JEREMÍAS 32:9 - Wuj Pa K'ubultzij

^9-10 xinlo' i ulew che ma Hanameel chi uk'ojol i wikan, xeinsik'ij jub'an ajsaqinel tzij, lik chkiwach ike xintoj wuqlajuj saqpwaq, xaq xin-an i juch' chwach i wuj re ulew le, xaq keje xki'an ike lik xki'an i kijuch' chwach i wuj le.

JEREMÍAS 32:9 Referans Kwoze

Ester 3:9

Rumali we kumaj awach yet, Nim laj Winaq, chaya uri jun taqanik chi kub'ij chi kchup ni kiwach konojel; yin kinya ni oxwinaq wajxaqlajujmo' (7,260) tintal saq-o'oj chila ipa o wi ub'eyomal i ajawinel.

1 Reyes 20:39

Are ktijin rik'awik i ajawinel, are uri i profeta xsik'in chub'ixkil che: —I awajchaki, Nim laj Winaq, xuya rib' chwach i ch'oj, pa ch'oj le xel li jun achi yij che i ch'oj, rok'am li jun ajprex; xub'ij chwe: Chi chinqul kkanaj wi uchajixik i ajprex le; xwiri we k-anmaj b'ik, lik yin uri kinkamik, we ntaj, kintoj uri lajujwinaq wuqmo' (3,000) saqpwaq.

Oseas 3:2

Are uri xinlo' jun ixoq lik we yin i xintoj jo'lajuj pwaq re saq-o'oj xaq waqib' oxwinaq (66) kukub' nimaq re cebada.

ISAÍAS 55:2

¿B'uchak kiya i mer chwach jun b'iroxik chi wa taj? ¿B'uchak kilo' jun b'iroxik chi knojsan taj? Lik chinitatb'ej uri man keje ile jel ni kitijo, man lik jel taq b'iroxik kitij na.

GÉNESIS 37:28

Are xeik'aw i ajyakol k'ayij chi je aj Madián are uri xkesaj li a José chupam i k'otom xkik'ayij b'i chke, juwinaq saqpwaq xkiya wi b'ik. Keje uk'amik b'i a José ile chila pa Egipto.

GÉNESIS 24:22

Are xkik'is utu'ik kiya' i kamey, i achi xuk'am jun chom laj b'aq re uwi ab'aj an-o'oj chi nik'aj ons ralil xuwoyb'a putzam ali. Xaq xukoj keb' sotsaq an-o'oj chuqul u'ab' chi kajib' ons o che ralil chkijujunal.

ÉXODO 21:32

I toro we xuto' jun chke awinaq chi je o pa'ab', achi xaq we ixoq, i rajaw i toro le kutoj ni lajuj juwinaq (30) saqpwaq che i rajaw i winaq chi o pa k'ax, xaq i toro kkamsax ni uri ru' ab'aj.

NEHEMÍAS 5:15

Xwiri, i jub'an chik aj-ok'al utzam i jalajuj taq tinimit chi xek'iji nab'e chinwach yin, ike xkiya jun nim laj eqan pkiwi i tinimit, man ij ij kkitz'onoj kawinaq (40) pwaq saq-o'oj re kiwa xaq re uwa'al ki-uva muqb'am. Xwi ta la ile, xaq i kajchak utz ti kilik i winaq xki'ano. Xwiri yin, xin-an ti keje ile rumal kojb'al u'ij i Dios.

Ezequiel 4:10

Katij ni awa che u'oril chi ach'ikom, pa taq tasaj re nik'aj pexu che jujun ij;