JEREMÍAS 34:20 - Wuj Pa K'ubultzij

²⁰ Rumali, keinjach ni pu'ab' i ajch'oj chkij xaq ajkamsanel, xaq i kich'akul i kamnaq le kekitij nu b'i i k'uch xaq i itzel laj taq chikop.

JEREMÍAS 34:20 Referans Kwoze

JEREMÍAS 7:33

I kich'akul i kamnaq le kajwax ni re kkitij i tz'ikin chi je ajtijol ti'ij, xaq chke itzel taq chikop xaq lik nti ke'oqtaw b'ik.

JEREMÍAS 19:7

Che i k'ijib'ali kin-an ch'aqa taq che i kich'ob'om aj Judá xaq aj Jerusalén. Kin-an na chi lik k-ani tikilem chke xaq kekamsax kumal i je ajch'oj chkij, xaq i kich'akul kajwax ni chke i tz'ikin chi je ajtijol taq ti'ij xaq chke itzel taq chikop.

JEREMÍAS 16:4

Kekam ni rumal k'ax laj taq yob'il xaq lik mijun ko' taq chke xaq mitene kemuqik, lik keteli kan chwach taq ulew, pacha taq achaq. I nimaq taq ch'oj xaq i wa'jal kuk'is ni kiwach ike, xaq i kich'akul i kamnaq ketijaw nu b'i kumal i tz'ikin ajtijol taq ti'ij xaq kumal itzel taq chikop.”

JEREMÍAS 11:21

I achiyab' aj Anatot chi kkitzukuj te inkamsaxik xaq kkib'ij chwe chi kinlapan ti pub'i i Ajwal, we kwaj taj kinkikamsaj,

1 Reyes 16:4

Xapachin chke i awachalal chi kekam pa tinimit, ketijaw ni kumal i tz'i, xaq konojel ni'pa kekam pa taq es, ketijaw ni kumal i k'uch.”

JEREMÍAS 22:25

jachb'al awe chke i je ajch'oj chawij, chi je ajkamsanel chi lik kaxij awib' chke. Katinjach ni che ma Nabucodonosor, chi ajawinel re i tinimit Babilonia, xaq chke aj Caldea.

JEREMÍAS 21:7

Te'uri kinjach ni ma Sedequías, chi ajawinel re i tinimit Judá, pu'ab' ma Nabucodonosor, xaq pki'ab' i jub'an chik ajch'oj chrij, junam ku' i kaj-atzil, xaq i je ajch'oj xaq i winaq chi xek'asi kan pa nim laj tinimit chrijil chik itzel laj yob'il, chrijil chik i ch'oj xaq chrijil chik i wa'jal. Yin kin-an na chi kekamsax ru' ch'ich' chi k'ulala o uware, chi lik k-il ti pich' tob'al kiwach. Yin in Ajwal, xinb'iw ile.

1 Reyes 14:11

awachalal chi kekam pa tinimit, ketijaw ni kumal i tz'i, xaq konojel ni'pa i kekam pa taq es, ketijaw ni kumal i k'uch, man Yin chi in Ajwal keje ile kwaj chi k-antaj na.”

1 Samuel 17:46

Xwiri wo'or i Ajwal katujach ni pin-ab', man lik wo'or tan katinkamsaj xaq kink'atzij b'i ajolom; xaq kich'akul i achiyab' aj Filistea chi je yij che i ch'oj kinya ni chke i tz'ikin aj chikaj xaq chke i jalajuj itzel taq chikop. Man keje ile konojel i winaq chwach i jyub' ta'aj kketamaj na chi o jun Dios pa Israel;

1 Samuel 17:44

Xwi ta la ile, xaq xub'ij chik che: —Sa'aj warali man kinya ach'akul chke i tz'ikin aj chikaj xaq chke i jalajuj taq itzel taq chikop.

Ezequiel 32:4

Katinjukekej b'i chwach ulew xaq katinjab'b'a ni kan chwach ulew. Kin-an na chi konojel i tz'ikin je aj chikaj ketak'i pawi, xaq chkitzuqu ni kib' che ati'lal konojel ni'pa chikop aj pa taq es.

Ezequiel 29:5

Katink'aq nu b'i pa tz'inilik jyub' chaqij, junam ku' konojel i kar re araqana; kattzaq che i jyub' jamjik, i mijun katuyako re muqb'al awe. Kin-an ni chawe chi katkitij b'i itzel laj taq chikop aj pa taq es, xaq i tz'ikin aj chikaj.

JEREMÍAS 49:37

Kin-an ni che i tinimit Elam chi kb'arb'at chkiwach ajch'oj chrij, kintaq nu b'i k'ax laj taq yob'il pkiwi, xaq ronojel i woywal, xaq kintaq nu b'i ch'oj chkij k'a kk'is ni uwach ronojel. Yin in Ajwal, xinb'iw ile.

JEREMÍAS 44:30

Yin kinjach ni ma faraón Hofra, Ajawinel re Egipto, pki'ab' rajch'oj chrij, pacha ujachik ma Sedequías ajawinel re Judá pu'ab' ma Nabucodonosor, ajawinel re Babilonia, rajch'oj chrij.

JEREMÍAS 38:16

Xwiri i ma Sedequías, chi ajawinel, xub'ij jun tzij pub'i i Ajwal che ma Jeremías chi lik xwi ike keta'am: —Lik kinb'ij chawe pub'i i Ajwal, chi xyaw qak'aslemal, chi kintaq ti akamsaxik xaq katinjach ti pki'ab' i jub'an chi kkaj akamsaxik.

JEREMÍAS 4:30

Yet tinimit chi at wulijnaq chik. ¿Wach uchak kawiq taq awib' ru' chom laj k'ul kaqxar? ¿Wach uchak kawiq taq awib' ru' chomiq taq ab'aj re wiqb'al ib' an-o'oj? ¿Wach uchak katz'aj rij taq awach ru' tz'ajb'al eq? Lik kuriq ti uchak chawe chi ka'an taq chom che awib', man ni'pa i je awe ani'al lik kik'aqom chub'i a'ij, wo'or xa are akamik kkitzukuj.

Deuteronomio 28:26

Konojel i k'uch xaq i jalajuj itzel taq chikop kkitij ni ati'lal are at kamnaq chik xaq lik mijun kexib'iw b'ik.

Salmos 79:2

I kich'akul awajpatanib' are xekamik, xya' chke i tz'ikin aj chikaj re kkitijo, i kich'akul i je awe yet, chi lik je ch'am, xaq xkiya chke itzel taq chikop.

JEREMÍAS 12:9

Intinimit lik keje pacha jun tz'ikin chi lik chom rismal, chi kki'an ch'oj jub'an chik tz'ikin chrij. ¡Iwonojel yix chikop aj pa taq es chixpetoq, chimolo iwib' chutijawik jun nim laj wa'im!

Ezequiel 23:28

Iri kinb'ij Yin in Ajwal: Kin-an ni chawe chi kattzaq pki'ab' i nimaq taq tinimit chi tzel kawilo, chi xaq kmuluw ak'ux chke.