JEREMÍAS 34:21 - Wuj Pa K'ubultzij

²¹ Xaq kin-an na chi ma Sedequías, chi ajawinel re i tinimit Judá, xaq i je rajpatanib' ketzaq ni pki'ab' i ajch'oj chi kekamsanik, xaq ktzaq ni pki'ab' i achiyab' chi je yij che i ch'oj re i ajawinel aj pa Babilonia, chi wo'or nti ch'oj kki'an chkij.

JEREMÍAS 34:21 Referans Kwoze

Ezequiel 17:16

Yin in Ajwal, kinsaqij pub'i ink'aslemal, chi kkam ni pa Babilonia i jun chi xuyo'ya inkuxtanik puwi intzij xaq xu'an taj pacha kub'ij i trat chi xu'an ru' i ajawinel chi xukub'a pa kub'ib'al chi o u'ij.

JEREMÍAS 52:10

Lik chwach i ma Sedequías are xutaq uworik pkiqul i rak'al xaq keje ile xu'an chke konojel i utz laj taq winaq chi o ki'ij chila Judá.

Lamentaciones 4:20

Lik xtzaq prexil i jun chi u'ulum i Ajwal, chi are kuya te'eq quxlab' re qak'aslemal, are i ajawinel chi xqab'ij te'eq chiwe: “Chi lik che umujal kojtotaj wi chkixol i tinimit.”

JEREMÍAS 32:4

xaq i ajawinel ma Sedequías lik ktotaj ti chik pki'ab' aj Caldea man ktzaq ni pu'ab' i ajawinel re i Babilonia xaq lik keuk'utu ni rib' chwach.

2 Reyes 25:6

I aj Caldea xkichap i ajawinel ma Sedequías, te'uri xkik'am b'i chwach i ajawinel aj Babilonia, chi o te chila pa tinimit Ribla, chi ukwenta ulew Hamat. Chila ma Nabucodonosor xub'ij wach utojb'alil kya' che ma Sedequías.

JEREMÍAS 22:25

jachb'al awe chke i je ajch'oj chawij, chi je ajkamsanel chi lik kaxij awib' chke. Katinjach ni che ma Nabucodonosor, chi ajawinel re i tinimit Babilonia, xaq chke aj Caldea.

JEREMÍAS 32:3

I ajawinel ma Sedequías xutaq utz'apixik ma Jeremías, rumal xub'ij: I Ajwal keje iri kub'ij: “Kin-an na chi i tinimiti ktzaq ni pu'ab' i ajawinel re i tinimit Babilonia,

JEREMÍAS 44:30

Yin kinjach ni ma faraón Hofra, Ajawinel re Egipto, pki'ab' rajch'oj chrij, pacha ujachik ma Sedequías ajawinel re Judá pu'ab' ma Nabucodonosor, ajawinel re Babilonia, rajch'oj chrij.

JEREMÍAS 52:8

Xwiri i achiyab' chi je yij che i ch'oj aj Caldea xeterej b'i chrij i ajawinel ma Sedequías, k'a chwa ta'aj Jericó xekimaja wi. Konojel i achiyab' chi je yij che i ch'oj chi je re ma Sedequías xko'taj kanoq xaq xkikichersaj b'i kib'.

Ezequiel 17:12

Chatz'onoj che i qelqel laj tinimiti we reta'am wach ke'el usuk' i junamsaniki. Chab'ij: I ajawinel re Babilonia xk'un pa Jerusalén, xuchap b'i ajawinel re Judá xaq i rajpatanib', xaq xeuk'am b'i ru' pa Babilonia.

Ezequiel 17:20

Rumali keink'aq ni ink'at puwi ire, ru' ile ktzaq ni pin-ab'; kink'am chub'i pa tinimit Babilonia, chila kin-at ni tzij puwi rumal xkojon ti chwe.