JEREMÍAS 32:2 - Wuj Pa K'ubultzij

² Che taq i ij le i achiyab' chi je yij che i ch'oj re i ajawinel re i tinimit Babilonia ketijin chu'anik ch'oj chkij i winaq aj Jerusalén; ma Jeremías, chi profeta, tz'apim chwaja ipa je o wi i chajinelab' chila pa nim laj rachoch i ajawinel.

JEREMÍAS 32:2 Referans Kwoze

JEREMÍAS 37:21

Are uri i ajawinel, chi ma Sedequías, xub'ij chi ma Jeremías kkanaj prexil chwaja ipa je o wi ajchajinelab' xaq ij ij kkik'am b'i jun ukaxlanwa chi kek'am chila che i b'e ke i aj-anol kaxlanwa. Keje iri x-antaj na tz'aqat lik o kaxlanwa pa tinimit le. Keje uri ile chi ma Jeremías xkanaj kan chwaja ipa je o wi i ajchajinelab'.

NEHEMÍAS 3:25

Chrijil chik ire le, ma Palal, chi uk'ojol ma Uzai, xuyijb'a i tapial chi o chwach i ko'kik xaq i nim laj ja tak'tik chi o chwach i nim laj rachoch i ajawinel, chila chwaja ipa o wi ajchajinel. I juperaj chik xuyijb'a ma Pedaías, chi uk'ojol ma Faros,

JEREMÍAS 38:6

Are uri ike xkichap ma Jeremías, xkiya chupam i k'otom chaqij upam re ma Malquías, chi uk'ojol i ajawinel, chi o chila chwaja ipa je o wi i chajinelab'. Xkiqajsaj ru' jun laso nim upam chupam i k'otom, nti ya chupam, xa xo'ol upam, rumali chi ma Jeremías xmuqtaj b'i chupam.

JEREMÍAS 33:1

Tz'aqat ma Jeremías k'a tz'apil chila chwaja ipa je o wi chajinelab', i Ajwal xlapan chik ru' ire ukamul:

JEREMÍAS 32:8

Lik pacha xub'ij i Ajwal chwe, keje ile x-antajik, man i ma Hanameel chi rak'al i wikan, xk'un wu' chwaja ipa je o wi i chajinelab', xaq xub'ij chwe chi kinlo' i ulew le che chi o pa Anatot, chi ukwenta utzob'ajil ma Benjamín; yin lik o we che i ulew le man lik je wachalal. Are xinnab'ej chi ile utaqanik i Ajwal,

Mateo 5:12

Mixb'isonik, lik chixkikotoq man kya' ni uri jun nim laj sipon chila chikaj. Chk'un chik'ux chi xaq keje xki'an ile chke i je profeta chiwijil yix.

JEREMÍAS 36:5

Te'uri ma Jeremías xub'ij jun tzijonik che ma Baruc: “Chawila pe wach in o yin chupam, ile lik kuya ti chwe chi kin-e prachoch i Dios.

JEREMÍAS 32:3

I ajawinel ma Sedequías xutaq utz'apixik ma Jeremías, rumal xub'ij: I Ajwal keje iri kub'ij: “Kin-an na chi i tinimiti ktzaq ni pu'ab' i ajawinel re i tinimit Babilonia,

Salmos 88:8

A'anom chwe chi in ko'tam kan wamiy, a'anom chwe chi lik kinch'ijaw ti chke ike. ¡Xaq lik in keje pacha jun prex chi nti kel wi!

JEREMÍAS 34:1

Ma Nabucodonosor, chi ajawinel re i Babilonia, junam ku' i achiyab' chi je yij che i ch'oj, chi je are i winaq ke konojel ni'pa i nimaq taq tinimit re i uwach i jyub' ta'aj chi je o pu'ab' ire, ketijin chu'anik ch'oj chrij i tinimit Jerusalén xaq chkij i tinimit chi je o naqaj chke, i Ajwal xlapan ru' ma Jeremías, xub'ij che:

JEREMÍAS 37:4

I ma Jeremías k'amaja kk'am b'i prexil, rumali chi k'a kmalkat chkixol i winaq pa tinimit.

JEREMÍAS 38:13

Keje u'anik uri ile chi achiyab' xkik'aq b'i laso pa jul, are uri xkesaj li ma Jeremías chila. Chrijil chik ile i ma Jeremías xkanaj kan chwaja ipa je o wi ajchajinelab'.

2 Reyes 25:1

Xwiri ma Sedequías xuqel i ajawinel aj pa tinimit Babilonia. Che i lajuj ij, che i lajuj ik' re ub'elej junab' rajawinik ma Sedequías, i ajawinel ma Nabucodonosor x-e chu'anik ch'oj pa Jerusalén junam ku' uwinaq chi je yij che i ch'oj xaq xusutij chik rij i tinimit xaq xe'uxlan chrij chwach. Xu'an ik'awb'al re ku'anb'ej ch'oj chkij.

JEREMÍAS 37:15

Are uri ike le lik xmi' koywal che ma Jeremías xaq xkitaq u'anik k'ax che xaq xkitz'apij chila chi rachoch ma Jonatán, chi ajtz'ib'anel re anoj, i k'ijib'al le ki'anom kik'ijib'al ajprex che.