JEREMÍAS 32:24 - Wuj Pa K'ubultzij

²⁴ Rumali wo'or i aj Caldea, ki'anom elb'al b'ik anb'al ch'oj chrij i nim laj tinimit. I nimaq taq ch'oj, wa'jal, xaq i itzel laj taq yob'il, kki'an na chi ronojel i nim laj tinimit ktzaq pki'ab' i je ajch'oj chkij. Ajwal, Yet kawilo chi ktijin u'antajik ronojel ni'pa i ab'im.

JEREMÍAS 32:24 Referans Kwoze

JEREMÍAS 33:4

Yin in Ajwal, chi ki-Dios aj Israel, o jun tzijonik kinya'o, chrij i ja chi je o pa tinimit Jerusalén xaq i kachoch i ajawinelab' chi je o pa tinimit Judá, chi kwulijsax na. Are k-an b'i elik chu'anik ch'oj ru' ch'ich' chi k'ulala o uware chkij aj Caldea chi xaq kki'an kik'awb'al, kki'anb'ej ch'oj chrij i tinimit, ile xwi kuriq uchak chke re kkinojsaj che kich'akul i kamnaq. Yin, are lik mi'naq woywal keinkamsaj na, man lik kink'ut ti inpalaj chke i tinimit le, rumal i mak atzalal chi ki'anom.

JEREMÍAS 32:36

Yin in Ajwal, chi ki-Dios aj Israel, kinb'ij iri chrij i nim laj tinimiti chi kab'ij yet, chi ktzaq ni pu'ab' i ajawinel aj Babilonia, rumal i nimaq taq ch'oj, wa'jal, xaq itzel laj taq yob'il.

Deuteronomio 4:26

yin kinkoj i kaj xaq i jyub' ta'aj chi are kekojow imak chi juntir ksach iwach che ulew le chi kixk'iji ni chwach jela ch'aqa ya Jordán. Lik naj ti kixk'iji uri chwach i ulew le, lik kchupsax ni iwach iwonojel.

ZACARÍAS 1:6

Xwiri, intzij xaq intaqanik, chi Yin inya'om te chkiqul i wajpatan chi je profeta, xeupon ku' iwatit imam yix ujer. Ike xetzalij chik wu' Yin, xketamaj chi Yin in Ajwal chi Ronojel Kintiki Che, xin-an chke pacha kmajawik rumal i anik chi xki'an ike pkik'aslemal.

Ezequiel 21:22

Che u'ab' wiqab'im xel wi ch'ab' chi kuk'ut pa Jerusalén, ile ke'eloq chi ku'an ch'oj chrij ru' ch'ojb'al xaq taqanik che i kamsanik, sik'inik re i ch'oj, keuwulijsaj uchija, kyijb'ax jun elb'al b'ik keje ile kkisutij rij ronojel.

Ezequiel 14:21

Yin in Ajwal, kinb'ij: Lik mas xib'in ib' ru', are kintaq b'i chrij i tinimit Jerusalén kajib' utojb'alil kimak, chi are iri: Ch'oj, wa'jal, itzel laj taq chikop xaq i yob'il chi keukamsaj i winaq xaq i chikop.

JEREMÍAS 32:3

I ajawinel ma Sedequías xutaq utz'apixik ma Jeremías, rumal xub'ij: I Ajwal keje iri kub'ij: “Kin-an na chi i tinimiti ktzaq ni pu'ab' i ajawinel re i tinimit Babilonia,

Mateo 24:35

I kaj, i ulew ksachik, xwiri intzij Yin ksach taj, k-antaj ni ronojel ni'pa inb'im chiwe.

JEREMÍAS 52:6

Che i b'elejeb' ij, re ukaj ik', che i junab' le xk'iyar i wa'jal pa tinimit, i winaq lik nti chik o ku' re kkitijo.

JEREMÍAS 32:25

Xwiri, Yet Ajwal, Yet xinataq che chi kinlo' i ulew xaq lik chkiwach i ajsaqinel tzij, tupu i tinimit ktzaq pki'ab' aj Caldea.

JEREMÍAS 24:10

Kintaq nu b'i nimaq taq ch'oj pkiwi, wa'jal xaq i itzel laj taq yob'il, k'a kekam ni konojel chi mijun kkanaj kan pa tinimit chi xinya chke ike xaq chke i katit kimam.

JEREMÍAS 16:4

Kekam ni rumal k'ax laj taq yob'il xaq lik mijun ko' taq chke xaq mitene kemuqik, lik keteli kan chwach taq ulew, pacha taq achaq. I nimaq taq ch'oj xaq i wa'jal kuk'is ni kiwach ike, xaq i kich'akul i kamnaq ketijaw nu b'i kumal i tz'ikin ajtijol taq ti'ij xaq kumal itzel taq chikop.”

2 Samuel 20:15

I achiyab' chi je yij che i ch'oj re ma Joab are xeupon pa tinimit Abel-bet-maaca, xki'an jun anb'al puwi i tapial nim uwach re kokb'al pa tinimit, xaq xkitij uwulijsaxik i tapial le.

ISAÍAS 37:33

I Ajwal kub'ij i tziji chrij i ajawinel aj Asiria: “Ire kok tu b'i pa tinimit Jerusalén, mijun ch'ab' kuk'aq na, xaq ku'an ti ch'oj chrij, tupu o utob'al, xaq ku'an ti ik'awb'al chrij chwach.

JEREMÍAS 6:6

I Ajwal chi ronojel ktiki che uya'om i taqaniki: “Chik'atzij i che' re anb'al re i elb'al b'ik pa tinimit Jerusalén anb'al ch'oj chrij. I tinimit lik k'oqtal chik rumal uya'ik jun tojb'alil puwi man lik to' kamsanik ku'ano.

JEREMÍAS 20:5

Ronojel ni'pa i b'eyomal re i nim laj tinimit le xaq kinjach ni pki'ab' ajch'oj chkij, ronojel ni'pa i kulew xaq i b'iroxik chi o u'ij, xaq ronojel ni'pa i b'iroxik nim u'ij ke i ajawinelab' aj Judá, re kkik'am b'i pa Babilonia.

JEREMÍAS 29:17

Yin in Ajwal chi ronojel kintiki che kinb'ij: Kintaq li ch'oj, wa'jal xaq k'ax laj taq yob'il piwi. Kin-an ni chiwe pacha i higo chi aynaq chik, lik utz ti chik ktijawik.

JEREMÍAS 29:18

Lik kin-an ni chiwe chi kixinterb'ej ru' nimaq taq ch'oj, wa'jal xaq ru' k'ax laj taq yob'il. Kin-an na chi konojel i winaq re uwach i jyub' ta'aj kixkil na pacha taq ix xib'inel, xaq kin-an ni chiwe chi kixtzaq ni chupam i k'ixb'alil, yo'yanik xaq i k'oqonik che ronojel i nimaq taq tinimit ipa ix inkichersam wi b'ik.

JEREMÍAS 32:5

I ma Nabucodonosor kuk'am nu b'i ma Sedequías pa Babilonia, chila kkanaj wi k'a kinupon ni yin ru'. Tupu yix ki'an ch'oj chkij aj Caldea, xwiri ile nti uchak. Yin in Ajwal, xinb'iw ile.”

JEREMÍAS 32:28

Rumali chi Yin kinb'ij chawe: Kin-an na chi i nim laj tinimiti ktzaq ni pu'ab' ma Nabucodonosor, ajawinel re i Babilonia xaq ke aj Caldea.

JEREMÍAS 34:17

Keje uri ile, Yin, chi in Ajwal, kinb'ij: Yix xixkojon ti chwe man xeiwo'taj tu b'i iwinaq chi je o pa k'ax; rumali wo'or Yin kin-an na chi kjeqan ni nim laj ch'oj chixol, wa'jal xaq yob'il, man keje ile lik kkiya ni jun nim laj xib'rikil chiwe xaq che ronojel ni'pa i ajawinik chwach i jyub' ta'aj. Yin in Ajwal, xinb'iw ile.

JEREMÍAS 52:4

Che i lajuj ij re i lajuj ik' re i ub'elej junab' che i rajawinik ma Sedequías, i ajawinel ma Nabucodonosor xumaj b'i ub'e junam ku' konojel achiyab' chi je yij che i ch'oj, xe'e chu'anik ch'oj chrij i Jerusalén, lik xkisutij rij. Xe'uxlan pan chwach, xaq chrij chwach xki'an ral taq cholchol yoch re kelb'al b'ik are kki'an ch'oj chkij.

Ezequiel 26:8

Lik ru' uware ch'ich' chi k'ulala o uware keukamsaj ral taq atinimit chi naj je o wi che i mar; kuyak ni jun tapial chawij chawach, kuyak ni k'iyal taq anb'al re anb'al ch'oj chawij, xaq keutaq b'i i achiyab' chi je yij che i ch'oj chawij, lik kuk'am b'i kitob'al kib'.

Habacuc 1:10

Kekiyo'ya i ajawinelab' xaq i winaq chi o ki'ij. Xa kkitze'ej i tapial nimaq uwach, man kkit'ub'a ulew re kik'aw pkiwi i te'uri kekichapo xaq lik kekik'am b'ik.

Ezequiel 4:2

Te'uri chasutij rij ku' i achiyab' chi je yij che i ch'oj xaq ru' i b'iroxik re ch'ojb'al, cha'ana jun tapial chrij chwach, i jun anb'al b'ik, man keje ile k-aljinik pacha jun tinimit sutim rij.

Ezequiel 21:27

Ronojel kin-an che chi kewulijik, wulijnaq chik xaq kwulij mas. Xwiri iri xwi k-antaj na are kk'un i jun chi intaqom li Yin, chi inya'om chuqul chi ku'an i atb'al tzij.