JEREMÍAS 33:26 - Wuj Pa K'ubultzij

²⁶ Lik kinxutuj ti kimuq kixikin i ma Jacob xaq ma David chi wajchak, xaq kinmayij ti relsaxik chkixol ike le, jun chi krajawin pkiwi umuq uxikin ma Abraham, ma Isaac xaq ma Jacob. Man Yin kwil ni tob'al kiwach ike le, xaq kin-an na chi ketzalij chal ni'pa i je k'amtal b'ik.”

JEREMÍAS 33:26 Referans Kwoze

JEREMÍAS 31:37

We o jun ij k-an tikilem chupajik i kaj xaq we o jun ij k-ani tikilem chi ksolix ukub'ib'al i jyub' ta'aj, are ij, uri, ile chi Yin keinxutuj aj Israel, rumal ronojel ni'pa i ki'anom. Yin in Ajwal, xinb'iw ile.”

ISAÍAS 14:1

Saq laj tzij, i Ajwal kril ni tob'al uwach ma Jacob. Te'uri kekanaj chik aj Israel pu'ab' chi je u'ulum, xaq ku'an ni chke aj Israel le chi ketzalij chik pa jeqelem chwach i kulew. I winaq je aj naj ketejeb' ni ku' ike, kki'an ni junam che kib' ru' utinimit ma Jacob.

Oseas 2:23

Kinkub'a ni intinimit che ulew chi lik we Yin; kwil ni tob'al uwach i Lo-ruhama, xaq i Lo-ammi kinb'ij ni che: Yet at intinimit, ire kub'ij ni chwe ¡Yet at in-Dios!

Oseas 1:7

Xwiri, kwil ni tob'al uwach i rajawinik i tinimit Judá: Lik Yin in Ajwal, ki-Dios, keinto na. Xwiri Yin keinto ti pa ch'oj, Yin keinto ru' ti k'aqb'al ch'ab', ru' ti ch'ich' chi k'ulala o uware, ku' ti kaway, xaq mitene ku' achiyab' chi je ajrij taq kaway.”

Ezequiel 39:25

Rumali, Yin in Ajwal, kinb'ij: Wo'or kwil ni tob'al uwach ronojel i tinimit Israel, ni'pa i je umuq uxikin i ma Jacob. Kin-an chke chi kjaltaj ni kik'aslemal, man keje ile lik keintaq chu'anik chi kya' u'ij i lo'laj inb'i.

JEREMÍAS 31:20

I utinimit ma Efraín lik keje pacha jun wak'al chi lik k'ax kinna'o. Are i wak'al ile chi lik k'ax kinna'o. Tupu kinyajo, lik ksach ti chink'ux, i wanima lik ktujuwik, lik kinna jun nim laj k'axnab'al k'uxij che. Yin in Ajwal, xinb'iw ile.

ISAÍAS 54:8

Are xti kan woywal xwuwaj jub'i' wib' chawach, xwiri ru' k'axnab'al k'uxij chi nti uk'isik xwil tob'al awach.” Are i Ajwal chi kiranel awe xb'iw ile.

Romanos 11:32

I Dios xu'an chqe chi qonojel oj qelqel laj taq winaq, man keje ile xaqjun qatotajik ku'an chqe qonojel.

GÉNESIS 49:10

Mijun kelsaw ucho'ab' ma Judá xaq i ch'amiy chi o pu'ab' k'a kk'un ni rajaw i ch'amiy, chi konojel i tinimit kekojon ni che.

ZACARÍAS 10:6

Kub'ij i Ajwal: Yin kinya ni kicho'ab' i je umuq uxikin i ma Judá xaq keinto ni je umuq uxikin i ma José. Kinnab'ej chkiwach re keink'am chali pkitinimit, man kwil tob'al kiwach. Keu'on tan chik pacha taq lik je inxutum taj, man Yin in Kajwal Dios, chi kinta kitz'onb'enik.

Esdras 2:70

I ajsujul sipon, aj Leví xaq jujun chke i winaq re i tinimit xekanaj kan pa jeqelem chila Jerusalén; xwiri i ajb'ix, ajchajal, konojel ni'pa kki'an kipatan prachoch i Dios xaq i jub'an chik aj Israel, xekanaj kan pa taq kitinimit.

Esdras 2:1

Iri are kib'i aj Israel chi xealax chila pa Judá chi xe'elsax b'i pa cho'ab' chwach kulew rumal i ajawinel ma Nabucodonosor aj Babilonia, chi chrijil chik kelsaxik b'i pa cho'ab' chwach kulew, xetzalij chik pa Jerusalén, xek'iji pa jalajuj taq k'ijib'al chila Judá, lik o jujun kok'aw utzam chke pa taq tzob'ajil, ike le je are iri: Ma Zorobabel, ma Jesúa, ma Nehemías, ma Seraías, ma Reelaías, ma Mardoqueo, ma Bilsán, ma Mispar, ma Bigvai, ma Rehum xaq ma Baana.

JEREMÍAS 3:12

Jat, xaq chatzijoj i tziji, kattzun b'i pa moxab': I Ajwal kub'ij: ¡Chattzalij chal wu', qelqel laj tinimit Israel! Lik utz ak'amik kin-ano xaq kin-an ti woywal chawe ronojel ij saq, man lik o rutzil ink'ux. Yin, chi in Ajwal, lik kin-an na wach i kinb'ij.

JEREMÍAS 33:24

“¿Atom ti b'ari wach kkib'ij i winaq, chi Yin inxutum i keb' alk'uwal chi Yin je in-ulum te'eq aj Israel xaq i aj Judá? ¡Rumali kkiyo'ya intinimit xaq kkich'ob' ti chik chi ile lik jun nim laj tinimit!

Salmos 126:1

I Ajwal, are xojresaj li yoj chi oj aj Sion prexil, yoj xqach'ob'o chi xa kojtijin che achik'.

JEREMÍAS 31:35

I Ajwal chi xukoj i ij re ktzun pa'ij, i ik' xaq i ch'umil re ktzun cha'ab', chi xaq ku'an che i mar chi krojoj uretum i ya, are ub'i ile Ajwal, chi ronojel ktiki che, kub'ij: