JEREMÍAS 32:1 - Wuj Pa K'ubultzij

¹ I Ajwal xch'aw che ma Jeremías che i ulajuj junab' che rajawinik ma Sedequías pa tinimit Judá, chi are uwajxaqlajuj junab' rajawinik ma Nabucodonosor.

JEREMÍAS 32:1 Referans Kwoze

JEREMÍAS 25:1

Che ukaj junab' re urajawinik ma Joacim, chi uk'ojol ma Josías, aj pa tinimit Judá, are uri i Ajwal xlapan ru' ma Jeremías xaq xuya jun tzijonik che chrij ronojel i tinimit Judá. Ile x-ani che i nab'e junab' re urajawinik ma Nabucodonosor chila Babilonia.

SEGUNDO LIBRO DE CR%D3NICAS 36:11

Ma Sedequías o jun juwinaq (21) junab' che are xujeq ajawinik, julajuj junab' xrajawin chila Jerusalén.

JEREMÍAS 21:1

I ajawinel ma Sedequías xutaq b'i ma Pasur, chi uk'ojol ma Malquías, xaq i ajsujul sipon, chi ma Sofonías, chi uk'ojol ma Maasías, chrilik ma Jeremías xaq chub'ixkil che: “Cha'ana utzil chqe, chatz'onoj che i Ajwal pqawi, man i ma Nabucodonosor, ajawinel re i Babilonia, ktijin chu'anik ch'oj chqij. I Ajwal moqxa kraj ku'an jun nim laj il, xaq kutaq ma Nabucodonosor chujek'ik rib' chu'anik ch'oj chqij.” Are uri i Ajwal xch'aw che ma Jeremías,

JEREMÍAS 27:1

Che ukaj junab' re urajawinik ma Sedequías, chi uk'ojol ma Josías pa Judá, i Ajwal xlapan ru' ma Jeremías,

JEREMÍAS 34:1

Ma Nabucodonosor, chi ajawinel re i Babilonia, junam ku' i achiyab' chi je yij che i ch'oj, chi je are i winaq ke konojel ni'pa i nimaq taq tinimit re i uwach i jyub' ta'aj chi je o pu'ab' ire, ketijin chu'anik ch'oj chrij i tinimit Jerusalén xaq chkij i tinimit chi je o naqaj chke, i Ajwal xlapan ru' ma Jeremías, xub'ij che:

JEREMÍAS 52:29

Che i wajxaqlajuj junab' xeresaj b'i kab'lajuj juwinaq kamo' (832) pa Jerusalén;