ktzaq ni pu'ab' i ajawinel re i Babilonia xaq lik keuk'utu ni rib' chwach.


Te'uri kinjach ni ma Sedequías, chi ajawinel re i tinimit Judá, pu'ab' ma Nabucodonosor, xaq pki'ab' i jub'an chik ajch'oj chrij, junam ku' i kaj-atzil, xaq i je ajch'oj xaq i winaq chi xek'asi kan pa nim laj tinimit chrijil chik itzel laj yob'il, chrijil chik i ch'oj xaq chrijil chik i wa'jal. Yin kin-an na chi kekamsax ru' ch'ich' chi k'ulala o uware, chi lik k-il ti pich' tob'al kiwach. Yin in Ajwal, xinb'iw ile.


Xaq kin-an na chi ma Sedequías, chi ajawinel re i tinimit Judá, xaq i je rajpatanib' ketzaq ni pki'ab' i ajch'oj chi kekamsanik, xaq ktzaq ni pki'ab' i achiyab' chi je yij che i ch'oj re i ajawinel aj pa Babilonia, chi wo'or nti ch'oj kki'an chkij.


Yet, ajawinel re Israel, chi lik at itzel laj ajkamsanel, ya kk'un i ij chi kya' i k'isb'al utojb'alil chawe.


Yin kink'aq ni ink'at puwi ire man keje ile ktzaq chupam. Kink'am nu b'i pa tinimit Babilonia, kulew aj Caldea, ulew chi ire kril ti uwach, man chila kkam wi.


Xwiri we kajach ti awib' yet chke, i aj Caldea lik ketiki ni kan chuk'amik i nim laj tinimit, kkinak' ni a' che xaq yet kattotaj ti chik.”


I ma Sedequías chi ajawinel, xuya jun taqanik chi kkik'am b'i ma Jeremías pa nim laj rachoch i ajawinel, are xk'am b'i ma Jeremías chwach i ajawinel, i ajawinel le xani'al xutz'onoj che: —¿O nawi jun tzij kab'ij chi petnaq ru' i Ajwal? Are uri ma Jeremías xula' uwach: —Olik, are iri: Yet katjach ni pu'ab' i ajawinel re i Babilonia.


Kekik'am nu b'i pa Babilonia, kekanaj ni chila, k'a kinch'ob' ni yin junpa keink'am chali che i k'ijib'ali. Yin in Ajwal, xinb'iw ile.


I ajawinel ma Sedequías xutaq utz'apixik ma Jeremías, rumal xub'ij: I Ajwal keje iri kub'ij: “Kin-an na chi i tinimiti ktzaq ni pu'ab' i ajawinel re i tinimit Babilonia,


Rumali chi Yin kinb'ij chawe: Kin-an na chi i nim laj tinimiti ktzaq ni pu'ab' ma Nabucodonosor, ajawinel re i Babilonia xaq ke aj Caldea.


Xwiri, chata pe', ma Sedequías, ajawinel re i tinimit Judá, Yin, chi in Ajwal, kinb'ij chawe: Ru' ti ch'ich' k'ulala o uware katkamsax wi.


Xwiri uk'ojol i saqil laj ajawinel le xuqel i trat chi xki'an ru' i ajawinel re Babilonia xaq xeutaq b'i uwinaq chi je ajtaqon pa Egipto re kkitz'onoj uk'iyal taq kaway xaq uk'iyal taq achiyab'. ¿Kikoj yix ile chi chrijil ile kel chisaq xaq kuch'ij anmajik i kk'asi na? ¿Ktiki nawi jun che anmajik we kutz'aqatsaj ti utrat chi xu'ano?


I ma Jeremías xaq xub'ij chik che i ajawinel: —Konojel ni'pa ixoqib' xaq awak'al lik kejach ni pki'ab' aj Caldea, xaq yet, Nim laj Winaq, lik kattotaj ti pki'ab' ike, are k-antaj na, katjach ni pu'ab' ajawinel aj Babilonia, xaq kkinak' ni a' che i nim laj tinimit.


Yin in Ajwal, kinsaqij pub'i ink'aslemal, chi kkam ni pa Babilonia i jun chi xuyo'ya inkuxtanik puwi intzij xaq xu'an taj pacha kub'ij i trat chi xu'an ru' i ajawinel chi xukub'a pa kub'ib'al chi o u'ij.


Swiv nou:

Piblisite


Piblisite