JEREMÍAS 32:29 - Wuj Pa K'ubultzij

²⁹ I aj Caldea chi kki'an ch'oj chrij i nim laj tinimit, lik ke'ok nu b'i chupam xaq kkinak' ni a' che; kkinak' ni a' che junam ru' i ja chi je o li k'a puwi, chila ipa kkiporoj wi pom che i tiox Baal xaq kkisujuj uwa'al uva muqb'am chke i tiox chi etamam ti kiwach, kki'an ile qajsab'al in-ij.

JEREMÍAS 32:29 Referans Kwoze

JEREMÍAS 21:10

Man yin inch'ob'om chik uk'amik li i utz taj puk'exel i utz puwi i nim laj tinimiti. Kinjach ni pu'ab' i ajawinel re i tinimit Babilonia, ire lik kunak' ni a' che. Yin in Ajwal, xinb'iw ile.

JEREMÍAS 19:13

I ja pa taq tinimit Jerusalén, xaq i nimaq taq kachoch i ajawinelab' pa Judá xaq uwi ukale ja ipa ksujux wi pom chke konojel ni'pa i ch'umil chwa taq kaj, xaq kkijam wi i uwa'al uva muqb'am re kisipon chke i jub'an chik dios, lik kekanaj na chi lik je ch'am taj, lik keje pacha i Tofet.”

JEREMÍAS 52:13

lik xunak' a' che i rachoch i Ajwal, che i nim laj rachoch i ajawinel xaq konojel i ja chi je o pa tinimit, xwiri lik nab'e xunak' a' chke i kachoch i winaq chi o ki'ij xaq etamam kiwach,

SEGUNDO LIBRO DE CR%D3NICAS 36:19

Xwi ta la ile, xaq xkik'at i rachoch i Dios, xkiwulijsaj li tapial nim uwach chi o chrij chwach i tinimit Jerusalén, xkinak' a' che i nim laj rachoch i ajawinel xaq xkichup uwach i jalajuj taq b'iroxik chi lik paqal rajil.

JEREMÍAS 44:25

I Ajwal, chi ronojel ktiki che, chi ki-Dios aj Israel, kub'ij: Yix, ixoqib' kib'ij ru' ichi' xaq ki'an ni ru' i anik. Yix kib'ij chi i'anom jun sujunik re kisujuj pom xaq i sipon re uwa'al uva muqb'am che Ati Ajawinel re i Kaj, lik mixramtaj che i sujunik le, ¡Lik utz ile, chi'ana xaq chijacha pacha jun chak chi isujum u'anik!

JEREMÍAS 39:8

Te'uri i aj Caldea xkinak' a' che i nim laj rachoch i ajawinel xaq chke i ja chi je o chila pa tinimit, xaq xkiwulijsaj i tapial re i Jerusalén.

JEREMÍAS 7:18

I k'uwalxelab' kkitzukuj i si', i qajawxelab' kkinak' a' che, i chuchxelab' kkiyot' upam i or re i wa, te'uri kkisujuj chwach ati tiox chi Ati Ajawinel re i Kaj ub'i. Kkiqajsaj in-ij, xwi ta la ile, xaq kkisujuj i uwa'al uva muqb'am chkiwach i malkatel laj taq tiox.

Mateo 22:7

Rumali, i ajawinel lik xpe roywal che; xeutaq b'i uwinaq chi je yij che i ch'oj chkikamsaxik ni'pa i xe'anaw i kamik le, xaq chuporoxik i kitinimit.

Lamentaciones 4:11

I Ajwal xro'taj li nim laj roywal, rumal ucho'ab' i roywal le chi lik kjuluwik; xunak' a' che i tinimit Sion xaq lik xusachsaj uwach ukub'ib'al i tinimit.

JEREMÍAS 17:27

Xwiri yix we kixkojon ti che intaqanik, chi kiya i ij sábado chwe, xaq kikoj b'i eqan pa okb'al b'ik re i tinimit Jerusalén che i ij sábado, lik kinnak' a' uri che i okb'al re i tinimit Jerusalén, jun a' chi lik kujarsaj b'i i nimaq taq kachoch i ajawinelab' pa tinimit Jerusalén xaq mijun ktiki chuchupik i a' le.

2 Reyes 25:9

Are xupon pa nim laj tinimit Jerusalén, xunak' a' che i rachoch i Dios, che i nim laj rachoch i ajawinel xaq ronojel ni'pa i kachoch i winaq re i nim laj tinimit, xaq xk'at b'i kachoch konojel ni'pa nimaq kopis pa tinimit.

Hechos 10:9

Chukab' ij, tz'aqat i achiyab' le ketijin che i b'e naqaj chik che i tinimit Jope, are kolo tik'il ij, i ma Pedro xel b'i k'a puwi i ja chi ta'aj uwi, che i lapanik ru' i Dios.

Hebreos 3:16

Kintz'onoj ut: ¿Pachin keje xe'anaw ile? ¿Pachin xkita utzij i Dios i x-on panoq xekojon ti chik che? Je are ike chi i mam Moisés xeresaj li pa tinimit Egipto.

NEHEMÍAS 8:16

Are uri i winaq xe'e chutzukuxik i u'ab' taq che' le re kki'anb'ej kimujb'al re es chkijujunal chupam i kulew xaq chwaja re i kachoch, xaq chwaja re i rachoch i Dios, xaq pa k'ijib'al ipa kkimol wi kib' i winaq re i tinimit chi o chwach uchija re i Ya xaq pa k'ijib'al ipa kkimol wi kib' i winaq re i tinimit chi o chwach uchija re ma Efraín.

JEREMÍAS 11:17

Yin in Ajwal chi ronojel kintiki che, chi xattikawik, intaqom uqajik i k'ax pawi rumal i mak atzalal chi ki'anom i aj Israel xaq aj Judá, man kiqajsam in-ij rumal kkiporoj pom chwach i dios Baal.

JEREMÍAS 32:3

I ajawinel ma Sedequías xutaq utz'apixik ma Jeremías, rumal xub'ij: I Ajwal keje iri kub'ij: “Kin-an na chi i tinimiti ktzaq ni pu'ab' i ajawinel re i tinimit Babilonia,

JEREMÍAS 34:2

“Yin, chi in Ajwal, chi ki-Dios aj Israel, kinb'ij chawe chab'ij che ma Sedequías, chi ajawinel re i tinimit Judá: Keje iri kub'ij i Ajwal: Kin-an na chi i ajawinel re i Babilonia kuk'am ni i tinimiti xaq kunak' ni a' che.

ISAÍAS 22:1

Tzijonik re i Ajwal chrij i ta'aj ipa kb'ix wi xaq k-il wi wach kk'ulmaxik: ¿Wach ktijin uk'ulmaxik chi konojel ke'el b'i puwi i ja le?

JEREMÍAS 7:17

¿Kawil ti b'ari wach kki'an pa taq nimaq tinimit Judá, xaq pa taq b'e re i tinimit Jerusalén?

JEREMÍAS 30:14

Konojel ni'pa i qus katkilo xatsach chkik'ux, keb'ison ti chik chawe. Man yin xin-an k'ax chiwe pacha taq yin in jun ajch'oj chiwij, xinya i k'ax laj utojb'alil chiwe rumal i k'iyal taq imak, xaq i k'iyal taq mak atzalal,

JEREMÍAS 52:12

Che i lajuj ij re ujo' ik' re i b'elejlajuj junab' re rajawinik ma Nabucodonosor, ajawinel re i tinimit Babilonia, ma Nabuzaradán, uwi ujolom i ajawinel xaq aj-ok'al utzam i ajchajinelab' re i rachoch i ajawinel, xupon k'a pa Jerusalén

Ezequiel 23:47

lik ronojel i tinimit chekikamsaj ru' ab'aj xaq ru' i ch'ich' chi k'ulala o uware chkik'awsaj pkich'ak'ul; chekikamsaj kimi'al kik'ojol xaq chkik'atsaj i kachoch.